Eremu mistotik euskaldunera pasatzeko eskaria egingo du Atetzek

  • Atetz (Nafarroa) izango da eremu mistotik euskaldunera pasatzeko eskaria egingo duen lehen herria. Asteartean egingo dute bilkura udalean eta, EH Bilduk gehiengoa duenez, mozioa onartuko dute.

Ane Eslava Serrano @eslavaane
2017ko maiatzaren 09a

2017ko otsailean eremu ez-euskalduneko hamaika udalerrik mozioak onartu zituzten, bi eskarirekin: Euskararen Legea bertan behera uztea eta, hori lortu bitartean, eremu mistoan sartzea. Gobernuak baiezkoa eman zion eremuz aldatzeko eskariari, eta prozedura ireki zuen. Dagoeneko 40 udalerrik baino gehiagok egin dute eskaria eta aldaketa oraindik bidean dago.

Atetzek onartuko duen mozioa, ordea, haratago doa: eremu mistotik euskaldunera pasatzea eskatuko du, herrian euskara ofiziala izan dadin. Lortzen badute, herritarrek administrazioaren zerbitzua euskaraz jasoko dute eta euskara ezagutzeak garrantzi handiagoa izango du lanpostu publikoetan, besteak beste. Hezkuntzari dagokionez, eremu mistotik euskaldunera pasatzeko G eredua (ikasgairik ez euskaraz) kentzea aurreikusten da. Baina Atezko haurrak Larraintzarreko D ereduko eskolara joaten dira; beraz, ez dute aldaketarik egin beharko.

Zonifikaziorik ez egotea eta euskara Nafarroa osoan ofiziala izatea da Atezko Udalaren aldarria, baina gobernuan Euskararen Legea aldatzeko adostasunik ez dagoen bitartean, eremu euskaldunera sartzeko eskatuko dutela azaldu du alkateak.  

Beste eskari bat ere jasoko du Legebiltzarrak: Zizurko Zendeak eremu mistotik ez-euskaldunera aldatzeko mozioa aurkeztuko du. UPNk du gehiengo osoa han.

Kanal hauetan artxibatua: Zonifikazioa  |  Euskara  |  Euskara Nafarroan  |  Nafarroa

Zonifikazioa kanaletik interesatuko zaizu...
Separatismorik ez!

Wikipediaren definizioaren arabera gizarte-bazterketa da “pertsonek gizarte-ongizatea eta bizi-kalitatea eskuratzeko jasaten dituzten oztopo sozial, ekonomiko edo politikoen multzoa, gizartearen sisteman modu egokian ez integratzeagatik”. Nafarroan, hainbat dira definizio horren baitan sartzen diren marjinazio-egoerak, baina bada bat legez ezarrita dagoena, 1986tik: euskaldunon hizkuntza eskubideen zonifikazioa. Gizarte esklusioa gaitza bada, are eta okerragoa da diskriminazio hori... [+]


2017-10-12 | Andoni Mikelarena
'Euskara Ofiziala Nafarroa Osoan' kanpaina abiatu du Kontseiluak

Eremu mistoko hainbat herritan egingo dute kanpaina. Herritarrak instituzioei zonifikazioarekin amaitzeko eskabidea egitera bultzatu nahi dituzte.


Eremu mistoa eta D eredua, erraldoi pausoak ofizialtasunerantz

Nafarroako eremu ez-euskaldunetik mistora igarotzea eta herriko eskolan D eredua sartzea lortu dute Antzingo herritarrek. Ofizialtasuna dute helburu, baina emandako urratsekin euskaraz bizitzen uzten ez dieten mugak apurtzea espero dute. Aldaketak nola hezurmamituko dituzten azaldu digute.


Nafarroako 39.000 herritar eremu "ez-euskaldunetik" mistora pasako dira gaur

Zonifikazioaren inguruko bozketa egingo dute asteazkenean Nafarroako Legebiltzarrean. 43 udalerri eremu "ez-euskaldunetik" mistora pasako dira eta Atetz, berriz, mistotik euskaldunera. Zizurko Zendea eremu "ez-euskaldunera" aldatzeko eskaera ez dute onartuko.


Nafarroako Kontseilura igorri du Gobernuak euskara administrazioan arautzeko dekretuaren proiektua

Gaur egun 148 langile publiko daude 80.000 euskaldun atenditzeko. 3.500 funtzionario baino gehiago euskaldundu dira azken urteetan eta horietatik, milak baino gehiagok lortu dituzte B2 edo C1 gaitasun tituluak.


Eremu 'ez euskaldunera' ez pasatzeko 623 sinadura aurkeztu dituzte Zizur Zendeako herritarrek

Geroa Bai, EH Bildu, Ahal Dugu eta Ezkerrako ordezkariek jaso dituzte sinadurak, zendeako UPNk eremu elebidunetik ateratzeko mozioa onartu ostean.


Zizurko Zendean sinadura bilketa egingo dute eremu 'ez euskaldunera' pasatzearen aurka

Eremu mistotik 'ez euskaldunera' pasatzeko proposamena aurkeztuko du asteazkenean Zendeako Udalak. Herritarrek neurriaren aurkako sinadura bilketa eramango dute Nafarroako Legebiltzarrera, Diario de Noticias-en irakur daitekeenez. Zendeako lau kontzeju UPNren proposamenaren aurka agertu dira.


2017-05-05 | ARGIA
Zizur Zendeako Udalak eremu ez-euskaldunera igarotzea eska dezake

Diario de Navarra-ren arabera, Zizur Zendeako Udalak maiatzaren 10eko plenoan aurkeztuko du proposamena. UPNk gehiengo absolutua du udalerrian.


Azkenak
EGILEA
Eguneraketa berriak daude