Eredu baztertzailea bultzatzen duela leporatu dio Mugimendu Feministak Udalari, Azkena Rock-eko datuak gogoratuz

  • Gasteizko Mugimendu Feministak Arabako instituzioek “jai-eredu baztertzaile bat bultzatzen dutela” salatu du, aurtengo Azkena Rocken arituko diren 34 taldeetatik soilik hirutan emakumeen presentzia egongo dela gogoratuz. Bost puntu exijitu dizkiete arduradun politikoei.

Hala Bedi @halabedi
2018ko ekainaren 07a
(Argazkia: Hala Klik)

Arabako instituzioek “jai-eredu baztertzaile bat bultzatzen dutela” salatu du Gasteizko Mugimendu Feministak. Azkena Rock Festival jaialdia ate joka dugunean -ekainaren 23ko asteburuan ospatuko da-, beste urte batez emakumeen presentzia minimoa dela gogoratu dute: Mendizabalako zabalguneko oholtzara igoko diren 34 taldeetatik 3k soilik dute emakumeren bat euren kideen artean.

Hala ere, zifra hauek salbuespen bat ez direla narbarmendu nahi izan dute Plaza Berrian egin dute agerraldian. Iaz, esate baterako, lau taldek baino ez zuten emakumezko kideren bat.

“Baina kezkatzen gaituen bakarra ez da oholtza gainean emakumeen presentzia eskasa; horren atzean, jaialdi honek ezkutatzen duen eredua da zalantzan jartzen duguna. Emakumeen presentzia eskasa icebergaren punta baino ez da; egoera honek, beraz, kritika oso eta estrukturala merezi du”, salatu dute.

“Azkena Rock Festival jaialdiaren antolatzailea, Last Tour International enpresa, diru publikoa erabiliz,  helburu komertzialak baino ez dituen ekimen bat antolatzen ari da”, esan dute. Izan ere, Gasteizko Udaletik soilik 270.000 euro jasotzen ditu festibala antolatzeko.

Jaialdirako, beraz, berdintasun politika askotara bideratzen den partida baino partida handiagoa jasoko duela gaitzetsi dute, “jaialdi elitista bat bultzatuz, egoera prekarioan lan egiten duten langile askorekin, eta emakumeok lekurik ez dugun jai eredu bat bultzatuz”. Ondorioz, “kultura eredu sexista bat” bultzatzea leporatu diote jaialdiari eta Azkena Rock Festibaleko antolatzaileei.

Zentzu honetan, iaz, aurtengo ediziorako arazo hau konponduko zutela gogorarazi diete arduradun politikoei.

Hau guztia dela eta, Gasteizko Mugimendu Feministak bost puntu jarri nahi zian ditu mahaiaren gainean:

Udalaren betebeharra eta ahalmena dela kontratu publiko edota hitzarmen bidez kontratatzen duen orok emakumeen presentzia bermatzea bere programazioan.  Era berean, antolatzen den ekimenean zehar emakumeen zein LGTBI komunitatearen kontrako erasorik eman ez daitezen neurriak hartzea ezinbestekotzat jotzen dute.

Enpresa pribatu batentzako onura ekonomikoak lortzea helburu duen jaialdirik ez dute onartzen, ezta “eredu elitista” bat bultzatzen duenik. “Jende askorentzat lorgarriak ez diren prezioak ditu eta langileak prekarizatzen ditu”.

Era honetako jaialdiak finantzatzeko, diru zein espazio publikorik ez erabiltzea eskatu dute, “bertan emakumeak esplotatuak eta gutxietsiak baikara”.

“Udalbatza osoari dei egiten diogu zentzu honetan lan egitera, emakumeen zein LGTBI komunitatearen kontrako erasorik gabeko espazioak lortze bidean. Horrela, Emakumeok presentzia publikoa izan dezagun esparru guztietan, bazterketarik gabe”.

PNV eta PSE-EEk osatzen duten udal gobernuak gai honetan aurrera daraman politika baztertzailearen kontra lerroka daitezen eskatu diete hiriko eragileei.

Gasteizko Mugimendu Feministatik “prekaritate eta bazterketarik gabeko jai eredu batean” sinesten dute. “Beste modu batera esanda, emakumeon kontrako indarkeriarik gabeko jai eredu batean sinesten dugu”.

Albiste hau Hala Bedik argitaratu du eta CC-by-sa lizentziari esker ekarri dugu ARGIAra.
Kanal hauetan artxibatua: Kultur politikak  |  Gasteiz  |  Azkena Rock festibala

Kultur politikak kanaletik interesatuko zaizu...
2018-06-10 | Amaia Lekunberri
Erakusleiho-hirian, distira propioari eusten

Apirilaren 26an Bilboko Etxebarrieta Anaien plazan egindako prentsaurrekoan aurkeztu zuen bere burua Piztu Bilbo, Itzali MTV plataformak. Hilabeteko tartearekin hitzartu garenerako, ostera, plataformak eragile izaera bereganatu duenez, aurrerakoan bere dinamika propioa eramango duela nabarmendu du bertako kide den Peio Ibañezek. Kolektibo ugaritako errepresentazioa duen taldea izanik, esan daiteke helburu berberarekin elkarlanean aritzeari neurria hartu diotela.


2018-05-16 | Miren Osa Galdona
Ohitura kulturalaren paradoxa EAEn: balio handia eman arren, herritarrak ez dira oso kulturzaleak

EAEko kultur ohiturei buruzko 66. Soziometroak berretsi du duela hilabete Elkar etxeak eta Siadeco ikerketa taldeak argitaratutako emaitzak: euskaldun gehienek ez dute euskal kulturarik kontsumitze. Aldiz, kultura politika publikoen lehentasunetako bat izan beharko litzatekeela ondorioztatu du ikerketak.


2018-04-29 | Aingeru Epaltza
Letragabe

Elkar fundazioak euskaldunon kultur kontsumoaren gainean egin duen azterketak harrotu ditu bazterrak. Harritzekoa, kontu zaharra baita euskal kulturaren egoera barnetik ezagutzen duen edonorendako. Berria, izatekotan, datu hotzek oraingoan izan duten oihartzuna izan da. Niri, bederen, ez zaizkit hain txarrak iruditu. Egiazkoak izatera. Euskaldunen %22,9 –180.000 lagun ia– euskarazko ohiko liburu irakurle? Zein isilik zeukaten euskal argitaletxeek!

Ni Elkar fundazioarekin bat:... [+]


2018-02-04 | Lander Arretxea
Irene Larraza, Etxepare Institutuko zuzendaria
"Munduko kultur institutu guztiekin parez parez aritu nahi dugu"

Etxepare Institutuko zuzendari berria da Irene Larraza tolosarra. Aurrez, sei urte eman ditu bertan, bestelako arduretan. Etxea ongi ezagutzen du. Miren Arzalluzek duela urtebete hasitako bidea jarraitzea egokitu zaio, baina nahi luke, lan horretan, bere eskua eta egiteko moduak nabaritzea.


Artista = prekario? Sortzaileen lan baldintzak aztergai EHUren jardunaldi batean

Lanean aritu arren, gehienek ez daukate soldata arauturik. Zergatik? Artistek bizi duten prekarietateari buruzko kongresua antolatu du EHUk ostegun honetan Bilbon. Prekariart jardunaldian artisten lan baldintzez eta haiek hobetzeko alternatibez ariko dira bi egunez.


2018-01-23 | Andoni Mikelarena
1,5 eta 3 milioi euro arteko kostua izango du Bizkaiko Aldundiarentzat MTV sarien antolaketak

2018ko azaroaren 4an, BEC nazioarteko musika komertzialaren gune nagusi bihurtuko da. Milioika jarraitzaile izan ohi ditu MTV telebista kateak urtero banatzen dituen Europako Musika Sarien galak, aurten Bizkaian izango da.


Fauna publikoa
Beltxargen aintzira autonomikoa

Ballet-koreografia bateko pausoa balitz bezala begiratu behar zaio Juan Ignacio Vidarteren adierazpen honi. Ondo kalkulatua, perfekziotik gertu.


Konfiantzazko pertsona bat aukeratu du Etxepare Institutuak Arzalluz ordezkatzeko: Irene Larraza

Etxeko pertsona bat aukeratu du Etxepare Institutuak zuzendari kargua utzi berri duen Miren Arzalluz ordezkatzeko: Irene Larraza izango da Etxepareko zuzendari berria, 2012tik institutuan lan egiten du eta ondo ezagutzen du erakundea.


2017-12-19 | ARGIA
Datozen egunetan izendatuko dute Etxepareko zuzendari berria, Arzalluzek kargua utzi ostean

Etxepare Institutua zuzendaririk gabe geratu da, duela urtebete kargua hartu zuen Miren Arzalluzek Parisko Moda Institutua zuzenduko duela iragarri ondoren.


Azken eguna Azokan
Imajinatu ezin dena egiteaz

Orain zail egiten da imajinatzea Azoka hura, artistek beren lanak erakusteko espaziorik gabekoa, bisitariari eduki askoz gutxiago eskaintzen ziona. Orain ezagutzen dugun Azoka hau orduan imajinatzea bezain zaila, gutxi gorabehera.


Azkenak
EGILEA
Eguneraketa berriak daude