Nazioarteko kanpaina abiatuko dute Askapenak eta Eleak mugimenduak, Euskal Herriaren Lagunak sarearekin elkarlanean. Eskubide zibil eta politikoen defentsaren aldeko jarduna elikatzea da beren asmoa. Bizipen eta hausnarketa pertsonalak elkartrukatuko dituzte beste herrialdeetako eragileekin.
Finkatua dute behin behineko agenda: Erroman apirilaren 1ean; Parisen apirilaren 10ean eta Herrialde Katalanetan apirilaren 15etik 17ra bitartean. Madrilera, Andaluziara, Alemaniara, Eskoziara, Argentinara eta Venezuelara ere zabalduko dute ekimena, asteartean Gasteizen eginiko agerraldian jakinarazi dutenez.
Kanpaina horren baitan, beren esperientzia pertsonalaren berri emango dute Askapenako auzipetu ohiek: atxiloketei loturiko bizipenak, espetxeratzea, tortura salaketak… Nazioarte mailako “elkartasuna indartzea” da xedea. Bisitatzen dituzten herrialdeetako eragileen bizipen eta ekarpenak ere entzun nahi dituzte, “borrokarako baliagarri” izan dakiekeelakoan. Bestetik, eskubide zibil eta politikoen urraketak salatzeko ekimenak iragarri dituzte.
Egitasmoaren bultzatzaileek salatu dute “Euskal Herriko militanteen” aurkako epaiketek indarrean jarraitzen dutela: gaur-gaurkoz, Espainiako Auzitegi Nazionalak hamasei pertsonari finkatu die data, eta zain daude beste asko. Horien artean, akusatuek torturapean eginiko aitortzetan oinarrituriko epaiketak daudela gaineratu dute. Horri aurre egin nahian, nazioarteko babesa bilatzeari ekin diote: “Argi daukagu internazionalismoak elikatu egiten gaituela”.
Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]
Ez dakit zure herrira helduko den Hamaika diziplina anitzeko proiektu artistikoaren erakusketa.
Artelanekin batera, hamaika lekukotasun. Bertan denetarik dago: beldurra, mina, amorrua, esperantza, etsipena, indarra... Maitasunez idatzitako testigantzak. Garondoan mehatxuaren... [+]
Pertsona oso energetikoa da eta gorputzak uzten dion bitartean “ahalik eta gehien” disfrutatzen saiatzen da Espe Ciriza Asenna Nafarroako Endometriosi Elkarteko kidea (Iruñea, 1981). Endometriosia dauka, eta horren ondorioz, “izugarrizko” min... [+]
Toledo, 1272-1280. Alfontso X.a Gaztelakoak Ama Birjinari eskainitako 427 kanta monodiko bildu zituen. Santa Mariaren Kantigek Erdi Aroko musika eta literatura bildumarik garrantzitsuenetakoa osatzen dute, baina, kantiga miniaturaz apainduta daudenez, ilustrazio horiek beste... [+]
Ertzaintzak hirugarren saiakera egin du asteartean Otxantegi Herri Lurrak husteko, epaileak hala aginduta. Lurrak defendatzera joan dira hamarnaka lagun, eta teilatuan, lurrean zein dorretxean erresistentzian zeuden guztiak kanporatu ditu Poliziak. Hiru lagun zauritu dira... [+]