Elkargoaren ordezkari kopurua trenkatu du Eric Morvan prefetak

  • Iparraldeko Herri Elkargoa urtarrilean abian jarriko da. Pirinio Atlantikoetako Eric Morvan prefetak egitasmoa behin betiko ebatzi du. Udalerri bakoitzak Elkargoko Kontseiluan izanen duen eserleku kopurua zehaztu du halaber.

Mikel Asurmendi @masurmendi
2016ko urriaren 19a
Eric Morvan prefeta (Argazkia: Gaizka Iroz).

Pirinio Atlantikoetako Eric Morvan prefetak astelehen honetan aditzera eman duenez, Iparraldeko Elkargoaren Kontseilua 233 kidek osatuta izanen da. Erabakia lurralde kolektibitateen kode nagusiari erantzuten dio, aurreko prefeta Pierre-André Durandek garatutako prozeduraren barnean.

Egungo prefetak hainbat herrietan emandako aldaketen berri eman zuen, hala nola, Baionak 11 ordezkari izatetik 22 izatera pasa dela. Angelu 9tik 18ra. Miarritze 7tik 11ra. Bidart herriak 2tik 3ra. Arrazoia, udalerri horietan biztanle kopurua emendatu izana. Aldiz,  23 herrik galduko dute ordezkari bat edo beste.

Aldaketa hauek eztabaidak sorrarazi ditu Herri Elkargoaren antolaketan ari direnen artean. Hau da galderetako bat: ordezkari berriak nola egokitu Elkargoan? Legeak bozketa proportzionalaren arabera egitea agintzen du. Bistan da, udal taldeetan badira izen edo hautetsi pribilegiatuak eta denek ez dute iritzi bera Herri Elkargoaren antolaketari buruz. Hartara, nolako herriak eta hautetsiak halako metodoak.  

Hautetsien debateak korridoreetan

Hautetsi bakoitzaren betebeharren araberako aukera egitearen alde paratu dira Hautetsi asko. Baionako Sylvie Durruty hautetsia Jean-René Etchegaray auzapezarekin ari da negoziatzen. Adibidez, Miarritzeko Guillaume Barucq-ek  dioenez “Elkargoko ordezkariak hautatzerakoan, tokiko aglomerazioko ingurumena eta saneamenduaren segimendua egiten dutenak oso kontuan hartu beharko lirateke. modu berezian”. Adibide bat besterik ez da.

Beste hautetsi batzuek HELEPen aldeko diren hautetsiei lehentasuna ematea ikusten dute logikoa. Debatea zabalik dago herriz herriko kontseiluetan.

Halaber, HELEPren aurkako helegiteak ezarri duten hautetsiek prefetak  hartutako erabakiaren zian egon dira. Ez omen dute amore emanen. Beren argudioen arabera “lehentasuna konstituzionalei” heldu nahi diete. Hautaketa egitean, herritarren berdintasuna aipatzen dute. Beren ustez, landetako herrietako ordezkariak gutxiago izanen dira hiri aglomerazioetako baino.

Eric Morvan prefetak herri bakoitzeko ordezkari kopurua izendatu du.

Kanal hauetan artxibatua: Euskal Elkargoa  |  Lurralde Elkargoa

Euskal Elkargoa kanaletik interesatuko zaizu...
2017-03-12 | Jakes Bortairu
Lehen ala azken geltokia

2017ko urtea mugarri gisa geldituko da Ipar Euskal Herriko historian, haren ezagupen politikoaren lehen urratsa lortua izan baita. Denek ez badute aitortzen ere, nehork ezin du ukatu jendarteko sektore zabalek bere egin duten aldarrikapen horren gauzatzea abertzaletasunaren garaipena ere dela. Haatik, batzuek espero dute urrats esanguratsu honek abertzaletasunaren ilunabarra ekarriko duela Ipar Euskal Herrian. Ukapena eta mespretxua bazterturik, abertzaletasunak (euskal burujabetza eraikitzeko... [+]


2017-03-12 | Mikel Asurmendi
Posibilismoaren bidean

Frantziako Estatua Errepublika denez geroztik, lehen instituzio politikoa eratu da Ipar Euskal Herrian; Errepublikaren Lurralde Antolaketa Berriaren baitan, NOTRe legearen markoan. Euskal Herri Elkargoa du izena, Communauté Pays Basque. Sortze beretik, izenak berak hainbat dilema sorrarazi du. Aglomerazioa, hirigune, herri eta lurralde izenordeak ere eman baitzaizkio.


2017-03-05 | Bea Salaberri
Bi aholku zoro

Euskal Elkargoko arloetako arduradunak hautatzean, abilki ibili da Jean-René Etxegarai presidentea, inplikatuz egitasmoaren kontra zirenak, baita lekua utziz abertzale etiketadunei ere –ez soberarik halere, hogeita lauetatik bost baitira EAJkoa kontatuz gero– eta hizkuntza politikaren komisioaren buru dugu Beñat Arrabit.

Detaile pipertsu bat: filtratu da Peio Claverie-ri ziotela proposatu lehen intentziotan eta honek kargua ukatu. Pena eman dit kontuak: gogorarazten... [+]


2017-02-23 | Mikel Asurmendi
Euskal instituzioa sortu da!

“Sortuko ahal da!”. Iparraldeko Herri Elkargoaren karietara iragarritako desioa izan zen iaz: urteko joan-jinean, solastoki eta gune politikoetan bermatutako egitasmoa abian da dagoeneko. Ez haatik, tirabira eta gorabeherarik gabe. V. Errepublikako lehenbiziko euskal instituzioak aurkari tematsuak ditu eta.


2017-02-02 | ARGIA
Estatuei ETAren desarmatzean inplikatzeko eskatu diete Urkulluk eta Etchegarayk lehen bilera ofizialean

Iñigo Urkullu EAEko lehendakaria eta Jean-René Etchegaray  Euskal Elkargoko presidentea asteazkenean bildu ziren lehenbiziko aldiz. Argazkiak badu pisua, Bidasoaren bi aldeetako euskal erakundeen lehen bilera ofiziala zelako.


2017-01-24 | Mikel Asurmendi
Hirigune Elkargoa abian da, Jean-RenÚ Etchegarayren presidentziapean

Hirigune Elkargoa osatu da. Frantziako Iraultza ondorengo lehen instituzio politikoa Ipar Euskal Herrian martxan dago. Jean-René Etchegaray da lehen presidentea, hautetsien gehiengoak hala erabakita.


2017-01-23 | ARGIA
Euskal Elkargoaren lehenbiziko presidentea hautatuko dute gaur

Baionako auzapez Jean-René Etchegaray, Gotaine-Irabarneko Bernard Lougarot auzapez zuberotarra eta Angeluko hautetsi komunista Jean-Jacques Doyhenart dira Herri Elkargoaren presidente hautagaiak. Gaur, arratseko 6etan, Baionan eginen den bilkuraren ondoren abiatuko da (HELEP/Herri Elkargoa) euskal instituzioaren egitasmoa.


2017-01-17 | Mikel Asurmendi
Jean-RenÚ Etchegaray Euskal Elkargoko lehendakarigai

Urtarrilaren 23an Euskal Elkargoko Kontseilu Komunitarioaren lehen biltzarra izanen da. Baionako auzapez Jean-René Etchegarayk lurralde kolektibitate berriaren lehendakaritzarako hautagaitza aurkeztu du.


2016-10-04 | Mikel Asurmendi
Herri Elkargoaren egitasmoak aitzina

Herri Elkargoaren aurkakoak bi aldiz saiatu dira egitasmoa oztopatzen maiatzaz geroztik. Alta, helegite administratibo biek huts egin dute. Bigarrena Lukuzeko auzapeza Barthélemy Aguerreren izenean jarri dute. Ez dute amore emateko asmorik, hirugarrena jarriko dutela iragarri baitute.


Bigarrengoz, Elkargo Bakarraren aurkako helegitea

Hainbat hautetsik, eragilek eta enpresaburuk Ipar Euskal Herrian 2017an indarrean sartuko den HELEP instituzio berriaren aurka egin dute. Eredu administratiboarekin desadostasunak azaldu dituzte oraingo honetan. Maiatzean aurkeztutako helegitean lurralde markoa zalantzan jarri zuten baina Frantziako Estatuko Barne Ministro Bernard Cazeneuvek helegitea bertan behera utzi zuen, elkargoa sortzeko prozedura legezkoa zela argudiatuta.


Eguneraketa berriak daude