EAJk oxigenoa eman dio PPri, ez du aurkeztu aurrekontuen osoko zuzenketarik
EAJk jakinarazi du ez duela Espainiako Estatuko Aurrekontu Orokorren osoko zuzenketarik aurkeztuko. EH Bilduk, bestalde, osoko zuzenketa aurkeztu du, esanez desberdintasun soziala “betikotzen” duela.
Euzkadi Buru Batzarrak (EBB) ohartarazi du zuzenketa ez aurkeztea ez dela PPk Aurrekontuak bideratzeko “txeke zuri” bat.
“Iaz sinatutako akordioak, hain onuragarria izan zena Euskadirentzat, ez du EAJ ezer egitera derrigortzen 2018ko Estatuko Aurrekontu Orokorren auzian”, idatzi dute. EBBek argudiatu du aurrekontuak ez zuzentzeak “155. artikuluaren indargabetzea ahalik eta azkarren” gertatzea ahalbidetuko duela.
EH Bilduren erantzuna
EH Bilduk 2018ko Estatuko Aurrekontuen Legearen osoko zuzenketa aurkeztu du ostegunean, pentsiodunen eskaerekin “bateraezinak” direlako. EH Bilduko diputatu Marian Beitialarrangoitiak salatu du 2018ko aurrekontuek desberdintasun soziala “betikotzen” dutela eta pentsiodunen aldarrikapenak “estaltzen” dituela prestazio baxuenen igoerarekin.
“Berpizte ekonomiko baten inguruan hitz egiten da, baina hau eskubideen galera argi batekin lagunduta badator, ez gaude egiazko errekuperazio baten aurrean”, baieztatu du.
EH Bilduk ohartarazi du aurtengo Aurrekontuek AHTren azpiegituren inbertsioak igoko dituztela, eta era berean, Defentsa, Errege-etxea edo zerbitzu sekretuen alde egingo dutela.
155. artikuluari erreferentzia eginez, Beitialarrangoitiak esan du PPren aurrekontuak babestea “irizpide autoritarioarekin jokatzen ari den” Gobernuaren alde egitea litzatekeela.
Pedro Sánchez Espainiako Gobernuko presidente berriak bere ibilaldia hasi du Mariano Rajoyk ezarritako Estatuko Aurrekontu Orokorrek lotuta.
Pedro Sanchez Espainiako Gobernuko presidente berriak bere ibilaldia hasi du Mariano Rajoyk ezarritako Estatuko Aurrekontu Orokorrek lotuta. Uda ondorenean, baina, 2019koak aurkeztu beharko ditu. Horregatik, komeni da duela hilabete aurkeztu zituen bere plan alternatiboak... [+]
EAJk PPren gobernuaren aurrekontuak babestu ditu "erantzukizunez" jokatu duela iritzita. Konstituzioko 155. artikuluak Katalunian indarrean jarraitu bitartean Rajoyren aurrekontuak ez zituela onartuko berretsi izan du behin baino gehiagotan alderdi jeltzaleak. Hautsak... [+]
EAJko zuzendaritza batzartu egin da asteazken honetan, eta Euzkadi Buru Batzarrak jakinarazi duenez, erabaki dute Espainiako Kongresuan dituzten bost diputatuek aldeko botoa ematea Rajoyren Gobernuaren aurrekontuei.
Espainiako Gobernuko aurrekontuak bozkatuko dituzte gaur Madrilen, eta horiek onartzeko ezinbestekoa dute EAJren babesa. Jeltzaleek ez dute bozkatuko dutenaren berri emanen azken momentura arte.