Donostiako Metroaren lanak aste honetan hastekoak dira, eta egitasmoaren aurkako hainbat mobilizazio antolatu ditu Satorralaia mugimenduak. Ostegun goizean aldarrikapen gunea paratuko dute azpiegituraren lanak hasiko diren tokian, eta larunbaterako manifestaziora deitu dute.
Mobilizazio astea asteartean hasi zuen Satorralaiak: elkarretaratzea egin zuten Gipuzkoa Merkataritza Ganbararen aurrean, barruan obretako zuzendariek eta Eusko Jaurlaritzako teknikariek kaltetutako bizilagunei azalpenak ematen zizkieten bitartean. Ostegunean, berriz, aldarrikapen gunea egingo dute, goizeko 10:00etan hasita, lanak abiatu behar diren tokian, Zarautz Hiribideko 60 eta 64 zenbakien artean.
11:30ean prentsaurrekoa eskainiko dute aldarrikapen gunetik bertatik, larunbateko manifestaziora deia berresteko. Arratsaldeko 17:00etan abiatuko dira Antiguako eliza ondotik, eta Artzain Onaren plazaraino iritsiko da mobilizazioa. Horrez gain, herritarrei dei egingo diete “obren hasiera-gunean proiektua geldiarazteko ekintzetan parte hartzera”.
Satorralaiaren esanetan, “Metroaren pasantea egitasmo xahutzailea, alferrekoa eta inposatua da. Hortaz, proiektua berehala gelditu beharra dago, Donostian garraio publikorako irtenbide egokienaren inguruan gizarte-eztabaida eta herritarren partaidetza prozesu bat abian jartzeko”.
Satorralaiak mugimenduak azaldu duenez, asteazken eguerdian gertatu da Urbieta eta San Martin kaleetan. Eraikina joan den urtarrilean kalteak jasan zituen beste eraikin baten alboan dago.
Donostiako Zubieta kaleko eragin baten patioan agertutako arrakala "itzel" gisa deskribatu du mugimenduak. Lanak hasi zirenetik bost urte igaro direnean, Donostiako metroaren eraikuntzan egiten ari den "baliabide publikoen xahuketa etengabea" eta obra... [+]
Satorralaia bizilagunen mugimenduak Donostiako Metroaren eraikuntza lanek Loiola kalearen eta San Martinen arteko izkinan dagoen eraikinean –Erviti musika denda zegoen tokian– eragindako kalteak salatu ditu.
Donostiako metroaren lanetan kaltetutako Zarautz hiribideko eta Zubieta kaleko eraikinetako hainbat bizilaguni kalte-ordainak eskaini dizkiete gutun bidez. Donostiako EH Bilduk salatu du haiek "isilarazteko" saiakera dela.
Donostiako alkate izandako Xabier Albisturrek metroaren egungo obren kontrako iritzia azaldu du Diario Vasco egunkariak egindako elkarrizketa batean. Bere ustez proiektua ez da nahikoa “anbiziotsua, obrak suposatzen duen inbertsiorako”.