Dimisioa aurkeztu dute Foruzaingoko 30 buruk
Komisarioak, ikuskatzaileak eta arduradunak dira postuari uko egin dietenak, Polizia Legearekin kritiko. Barne Sailak bestelako soldatak eta lanaldiak proposatu ditu.
"Bideraezina" da Foruzaingoan aldaketak egitea, lanpostuari uko egin dioten 30 lagunen arabera. Beste hiruk ez dute Polizia utzi.
Lanaldiak eta soldata izan dira polemika iturri. Azaroan sartuko da indarrean Polizia Legea, eta orduan, hileko lehen egunean, aldatuko dira soldatak.
796 agenteri soldata igotzea proposatzen du legeak eta murrizketak egitea 266ri. Soldata handitzeak 2 eta 1.559 euro artekoak dira, sailaren eta kategoriaren eraberakoak; jaitsierak, berriz, 66 eta 4.447 euro artekoak.
Batzuentzat gora, besteentzat behera
Barne kontseilari Maria Jose Beaumontek azpimarratu du Polizia Lege berriaren zirriborroan aztertzen ari diren soldata taulak ez direla "deus zehatza". Nolanahi ere, prentsaurrekoan adierazi du "zenbait foruzaini" soldata jaitsiko dietela, "lege mandatua" baita hori.
"Gastu bat dago gobernuak Foruzaingoari ordaintzeko daukan portzentajean, eta hori birbanatu behar da; beraz, ondorioztatu daiteke foru polizien soldatak jaitsiko direla". Kontseilariarenak dira hitzak.
Oraindik ez da irmoa
Orain, Polizia Legea martxan dago eta Nafarroako Kontseilutik pasako da, gobernuak zirriborroaren edukiak aintzat hartu ostean. Aurrerago onartzea da litekeena.
"Gobernuak oso argi dauka Polizia Legea bete behar duela eta denborari eta formari dagokienez eginen du", kontseilariaren hitzetan.
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra
Guardia zibilen Jucil elkarteak jarri zuen helegitea. Gorenak ebatzi du posible dela trafiko eskumena Nafarroako Gobernuaren esku lagatzea, baina Foru Hobekuntzan jasota ez dagoen eskumena izanik, horretarako beste bide bat bilatu beharko litzatekeela: esaterako, Foru Hobekuntza... [+]
"Bortxaren erabilera progresiboa beharrezkoa denean" erabiliko dituzte arma berriak. Bideokamera pertsonal bat ere izango dute taser pistolak daramatzaten polizia-agenteek.
2021eko martxoaren 8an Nafarroako Parlementuaren inguruetan egindako ekintza baten harira, istiluak jaso ziren feministen eta Poliziaren artean. Gertakariaren ondorioz, bi emakume zauritu egin ziren, eta horietako bat atxilo eraman zuten. Atxilotutakoari 15 hilebeteko... [+]
Nafarroako Foruzaingoko polizia-agenteen erretiro-adinaren aurrerapena Espainiako Estatuaren 2022ko aurrekontuen gaineko negoziazioen testuinguruan zehaztu da. Estatuko polizia-indar guztien jubilazio-baldintzak "berdintzea" adostu du PSOE-Unidas Podemosen gobernuak,... [+]
Kartela Nafarroako Legebiltzarraren aurreko posta-kutxa baten jarri zuen LKN kale artistak, eta PSN eta EH Bildu negoziatzen ari diren aurrekontuei erreferentzia egiten zien, Chivite lehendakaria eta EH Bilduko Bakartxo Ruizen muxuarekin.