Bill Clinton AEBetako presidente ohiak Euskal Herriko bake prozesuak aurrera jarraitzea desio duela idatzi zuen larunbatean Twitterren. Bestalde, Lokarrik jakinarazi du Luiz Inacio Lula da Silva Brasilgo presidente ohiak Aieteko Adierazpena babestu duela.
"Albiste onak Euskal Herritik. Haien bake prozesuak aurrera egitea espero dut", idatzi du Clintonek Twitter kontuan.
Good news from Basque country yesterday. Hope their peace process continues.
— Bill Clinton (@billclinton) February 22, 2014
Lula da Silvak ere babestu du Aieteko Adierazpena
Sinatu eta denbora gutxira, 2011ko urrian, Jimmy Carter AEBko presidente ohiak babestu zuen Aieteko Adierazpena. Tony Blair Erresuma Batuko lehen ministro ohiak eta Georges Mitchell AEBetako senatari ohiak gauza bera egin zuten gero; eta orain Lula da Silvak eman dio babesa, Lokarrik jakinarazi duenez.
Iazko urrian, halaber, Amerikako hamar herrialdetako hemezortzi politikarik bat egin zuten adierazpenarekin. Tartean zeuden Lucía Topolansky senatari uruguaiarra; Rodrigo Borja Ekuadorreko presidente izandakoa; Piedad Cordoba kolonbiar senatari ohia; eta Kolonbiako hiru presidente ohi: Cesar Gaviria, Ernesto Samper eta Belisario Betancur.
Le Monde: "Espainiako Gobernuak sakabanaketa politika amaitu behar du"
Le Monde egunkariaren arabera, “bake iraunkorrerako aukera” zabalik dago Euskal Herrian. Larunbateko editorialean dioenez, “Madrilek eta Parisek aukera probestu behar dute”.
Espainiako Gobernuari eskatu dio sakabanaketa politikarekin amaitzeko: “ETAk armagabetzea abiatuz egin duen keinuari, erantzun beharko dio Espainiako Gobernuak sakabanaketa politikarekin amaituz”.
Irlandako gatazkarekin alderatu du Le Mondek prozesua: “Zoritxarrez, Erresuma Batuko Gobernuak ez bezala, Espainiak ez du aitortu armagabetze batzordearen lana”.
Espetxe zigor arinak eskatu ditu Frantziako fiskaltzak Parisen epaitzen ari diren Jean Noel Txetx Etcheverry eta Beatrice Mollerentzat, ETAren helburuen arabera jardutea egotzita. Hala, zigor horiekin bakegileek ez lukete espetxera joan beharko. Maiatzaren 16an emango dute... [+]
ETAren armagabetzea bideratzeko, bakegileekin lankidetzan aritu ziren Frantziako autoritateak. Hala adierazi du Matthias Fekl Barne ministro ohiak asteartean, Parisko Zigor Auzitegiko 16. ganberan, Beatrice Molle-Haran eta Jean-Noël Txetx Etcheverry-ren aurka egiten ari... [+]
ETAren armak eta lehergaiak garraiatzea leporatzen diete Beatrice Molle-Haran eta Jean-Noël Etcheverry 'Txetx’ bakegileei, 2016ko Luhusoko operazioaren harira. ETAren armagabetzea gauzatzen ari ziren. Egindakoaz harro dagoela eta berriz ere egingo lukeela adierazi... [+]
Txetx Etxeberrik eta Beatrice Mollek ETAren armagabetzearen auzian egindako lana epaituko dute Parisen, apirilaren 2an eta 3an. Mobilizazioak deitu dituzte Euskal Herriko zapi hiriburuetan apirilaren 3rako.
Apirilaren 2an eta 3an iraganen da Beatrice Molle-Haran eta Txetx Jean-Noël Etcheverryren aurkako auzia Parisen, 2016ko abenduaren 16an Luhuson buruturiko ETAren armagabetze zibilaren harira. Errugabetzea eskatzeko kanpainaren baitan izenpedura bilketa abiatu dute. Lehen... [+]