CIAren atxiloketa eta tortura operazioak babestu dituzte Europako herrialde ugarik
Gutxienez 54 herrialdek babestu zuten CIAk 2001eko irailaren 11ko erasoen ondoren abiatu zuen "bahiketa, atxiloketa eta tortura operazio globala", Open Society Justice Initiative (OSJI) erakundeak plazaratutako txostenaren arabera.
Mundu osoko gobernuen laurdenak eskaini zion ezkutuko laguntza CIAri, Ian Cobain kazetariak The Guardian egunkarian nabarmendu duenez. “Europarrak dira horietako asko”, gaineratu du.
Egoitza New Yorken du giza eskubideen alde lanean diharduen OSJI erakundeak. Txostenean dioenez, George Bushen gobernuko goi karguen esku-hartzeak eta haien inpunitateak “kezka handia” sortzen jarraitzen du, baina ez dira haiek giza eskubideak urratu dituzten bakarrak: “Isilpeko operazio horiek AEBetatik kanpo burutzeko diseinaturik zeuden, eta ezin izango lirateke aurrera eraman gobernu atzerritarren parte-hartze aktiborik gabe. Gobernu horiek ere erantzule dira”.
Txostenean Pakistan, Afganistan, Egipto, Jordania, Kanada, Siria eta Irango gobernuei egiten zaie erreferentzia, baita Espainia, Irlanda, Islandia, Erresuma Batua, Zipre, Suedia, Finlandia, Alemania, Portugal, Austria, Georgia, Polonia, Lituania eta Errumaniakoei ere.
Neurri handiagoan ala txikiagoan, guztiek babestu zituzten CIAren operazioak. Torturen lekuko izan ziren “kartzela sekretuak” prestatu zituzten gobernu batzuek, besteek haien aireportuak erabiltzen utzi zioten CIAri, edo informazioa helarazi zioten, ustezko “terroristak” entregatu zizkioten...
Hori guztia dela eta, kartzela sekretuak ixteko, entrega operazioak amaitzeko, ikerketa eraginkorrak abiatzeko eta erantzuleak zigortzeko eskatu die OSJI-k AEBetako eta gainerako gobernuei, “terrorismoaren kontrako etorkizuneko operazioek giza eskubideak urratu ez ditzaten”.
Azken hamarkadetan Afganistanen izandako “lurrikara suntsitzaileenetarikoak” izan dira. 2.530 pertsonal hil eta 9.240 zauritu dira EITBk argitara eman duenez.
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]
Matiullah Wesa aktibista atxilotu dutela salatu du UNAMA elkarteak astelehenean eta Afganistango Gobernuari arrazoia argitzeko eskatu dio. Ekintzaile afganiarrak emakumeen hezkuntza errazteko Pen Pathen kanpainaren sortzailea da. Igandean bideo bat publikatu zuen hezkuntzarako... [+]
Argudiatu dute Gobernuz Kanpoko Erakundeen lantokietan emakumeek ez dituztela janzkera arauak errespetatzen. GKE ugarik salatu dute emakumeen lanik gabe ezin izango dutela osasun eta giza arreta eman. Joan den astean, talibanek debekatu egin zieten... [+]
