CANeko zuzendari ohi Enrique Goñi inputatu dute
Nafarroako Auzitegi Goreneko epaile Mari Paz Benitok Enrique Goñi, CANeko zuzendari ohia, inputatu du. Maiatzaren 24an hitz egin beharko du Justizia Auzitegiaren aurrean.
Dieta bikoitz eta hirukoitzen auzian akusatu duten laugarrena da, Nafarroako Gobernuko presidente ohi Miguel Sanzekin, Iruñeko alkate Enrique Mayarekin eta Ekonomia eta Ogasun kontseilari ohi Alvaro Mirandarekin batera. Inputatutako UPNko hiru kargu garrantzitsu horiek CANeko batzorde iraunkorrean parte hartzeagatik jasotako dirua itzuli dute.
Sanzen eta Goñiren defentsek epaiarekin ez jarraitzeko eskatu diote epaileari, baina bai Benitok baita Nafarroako Audientziako bigarren sekzioak eskaera arbuiatu dute.
Hori bai, Kontuz plataformak eta UPyDk Banca Civicako delegatuen aurka jarritako salaketa bertan behera utzi dute. Iruzurra leporatu diote CANek, Caja Burgosek, Caja Canariasek eta Caja Ruralek osatzen duten taldeari.
Ebatzi gabe geratzen zen azken zirrikitu judiziala da artxibatu duena. Ikerketak iraun dituen sei urteren ondoren, epaileak, kasua istea erabaki du irregulartasunik ez dagoelakoan, Diario de Navarra-n jaso dutenaren arabera.
Nafarroako Kutxaren desagertzean "orain arte jakin gabeko datuak" eskuratu direlako eta adierazgarriak izan daitezkeelako helarazi dituzte ondorioak epaitegietara.
Diario de Noticias egunkariak aurreratu ditu Nafarroako Kutxa ikertzen duen batzordeko ondorioak. Alderdiek diote CANek aurrera segitu ahal izanen zukeela bere bidea bakardadean eta ondarearen hondatzea txikiagoa litzatekeela.
Miguel Sanz Nafarroako presidente ohiak Nafarroako Parlamentuan CAN auzia ikertzen ari den batzordean hitz egin du asteazken honetan. Nafarroako Kutxan ustelkeria kasurik izan zenik ukatu du.
Patxi Zamora Kontuz elkarteko eleduna lanetik bota zuten Guardia Zibilak hegazkinean sartzeko baimena kendu eta gero. Lau auzi ditu abian eta 20.000 euro beharko dituztela kalkulatu du elkarteak.