Bretoierazko telebista publikoaren aldeko manifestazioa egingo dute bihar Bretainako hainbat hiritan
Bretainako Brest, Naoned eta Roazhon hirietan (frantsesez Brest, Nantes eta Rennes) telebista publikoa elebiduna izan dadin eskatzeko kalera aterako dira. Frantziako Estatuko kate publikoetan pare bat orduz baino ezin da entzun bretoiera gaur egun.
Manifestazioa antolatu dutenek ohar umoretsua prestatu dute bihar herritarrak protesta egitera bultzatzeko. “Manifestaziora ez joateko arrazoi onak” du izenburu idazkiak eta ziurrenik bretoi askoren gogoetan egongo diren usteetako batzuk jaso dituzte. Esate baterako: “François Hollandek promes egin du erregio hizkuntzen Europako Karta onartuko duela. Sozialistak bretoieraren etorkizunaz arduratzen hasi badira, sinestu behar duzu haiengan. Zertarako kezkatu!”. Edo beste hau: “Zerbitzu publikoek bretoieraz ordu eta erdi emititzea ez dago hain gaizki, kontuan hartzen badugu zein gutxik hitz egiten duten hizkuntza”. Beste muturrekoak ere ez dituzte ahaztu: “Astean 28 ordu bretoieraz eskatzea barregarria da, edo ehuneko ehun edo batere ez!”. Bretainan ere negua latza da nonbait: “Batez ere neguan, hobe da barruan egotea, goxo, eta ez arriskatu kanpora aterata, batik bat galdutako hizkuntzaren alde egiteak ez duelako merezi”.
220.000 biztanlek erregularki erabiltzen dute bretaindar hizkuntza. Emaitza aski arranguragarria, jakinez Bretaina historikoan 4 milioi biztanle badirela. Hori da bretaindarraren egoera gaur egun.
Inork oraindik Vincenzo Vecchi zein den ez badaki, has dadila bere izena ikasten. Ez da mende hasierako anti-globalizazio manifestazioetan ibilitako aktibista soila. Hamabi urtetik hona Bretainian aterpetua, italiar justiziak estraditatu egin nahi du Mussoliniren garaiko lege... [+]
Maiatzaren 20an hasita, 2.022 kilometro egingo dituzte Bretainian, Gwitreg herritik Gwened herriraino. Oarsoaldeako AEK-k antolatuta, ordezkaritza bat joango da hara atxikimendua ematera.
Hamar urte daramatza Nantes Revoltéek informatzen, baina urtarrilean hedabidearen disoluzio prozedura abiatu du Frantziako Gobernuak. Nantes Revoltéek salatu du beren aurkako prozedurak hedabide independente oro eta informazio eskubidea mehatxatzen dituela.
Aeolus ontziak astelehenean eman zuen isuriaren abisua. Konpondu artean, gertaturikoa ikertzen ari da fiskaltza.