Bosniako kriminal kroaziar batek bere buruaz beste egin du Hagako epaitegian pozoia edanez
Herzeg-Bosnia kroaziar errepublikan 1992tik gizateariaren aurkako krimenak egin izana egozten zion auzitegiak. Epaileak 20 urterako kartzela zigorra berretsi orduko edan du pozoia eta minutu gutxira hil da Slobodan Praljak.
Nazio Batuen Erakundeak Hagan duen Yugoslavia ohirako Nazioarteko Zigor Auzitegiak azkenetako saioa zuen asteazken honetan Bosniako gerran izandako krimenak epaitzeko, baina bertan behera utzi behar izan dute akusatuetako batek epaileen aurrean bere buruaz beste egin duenean.
Slobodan Praljak bosniar-kroaziarra 20 urtera zigortu zuten 2013an, honek helegitea jarri zuen eta Hagako auzitegiak zigor hori berretsi egin du. Epailea sententzia irakurtzen ari zela, militar ohiak pozoia edan du, aurretik "Praljak ez da kriminala, zigorra arbuiatzen dut" esanez.
Epaimahaiko presidenteak sententziak irakurtzen jarraitu du, baina abokatuetako batek ohartarazita saioa bertan behera utzi eta medikua ekartzeko agindu du. Minutu gutxira hil da ospitalean Praljak.
Talde militar odoltsu baten buru
Herzeg-Bosnian, 90eko hamarkada hasieran Kroaziarekin bat egiten zuen Bosniako entitate politikoan bosniar-musulmanen kontrako krimenak egitea egozten zion nazioarteko auzitegiak Praljaki.
Besteak beste, Kroaziar Defentsa Kontseiluko (HVO) erakunde militarreko buru izan zen 1992 eta 1993an. HVOk sarraski ugari egin zituen bosniarren artean epe horretan, besteak beste Ahmići herrixkan 116 lagun hil zituzten hotz-hotzean bere kideek.
Horrez gain Praljak tratu txarren, bahiketen eta eraso sexualen arduraduntzat zeukaten, eta gizateriaren ondareari ere kalte egin izanda leporatzen zioten, berak agindu zuen Mostarreko zubi ezaguna eraistea.
Astelehenean Donostiako Instrukzio Epaitegian deklaratu beharko dute taldeko kideek. "Adierazpen askatasunaren eta askatasun kulturalaren aurkako erasoa" dela salatu dute.
Apirilaren 28an 42 urte bete ditu Pablo Gonzalezek. Kazetariak 26 hilabete daramatza Poloniako kartzela batean, Errusiaren alde espioi aritu dela egotzita. Gonzalezek idatzitako gutun bat irakurri du Oihana Goirienak. “Hor zaudetela eta ez nagoela bakarrik jakitea... [+]
EHUko Gobernu Kontseiluak adierazpena onartu du, Palestinaren alde eta Gazako sarraskiaren aurrean. Hainbat konpromiso hartu ditu, besteak beste, boluntariotza programa bat martxan jartzea, errefuxiatuen arreta zabaltzea eta giza eskubideen inguruko gogoeta sustatzea. Harreman... [+]
Joan den azaroaren 6an Espainiako Auzitegi Nazionaleko Manuel García-Castellón epaileak hamabi pertsona auzipetu zituen Tsunami Democratikoa auzia dela eta. Ostegun honetan ezagutu zen hiruk atzerrira ihes egin dutela, tartean Jesús Rodríguez La... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]