Ertzaintzak gogor kolpatu ditu TME-ren aurka modu baketsuan protestan ari ziren herritarrak

  • Maiatzaren 19tik 26ra Donostiako kaleetara ateratzeko dei egin du Bizitza da Handiena kanpainak. "Agintetik aurrera eramaten ari diren herritarron aurkako politiken aurka" eta "herritarron kapitalaren alde" egitea du helburu, eta hainbat sindikatu eta herri mugimenduk atxikimendua adierazi dute sare sozialetan. Turismoaren Mundu Erakundea asteartean iritsi da Donostiara, eta Bizitza Da Handienak ekimen ugari antolatu ditu horren kontra.

ARGIA @argia
2018ko maiatzaren 24a
Gakoak
2018-05-16
Erakutsi gako guztiak
2018-05-16
"WTO (World Tourism Organization) go home" dioen pankarta Londres hotelaren aurrean. (Argazkia: Lander Arbelaitz)
Ostegunero bezala kontzentrazioa egin dute Alde Zaharrean turistifikazioaren kontra

 

Gerren aurka elkarretaratzea egin du Donostiako Mugimendu Feministak Bulebarrean

 

Erraustegiaren Aurkako Mugimenduak Donostia erdialdeko errefusaren edukiontziak zigilatu ditu

Donostiako erdiguneko 100 edukiontzi zigilatu ditu Erraustegiaren Aurkako Mugimenduak. gogoratu dute erraustegia Donostia erdigunetik 5 kilometrora eraikitzen ari direla eta errefusaren edukiontziak itxi ditzutela "agerian uzteko zein gutxi birziklatzen dugun Donostian". Donostiarren %16k bakarrik birziklatzen ditu hondakin guztiak bereizita, eta beren iritziz "gutxiegi da".

Eskatu diote Donostiako Udalari birziklatzea sustatzeko "ekimen serioak egin behar" lituzkeela, "minbizia zabalduko duen azpiegitura batean milioika euro publiko xahutu beharrean.

Honela amaitu dute 100 edukiontzitan euskaraz eta gaztelaniaz jarri duten oharra: "Zure hondakin nahasiak behar dituzte errausleek. Ez izan konplize. Birziklatu hondakinak ongi. Erraza da".

Dani Blancoren argazkiak:

 

BDH-k prentsaurrekoa deitu du 12:00etan Eusko Jaurlaritzaren aurrean

Eusko Jaurlaritzak Alderdi Ederren daukan egoitzaren aurrean prentsaurrekoa deitu du Bizitza Da Handiena mugimenduak, atzo Tabakalera kanpoan gertatu zena salatzeko.

Kanpainari atxikimendua eman dioten eragileei eta herritar orori deia egin diete prentsaurrekoa babestera.

BiziLagunekin plataformako kidea: "Turismoaren eztabaidetan herritarren iritzia ez da kontuan hartzen"
Pentsionistak eta BiziLagunEkin plataformak deitutako elkarretaratzeak aurrera darrai

 

Pentsionistak ere Turismoaren Mundu Erakundearen aurkako elkarretaratzera batu dira

 

Kursaal inguruak poliziaz beteta egonagatik ere, aurrera darrai turismo masiboaren aurkako protestak

 

Jendetza elkartu da Kursaal parean. Bertan daude Turismoaren Mundu Erakundeko ordezkariak

 

Bizitza Da Handiena: maiatzaren 5eko egitaraua

- 9:00: GOSARIA Herritarron Etxean

- 9:30 Euskarari errespetua! eskuorri banaketa Kursaaleko zubian.

- 10:30 Mezu bat dugu zuentzako konzentrazioa Kursaalean (BiziLagunEkin)

- 14:00: BAZKARIA Herritarron Etxean

- 17:00 Donostia eta Europako kapitalari buruz Hitzaldia Gil de San Vicenteren eskutik.

 - 18:30: "Etxegabetuen egoeta Donostian/ La situación de los sintecho en Donostia" Gladys Enean. (Kaletika)

- 18:30: Presoak Kalera! Hitzaldia GipuzkoaZutik plazan

- 19:00: Europar Batasunean burujabe? Faxismoari aurre egiten Europan hitzaldia: Donbass-eko Alexey Albu  (Askapena)

- 19:30: ASANBLADA Gladysenean

- Herritarron Ekimena

- 22:00: AFARIA Herritarron Etxean

- Zerbeza eta Patatak Aman Komunean

Egun on lagunok! Denok kalera! Lagundu zabaltzen ✊️

Bosgarren eguneko egitaraua

- 10:30ean Munduko Turismo Erakundearen Goi Bileragatik protesta

- 17:00etan Donostia hiriari buruzko hitzaldia:

- 18:00etan Erraustegia salatzeko ekintza:

- 18:30ean presoen inguruko hitzaldia:

- 19:00etan Europar Batasunari buruzko hitzaldia:

- 19:00etan asanblada

- 21:00 Herri Afaria etxean eta ostean musika lagun-artean.

 

"WTO Go Home" dioten pankartak, suziria eta identifikazioak goi bilera hastear dela

Goizeko ordu txikietan, bi pankarta handi jarri dituzte bost izarreko Maria Cristina eta lau izarreko Londres hotelaren aurrean.

"WTO zoazte etxera" dioen pankarta Londres Hotelaren aurrean. (Argazkia: Lander Arbelaitz)
Pankarta bost izarreko Maria Cristina Hotelaren aurrean. (Argazkia: Lander Arbelaitz)

Dagoeneko hirian dauden eta Munduko Turismo Erakundearen goi bileran parte hartuko duten ordezkariak esnatu asmoz, suziri bat bota dute Londres Hotelaren aurrean.

Gauean zehar gutxienez hiru lagun identifikatu ditu Ertzaintzak. Laster informazio gehiago.

BIDEOA: Laugarren egunaren kronika

BIDEOA: Topatu.eus-ek honela egin du egunaren kronika:

"16:30ean hasi dira ekintzak Bizitza da Handiena asteko laugarren egunean. Bonoak banatu dituzte kalean, Gogoko Goxuak kafetegian kafe eta croissant bat hartzeko. Ondoren Alternatiben Herriaren aurkezpena eta Askekintzak antolatutako kontzentrazioa egin dituzte. 19:30etan berriz, CNTren elkarretaratzea eta asanblada orokorra". Topaturen Artikulu honetan osorik irakurgai eta argazkiak ikusgai:

Aquariuma "urezko kaiola" dela aldarrikatu du Askekintzak
CNTk "Mutuak, osasunaren negozioa" ekimena burutu du Amaran

Asepeyo mutuaren aurrean egin duten ekimena:

Alternatiben Herria aurkeztu dute
"Free coffee & Croissant in Gogoko Goxuak", Langileen Babes Sarearen ekimena
Etxeko bizitza: Bazkari eta afari herrikoiak egunero

Egunero 14:00 eta 21:00 aldera, herri bazkari eta afaria egiten da Bizitza Da Handienaren etxean, Idiakez kalean. Janari beganoa izaten da, erabakia baitute ez dutela animaliakirik erosiko. Otorduaren truke bakoitzak borondatez erabakitzen du zenbateko ekarpen ekonomikoa egin kaxara.

Otorduero, bazkaltiar kopurua aldatuz doa. Gutxi batzuk badira etxe hau zabaldu zenetik uneoro bertan bizitza egin dutenak, baina gehienek denbora tarte bat eman dute bertan: batzuek gau bat, beste batzuek otorduren bat, beste batzuek arratsalde bat, beste batzuek orduren bat edo sartu-irteneko bisitaldia... Pentsa daiteke finkoek egonkortasuna ematen diotela etxeari, eta joan-etorrikoek haize freskoa.

30 lagunentzako entsalada prestatu zuten goiko argazkian ikusten den paelleran. Barazkiak baratzetik atera berriak, elkartasunez Oarsoaldeatik bidali zituzten kaxetan iritsitakoak.

Beheko argazkiko eskuineko afixan ikus daitekeenez, afalosteak girotzeko ekitaldiak lotuta dituzte aste osorako. Lehen aldiz datorrenak, ezkerreko afixari begiratuta, laster ikusiko du zein lan dauden egiteko. Horrela, eta inoren aginduaren zain egon gabe parte hartu ahalko du zeregin hauetan.

 

Munduko Turismo Erakundearen goi bileraren irekieran Kursaaleko sarrerara joateko dei egin dute

Bihar maiatzaren 23a, asteazkena, BiziLagunEkin plataformak eta Turistizazioak eragindako Europa Hegoaldeko Hirien Sareak deituta, eta Munduko Turismo Erakundearen (MTE) bilkuraren hasierarekin kointzidituz, elkarretaratzea deitu dute 10:30etan Zurriola pasealekuan, Kursaal eraikinaren sarreran.

Jakinarazi dutenez, bi dira elkarretaratzearen helburuak:

- Turismoaren jarduerak herritarron egunerokoan dituen eragin eta kalteetan arreta jartzea.
- Apirilean Europako hiri ezberdinetan SET sareak aurkeztu zuen manifestua MTE-n bileraren antolatzaileei helaraztea.

 

Kezka sortzen dio Donostiako Turismo Elkarteko zuzendariari Bizitza Da Handiena kanpainak

Euskadi Irratiko Faktoria saioan elkarrizketatu dute astelehen goizean Manu Narvaez Donostiako Turismo Elkarteko zuzendaria. Turismoaren Munduko Erakundeak asteazkenetik ostiralera egingo duen goi bileraren harira, ekitaldiak hirian izan dezakeen eragina izan du ardatz solasaldiak.

Hemen informazio gehiago.

Euskaraz hitz egiteagatik pertsona bat identifikatu du Ertzaintzak

Ernaik turistifikazioaren aurkako irakurketa egin du laster irekiko duten hotel baten atarian. "Elite ekonomiko eta politikoen mesedetara eraikitzen ari diren herri ereduari erantzuten dio turistifikazioak".

Hemen irakurgai Ernairen salaketa.

Hainbat ertzain etorri dira agerraldiko norbait identifikatzera. Orduan, kamera eskuan grabatzen ari ginen guztiok obsesiboki identifikatu gaituzte. LARRIA: Jendea identifikatzen hasita, euskaraz hitz egiteagatik identifikatu du Ertzaintzak pertsona bat.

Donostiako Askeguneaz hitzaldia: elkartasunaren indarra

2013ko apirilean egin zen Donostiako Askegunea, eta bertan atxilotu zituzten Egoi Alberdi, Aitor Olaizola, Oier Lorente eta Ekaitz Iberok hitzaldia eskaini zuten maiatzaren 21ean Gipuzkoa Plazan, Bizitza Da Handiena borroka astearen barruan. Eleak-Libre mugimenduak antolatu zuen eta Maite Bidarte, Herri Harresiez informatzen trebatutako Info7-ko kazetaria izan zen aurkezle.

Artikulu honetan, solasaldian azpimarratu ziren ideiak.

 

Donostian ireki asmo duten Supercor egongo den tokian geldialdia egin du Jaietan Jaik antolatutako martxak

 

Jaietan Jai dinamikak igandetan irekitzen duten komertzioak salatu ditu

 

Goizean Polizia erakinera hurbildu da eta kide bat identifikatu dute

 

Astebeteko behin behineko egitaraua publiko egin dute

Sare sozialen bidez aste osorako egitarau bat publikatu dute. Adierazi dutenez, hori jada lotuta dagoena da. Hortik aurrera, asanbladetan ekimen gehiago prestatzeko aukera izango da.

 

Eraikin publiko bat okupatu dute Donostian "Bizitza Da Handiena" astea hasteko
Argazkia: Noaua.


Donostian urte luzez itxita egon den eraikin publiko bat okupatu dute, Idiakez kaleko 6. zenbakian. Boulebarrean egina zeukaten deialdia, 11:00ak inguru 250 bat lagun atera dira trikilarien atzetik, Gros aldera lehenik, ondoren Victoria Eugenia eta Maria Cristina hotelaren aurretik igaro, eta Askatasunaren Hiribidetik Idiakez kaleko seigarren atera.

Aurretik sartuta eta zerraila aldatuta zeukaten kanpainako kideek. Iritsi eta dozenaka barnera sartu dira, kanpaina deitu duten eragileen banderak leihoetan jartzen hasi dira bi pankarta handirekin batera: "Herri boterea" eta "Poder popular".

Eraikinaren aurrean prentsaurrekoa eskaini dute, bertan adieraziz eraikin publiko hori urteetan itxita izan dela, "publikoa hitzak esan nahi du herritarrena dela, ez administrazioarena; eta herritarrok behar batzuk ditugu".

Agintariei ohartarazi diete legearen arabera, hamar eguneko epean ezin dutela polizia bidali, eta hau astebeteko kanpaina izango dela. Horrenbestez, polizia bidaliz gero legea urratuko luketela agintariek eta dokumentatu egingo dutela.

Arratsaldero 19:30ean asanblada deitu dute, eta eraikinetik botaz gero, "hiriko plazetan kanpaldia egingo dugu".

Arratsaldean auzolanera eta herritarrei bertaratzeko dei egiten ari dira.

Egin duten irakurketa

Hauxe da prentsaurrean irakurri duten mezua:

Iritsi da udaberria!

Ezerezetik bezala, baina batez ere behetik gora, herritarrok sorpresa eman dugu: Maiatzaren 19tik 27ra handiena bizitza dela aldarrikatuko dugu kalean eta elkarrekin! Has dadila festa!

Bizitza Da Handiena kanpaina, borroka sozialen aste hau, herri mugimendu eta sindikatu mordoaren indarren bateratze hau baliatuko dugu egunero egunero zapaltzen gaituzten horiei aurre egiteko, herri boterea eraikitzen jarraitzeko.

Herritarron gehiengoaren aurka eta gutxiengo baten alde inposatzen dizkiguten politika eta erabakiei aurre egiteko astea izango da.

Horren adibidea da 78ko Euskal Erregimeneko indar politikoek inposatu nahi diguten turismo eredu suntsitzailea. Turismo politika horren aurka hainbat herri ekimen garatu genituen Donostian joan den urtean eta zein izan da herri protesta horren aurrean instituzioek emaniko erantzuna? Batetik, hotel bat okupatu zuten 20 bat gazte donostiar auziperatu dituzte; bestetik, herritarrak zigortzeko isunak iristen hasi dira; eta, azkenik, inolako lotsarik gabe, agintariek diru publikoa xahutuko dute Turismoaren Munduko Erakundearen batzarra Donostian antolatuz. Herritarrez trufatu dira berriro ere. Eskandalu bat da. Nola ulertu horrelako jokabide arduragabea Donostian, hain justu turismoak itota duen gure hirian?

Desastre horren aurrean, herritar guztiei dei egiten diegu bizipoza hartu eta kalera ateratzeko, kaleak guztionak direla ozen esateko, eta ez kameraz bete eta bertan aurrez baimenik eskatu gabe biltzen garenean polizia bidaltzen duten instituzioetako jauntxoenak.

Aste oso bat ekimenez josiko dugu, kolorez jantziko dugu Donostia, elkartasunetik, alaitasunetik eta herritik borrokatuz. Astebeteko kanpaldi bat egingo dugu horretarako. Astebeteko kanpaldi bat abiatuko dugu, eta herritar guztiak deitzen ditugu arratsaldero 19:30ean egingo den asanbladan parte hartzera.

Etxean eta desanimatuta nahi gaituzten arren, kalea bizi-bizirik dago, bizi-bizirik gaude, gainean dauzkagun hauek nahi ez badute ere.

60 herri mugimendu eta sindikatuk babesten dugun mugimendu honek, beraz, instituzioei dei zuzen eta garbia egiten die: Herria gu gara, eta antolatuta gaude. Gutako inori eraso egiten badiozue, gutako guztiok erasotuko gaituzue, herria erasotuko duzue. Zuen bulegoetan herritarrak kontuan hartu gabe hartzen dituzuen erabakiak gure kontra doaz zuzenean, eta guk, bulegoak baino, plazak nahiago ditugu. Bizitza dugu aldarri eta horren alde egingo dugu.

Guk garbi diogu: ez dugu biolentziarik erabiliko, eta espero dugu boteretik ere ez erabiltzea. Lege eta politika injustuei aurre egiteko gure tresnak desobendientzia zibila, kolaborazio-eza, ekintza zuzena eta erresistentzia izango dira.

Eraikin publiko honetan sartu gara, urteak direlako hutsik dagoela hiri erdian, herritarren beharrak izugarriak direnean. Eraikin publikoak ez dira administrazioarenak, herritarronak dira, publiko hitzak ongi dioenez. Horregatik ireki ditugu ateak eta gardentasun osoz diogu, astebeteko Bizitza Da Handiena kanpainak iraun bitartean egongo garela hemen.

Okupazio mugimenduarekin lan egiten duten abokatuek argi diotenez, polizia ezin da sartu eraikin hau desalojatzera 10 eguneko epean, eta beraz, gu 7 egun egongo garenez, argi jakinarazi nahi dugu sartuko balira legea hautsiko luketela eta azken xehetasuneraino dokumentatuko genukeela gertakaria. Horrezaz gain, gure eskubideen aurka, eraikin honetatik botatzea erabakiko balute, kanpaldia egingo genuke hiriko plazetan. Beraz, bi aldiz pentsatu dezatela egin behar dutena. Izan ere, Donostialdean Udaltzaingoak, Ertzaintzaren laguntzaz, burutu dituen azken hiru kaleratzeak legez kanpokoak izan dira eta Erregimenaren prentsak gertakari larri hauek ezkutatu baino ez ditu egin.

Gauzak horrela, aste hau eta bere planteamendua babesten dugunok honakoak gara, orden alfabetikoan irakurriko ditugu:

Mugimendu Feministak bi ekimen: Gudaren aurkako emakumeen nazioarteko eguna eta pentsionisten manifestaziora blokea
<< <
1 2
> >>
Kanal hauetan artxibatua: Bizitza Da Handiena  |  Donostia  |  Turismo masiboa  |  Turismoa

Bizitza Da Handiena kanaletik interesatuko zaizu...
2018-05-27 | Xalba Ramirez
Abaraska proiektua
Etxebizitza, auzoaren eragile sozial

Erosi, alokatu eta okupaturen artean, etxebizitzaren arazoari erantzun berri bat ari dira entseatzen Donostiako Abaraska proiektuko kideak. Teilatu batetik harago, ingurua eraldatu eta beste bizi eredu baten oinarria izan daitekeelako jarri dute martxan etxebizitza kooperatiboaren proiektua. Definizio fasea behin igarota, bizitoki izango duten espazioa lortu eta errealitatera salto egiteko aliantzak josten dabiltza.


2018-05-24 | ARGIA
Donostia erdialdean errefusarentzako edukiontziak zigilatu dituzte erraustegia salatzeko

kanpainaren barruan, Donostiako erdiguneko 100 edukiontzi zigilatu ditu Erraustegiaren Aurkako Mugimenduak, errefusaren edukiontziotan hondakinak uzten dituzten auzotarrak informatzeko oharrak ipiniz.


2018-05-22 | Miren Osa Galdona
Kezka sortzen dio Donostiako Turismo Elkarteko zuzendariari Bizitza Da Handiena kanpainak

Euskadi Irratiko Faktoria saioan elkarrizketatu dute astelehen goizean Manu Narvaez Donostiako Turismo Elkarteko zuzendaria. Turismoaren Munduko Erakundeak asteazkenetik ostiralera egingo duen goi bileraren harira, ekitaldiak hirian izan dezakeen eragina izan du ardatz solasaldiak.


2018-05-21 | Estitxu Eizagirre
Donostian okupatu duten eraikina Espainiako Gizarte Segurantzarena da eta salgai daramatza 9 urte

Espainiako Gizarte Segurantzaren Tesoreria Generala da Donostiako Idiakez kaleko 6. etxe blokea, maiatzaren 19an Bizitza Da Handiena ekimenak zabaldu eta biziberritu dutena.


2018-05-21 | ARGIA
Kronika
Okupatutako blokean auzolana eginez ekin du Bizitza Da Handienak borroka bateratuaren astea

Sare sozialen bitartez iragarri zuena desestali du larunbatean Bizitza Da Handiena kanpainak: borroka anitz bat, boteredunek bulegoen itzalean hartzen dituzten aldebakarreko erabakiak argiztatu eta plazaren erdigunera ekarriko dituena. Ekimena hasi besterik ez da egin, eta astebete iraungo du.


2018-05-09 | ARGIA
Hoteletako langileen greba deialdiari eusten diote sindikatuek

ELAk jakinarazi duenez, maiatzaren 23, 24 eta 25erako Gipuzkoako hoteletako langileen greba deialdiari eutsiko diote, asteazkenean patronalarekin egindako bileran ez baitute akordiorik lortu. ELA, LAB, CCOO eta UGT sindikatuek deitu dute greba.


2018-05-09 | ARGIA
'Bizitza da Handiena' kanpaina
"Borroka sozialen astea" deitu dute Donostian, Turismoaren Munduko Goi Bilera hirian egin bitartean

Maiatzaren 19tik 26ra herritarrei kalera ateratzeko deia egin diete sare sozialen bidez, "Bizitza Da Handiena" lelopean. Bideo bat zabaldu dute.


Azkenak
EGILEA
Eguneraketa berriak daude