Bilboko udaletxea inguratzeko deia egin dute, "auzoen abandonuak hil egiten" duela salatzeko

  • Bilboko Zorrotzan izandako ezbeherrak herritarrak mugiarazi ditu. Asteazkenean ehunka lagunek bilkura isila egin zuten Zorrotzako Taldeen Kordinakundeak deituta; sare sozialetan ekainaren 2an udaletxea "inguratzera" deitu dute ezezagunek.

Uriola.eus @uriolaeus
2017ko ekainaren 01a
Zorrotzan ehunka lagun bildu ziren asteazkenean, auzoko herritar eta taldeek deituta (Arg.: EH Bildu Bilbo)

Isiltasuna, pankarta zuria, xingola beltza, Kale Dor Kayiko ijitoen elkarteko banderak eta elkartasun mezuak izan ziren nagusi asteazkenean Bilboko Zorrotza auzoan, 500 bat lagunek babestu zuten auzoko taldeek deitutako manifestazioan. Ostiralean, ekainak 2, V de Vendetta pertsonaiak Bilboko Udaletxea inguratzeko deia egin du "auzoak abandonatzeak hil egiten duela" salatzeko

Zorrotzako Taldeen Koordinakundeak eta auzoko bizilagunek elkartasuna adierazi zieten joan den larunbateko sutean lau senide galdu dituzten Barinaga kaleko familiei eta lagun hurkoei. Isiltasunean burutu zen manifestazioa, Azoka plazatik Landa auzunera arte, xingola beltza zuen pankarta zuria buru zuela. Barinaga kaleko 7. zenbakiaren parean eman zioten amaiera manifestazioari, sutea piztu zen etxearen parean. 500 bat partaideren artean zeuden, besteak beste, Zorrotzako auzotarrak, Kale Dor Kayiko ijitoen elkarteko kideak eta hainbat eragiletako ordezkariak. 

Gaur, sutean hildako bi umeak omenduko dituzte Zorrotzgoitiko Zazpilanda ikastetxean. Ikasle ziren eskolan, alegia. 

Azken orduetan bi umeen aititearen osasun egoerak okerrera egin du. Oso larri dago Gurutzetako Ospitaleko Erredura Handien Unitatean. Arnasteko laguntza mekanikoa jarri diote. Gizonak erredurak ez ezik balkoitik salto egiteak eragindako kolpeak ditu. 

Larunbataz geroztik Barinaga kaleko 7. zenbakiko eraikinak hesituta jarraitzen du. Udal teknikariek eta suhiltzaileek ziurtatu dute teilatua jausteko arriskuan dagoela, eta eraikina eraisteko agindua eman dute. Landa eremuan beste bi eraikin ere eraitsiko direla jakinarazi zien atzo Udaleko ordezkaritza batek Zorrotzako Auzo Elkarteko kideei. Bi orduz luzatu zen bilera "baikorra" izan zen auzotarren arabera: "Gu, auzotar gisa, elkarrizketarako eta gure esku dauden ekarpenak egiteko prest gaude".

Udaletxea inguratzeko deia

Sare sozialen bidez zabaldutako bideo batean Vendetta filmeko pertsonaia nagusiaren mozorroa jantzita duen lagun batek Bilboko alkatearen hitzak eta jarrera kritikatu ditu. Alkateak "hipokresiatzat" jo zituen Zorrotzako Auzo Elkartearen hitzak, Landa auzuneko tragedia "aurreikusita" zegoela zioten hitzak, hain zuzen. Auzo elkartearen adierazpenok Zorrotzako Taldeen Koordinakundeak ez ezik oposizioko EH Bildu, Udalberri eta Goazen Bilbaok ere babestu ditu. 

Bideoan, "Aburtok ez dakienez entzuten, irakurri egin beharko gaitu" dio V de Vendettaren pertsonaiak, "auzoen abandonoak hil egiten du" dioen kartela eskutan duela, eta ostiralean, ekainak 2, 19:00etan, "Udaletxea inguratzeko" deia zabaltzen du.

Orain baino lehen, Espazio publikoaren erabilerarako udal ordenantza polemikoaren aurka protesta egiteko mezua zabaldu zuen V de Vendettak. 2011n Bilboko Kale Nagusia okupatzera dei egin zuen. 

2012an hainbat gizarte eragilek Udaletxea inguratu zuten pankarta eta oihu artean Bilboko Udaleko aurrenkotuen murrizketak salatzeko. 

 

Albiste hau Bilboko Uriolak argitaratu du eta CC-by-sa lizentziari esker ekarri dugu ARGIAra

 

Kanal hauetan artxibatua: Bilbo  |  Hirigintza  |  Bazterkeria

Bilbo kanaletik interesatuko zaizu...
2017-11-19 | Dabi Piedra
"Kontrasalaketekin, erasotzailea eta biktima maila berean jartzen dira"

Indarkeria matxistagatik salatutako gizonezkoek biktimaren aurkako kontrasalaketa jartzea gero eta ohikoagoa dela nabaritu dute genero indarkeriaren aurka lanean ari direnek. Juana Balmaseda Ripero abokatuaren esanetan, emakumearen salaketari sinesgarritasuna kentzeko estrategia da. Elkar salatu badute, maiz etxe barruko liskartzat jotzen da gertatutakoa, indarkeria matxistatzat hartu ordez. Genero indarkeriari eta sexu erasoei aurre egiteko Emakundek koordinatutako lantaldean, abokatuen... [+]


2017-11-17 | Axier Lopez
Bilboko Karmela gune autogestionatuaren 2. urteurrena ospatuko dute larunbatean

Karmelo ikastola zaharraren eraikinean Bilboko Santutxuko bizilagunek sortutako gune autogestionatuak bi urte bete ditu. Urteurrena ospatuko dute larunbatean ohikoa duten gisan: sormenari eta auzoari ateak irekiz.


2017-11-16 | Uriola.eus
Eskorbuto musika taldeari omenaldia egingo diote

Iosu eta Jualma orain dela 25 urte hil ziren, eta bi musikariei omenaldia egiteko Más alla del cementerio musika jaialdia antolatu dute Santana 27 aretoan.


2017-11-15 | Uriola.eus
Deustuko Gazte Lokalaren "aukera bakarra" bere proiektua onartzea dela jakinarazi dio Bilboko Udalak

Norabide berri bat hartu du Deustuko Gazte Lokalaren etorkizunak Gazte Asanbladako kideek gaur azaldu dutenez. Udaleko ordezkariek "atzera egin" dute. Baztertu egin dute lokala insonorizatzeko plana.


2017-11-15 | Axier Lopez
Ongi etorri armak, refugees go home!

Bilboko Portuaren plan estrategikoaren onurak hedabidez hedabide azaltzen aritu da Asier Atutxa presidentea. Baina, enpresariek beren enpresez hitz egitean ohikoa duten autobonboaz aparte, bi galdera ‘deseroso‘ erantzun behar izan ditu. Bata, errefuxiatuak portura ez sartzeko eraikitzen ari diren harresiari buruz. Eta bigarrena, martxoan Ignacio Robles suhiltzaile desobedienteak piztu zuen eztabaidaren harira, Saudi Arabiara bidean Bilboko Portuan izan diren armaz betetako... [+]


2017-11-14 | Unai O˝ederra
Barkamen eske, #155ariEZ manifestazioaren arrakastagatik

Zapore mingotsa utzi dit azaroaren 4ko Bilboko manifestazioaren biharamunak. 155. artikulua salatzeko manifestazio arrakastatsua egin, eta zertaz hitz egin zen astelehenean? Euskal Herria ez da Katalunia.


2017-11-10 | Axier Lopez
Bilboko Mercadonak ateak itxiko ditu Udalak legez kontra lur-saila birkalifikatzeagatik

Miribillako Urretxindorra Ikastolaren patioa zenaren lurren kalifikazioa aldatu zuen Bilboko Udalak, Mercadonak bere supermerkatua egiteko. Lurrak legez kontra birkalifikatu zituela ebatzi du EAEko Auzitegi Gorenak. Beraz, supermerkatu kate handiak ateak itxi beharko ditu Bilbon.


2017-11-09 | Juan Mari Arregi
Portuak, bizitzarako edo heriotzarako?

Bilboko Portuak bost urterako Plan Estrategikoa aurkeztu berri du. Getxoko kruzeroen kaian egin du, munduko itsasontzi hoberenetan milaka turista igarotzen diren tokian. Zein da Plana? Irakurleek prentsa bidez jakin ahal izan dute. Baina portuko agintariek ez dituzte azaldu milaka lagunen bizitzari –eta heritozari– eragiten dieten beste alderdi batzuk, nahiz eta portu hori funtsezko tresna izan. Horixe gogoratu zuen Ongi Etorri Errefuxiatuak plataformak, Planaren aurkezpen... [+]


2017-11-09 | Unai Brea
"Legezkoa den bitartean...", Bilboko Portuko presidentearen erantzuna bertatik armak esportatzeaz

Datozen bost urteetarako Bilboko Portuaren Plan Estrategikoa aurkeztu zuten asteazkenean Getxoko gurutzontzien terminalean. Kanpoko aldean hainbat pertsonak Portuaren politikengatik protesta egiten zuten bitartean, Mikel Otero EH Bilduko legebiltzarkideak arma trafikoaz igorritako galderari erantzun zion Asier Atutxa Portuko Agintaritzako presidenteak: “Legezkoa den bitartean, nire iritziak ez du axola”.


Garaipenaren bizipoza

Batean, azpikontratatutako zahar etxeetako langileak, mozkinen arabera (des)araututako sektore feminizatuan. Bestean, patronala, prekarietatearen aparretan eroso, eta Bizkaiko Foru Aldundia, ez-ikusiarena egiten. Horrela bi urtez, borrokan, lan baldintzak duintzeko. Eta urtebetez greban. Erraz esaten da. Beste hainbat kasutan bezala, botere politiko eta ekonomiaren arteko ohiko elkarlana langileen aldarrikapena itotzen saiatu da. Oraingoan, ordea, bizitza zaintzen dutenek irabazi dute. Beraz,... [+]


Eguneraketa berriak daude