Bilboko Konpartsak: "Azken epaia gorabehera, ez dugu zuen azpijokoa onartzen"

  • Jone Artola txupinera izateko galerazpena baliogabetu du auzitegiak. Konpartsek epaia baikortzat jo duten arren azaldu dute haientzat ez duela "baliorik" eta Bilboko jai eredu horrelako erasoen aurrean "blindatuta" dagoela.

Uriola.eus @uriolaeus
2016ko abenduaren 27a

Bilboko Konpartsek "hasieratik" jakin dute 2013ko txupineraren hautuan ez zegoela "legez kanpoko ezer". EAEko Auzitegi Nagusiak konpartsei "arrazoia eman" dietela jakin ostean, "etengabe jaia izorratzen" dabiltzanei "ez zaituztegu nahi" esan diete hainbat konpartsakidek Arriaga plazan buruturiko agerraldian. 

EAEko Auzitegi Nagusiko Administrazioarekiko Sailak atzo bertan jakinarazi zion Bilboko Konpartsak Federazioari baliogabetu egin duela 2013ko txupineraren hautuaren gaineko erabakia, "ez baitu horretan legez kanpoko ezer aurkitu".

Konpartsek "hasieratik" jakin dute Txori Barrote konpartsako Jone Artola konpartsakidearen hautaketan ez zegoela legez kanpokorik. Eta "arrazoia eman diguten arren", konpartsek prozesuaren hasieratik esandakoa berretsi dute gaur berriro Arriaga plazan: "Azken epaia gorabehera, ez dugu zuen azpijokoa onartzen". Izan ere, Oihana Pascual eledunaren esanetan, "guretzat ebazpen honek ez du baliorik, ez interesik, ebazpena eman duen aretoari ez baitagokio gai honen inguruan erabakirik hartzea". Beste behin, errepikatu nahi izan dute Aste Nagusia eta jai ereduaren kontra egindako erasoak "ez duela urratuko bilbotar guztiok batzen gaituen jaiarenganako idilioa".

2013an Jone Artolaren hautaketaren aurka agertu zen Carlos Urkijo Gobernuko ordezkariari eta salaketa aurkeztu zuen Estatuaren abokatuari zeharka egin diete erreferentzia agerraldian. "Etengabe jaia izorratzen" ibiltzea leporatu diete konpartsakideek, eta argiro esan diete "ez zaituztegu nahi". "Zorionez", erantsi dute, "Bilboko jai eredua leloen ergelkeriak jasateko blindatuta jaio zen". 

Hiru urtez luzatu diren "asmo ilunak" Bilboko Konpartsek "kolore" bihurtuko dituzte, "kolore baikara", adierazi dute konpartsakideek soinean zeramaten "Aste Nagusia defendatuz" dioen kamiseta beltza erantzi eta azpian zeramaten koloretako kamisetak erakutsi dituztenean. "Hamaika dira gure koloreak; eta guk, konpartsok, hamaika kolore horiek elkartu eta indar batez jarraituko dugu Aste Nagusiaren oinarri den jai ereduaren alde lanean eta borrokan".

Albiste hau Bilboko Uriolak argitaratu du eta CC-by-sa lizentziari esker ekarri dugu ARGIAra

Kanal honetan artxibatua: Bilboko Aste Nagusia

Bilboko Aste Nagusia kanaletik interesatuko zaizu...
2016-11-23 | Uriola.eus
Balioetan sakontzeko apustua izan da Bilboko Konpartsen urteko asanbladaren emaitza

Joan den asteburuan egin dute Bilboko Konpartsak osatzen dituzten 29 konpartsetako ordezkariek urteko balorazio-bilera, eta 2016-2017 ikasturtera begirako ildo nagusiak irudikatu dituzte.


2016-11-11
Amets Nagusia, ametsa jai bihurtu zen
MULTIMEDIA - dokumentala

Egungo Aste Nagusiaren sorrerako zirrikituak azaltzen ditu dokumentalak hainbat testigantzen bidez, protagonista eta lekuko izan ziren horien hitzen bidez. 1977tik 1983ra arteko "zirrikitu konplexu, bitxi eta emozioz beterikoak" kontatzen dute. "Aste Nagusia bezalako jai baten jatorria ezagutzea funtsezkoa delako egungo Aste Nagusia ondo ulertzeko eta lantzeko. Oinarrizkoa delako Aste Nagusiaren memoria egitea", diote Mercè Cortina-Oriol eta Fernando Garcia Regidor... [+]


2016-11-08 | Uriola.eus
'Amets Nagusia' dokumentala aurkeztuko dute, Aste Nagusiaren hastapenak jendarteratzeko

Gaur arratsaldean, azaroak 8, Bilboko Konpartsak eta Udalak Amets Nagusia, Ametsa jai bihurtu zen dokumentala aurkeztuko dute Arriaga Antzokian. Dokumentala Bilboko Konpartsak zuzendu eta ekoitzi du eta Aste Nagusiaren hastapenak jasotzen ditu. 20:00etan izango da emanaldia eta garai hartako eta egungo Aste Nagusia posible egin duten lagun eta kolaboratzaileek primizian ikusi ahalko dute.


2016-08-26 | Uriola.eus
Eraso sexista berri bat salatu dute Bilboko Aste Nagusiaren baitan

Udaltzaingoa gizon baten bila dabil, abuztuaren 25eko goizean emakume bati erasotzeagatik. Erasoa goizeko 10:00ak aldera gertatu zen Zazpi Kaleen inguruan. Gizon batek emakume bat eraso zuen lizunkeriaz hitz eginda, eta emakumeak egindako eskaerei entzungor eginez; borondatez aurkako ukitzeak egin zizkion.


2016-08-25 | ARGIA
Mekauen konpartsaren kontrako salaketa jarriko du COVITEk, kale bati Pakito Arriaran izena jartzeagatik

Bilboko festetan, Mekauen Egunean, hainbat kaletako plakak estali zituzten borroka internazionalistan jardun izan diren pertsonen izenekin, tartean ETAko kide izandako Arriaranena.


2016-08-24 | Uriola.eus
'Edalontzien berrerabilpena 2.0' esperientzia pilotua jarri dute martxan Bilboko Konpartsek

Bilboko Konpartsak urrats berri bat eman du edalontzi berrerabilgarriaren ereduan, eta esperientzia pilotu bat abiatu du erabilitako edalontziak jaso eta higienizazio industrialaren bidez, berriz ere hauek saltzeko. Hala, Aste Nagusiaren ingurumen-inpaktua gutxitu nahi da.


2016-08-22 | Topatu.eus
Bilboko jaietako txupinazoan autodefentsa feministaren aldarria zabaldu dute

“Autodefentsa feminista!” zioen pankarta batekin eraso sexistei aurrea hartzeko deia egin dute.


2016-08-19 | Uriola.eus
Animaliadun ikuskizunik gabeko Aste Nagusi baten alde batu dira konpartsak eta zenbait alderdi politiko

Konpartsa ugarik, EH Bildu, Udalberri eta Goazen Bilbao alderdietako kideekin batera agerraldia eskaini dute ostegunean, Aste Nagusiaren baitan garatuko diren ikuskizunetan erabiliko diren animaliek bizi dute egoera larria salatzeko. Denek bat egin dute esatean, "animaliadun ikuskizunik gabeko Aste Nagusi baten aldekoak" direla.


2016-07-11 | Uriola.eus
Patxo Telleria eta Gisele Felli Gorritxo izango dira Bilboko Aste Nagusiko pregoilaria eta txupinera

Aho batez izendatu du Bilboko Udaleko Jai Batzordeak Patxo Telleria aktore, gidoilari eta zuzendaria 2016ko Aste Nagusiko pregoilaria. Aurtengo txupinera, berriz, Komantxe konpartsako Gisele Felli Gorritxo izango da.


Azkenak
EGILEA
Eguneraketa berriak daude