Bigantxarik ez Barañaingo jaietan
1.907 herritarrek parte hartu dute jaietan bigantxen askatzeari buruzko galdeketan eta %73 ezezkoaren aldekoa izan da.
Ezezkoa izan da Barañaingo galdeketa herritarraren emaitza. Apirilaren 27tik 30era 16 urtetik gorako barañaindarrek bozka emateko aukera izan dute jaietan bigantxak askatzea ikuskizunaren inguruko galdeketan. 1.907 herritarrek parte hartu dute eta %73 ezezkoaren alde kokatu da, 1398 bozkekin. 499 boz izan dira bigantxak askatzearen alde (%27) eta bederatzi boz zuri eta baliogabeko boz bakarra zenbatu dira.
Udaletik egindako balorazioan, emaitzaz haratago, «historikotzat» jo dute ekimena. Ia 2.000 herritarren parte hartze altua azpimarratu dute eta «hasitako bidean indartu egiten gaitu» adierazi dute. Udal ordezkariek iragarri duten bezala “kontsultak Barañainera heldu dira gelditzeko asmoz”
Bestalde, bigantxetan gastatzeko aurreikusita zegoen diru kopurua ekimen desberdinak egiteko bideratuko dela ziurtatu du Udalak. Jai Batzordearekin elkarlanean, adin guztietako hiritarrentzat berdintasunean oinarritutakoak eta parte hartzaileak izanen diren jarduerak antolatzeko konpromisoa hartu du Udalak.
Udal ordezkariek galdeketan izan den parte hartze anitza azpimarratu dute nahiz eta UPN eta PSN udal taldeek kontsultan parte hartzeari uko egin dioten. Bozketaren emaitzak ezagutzera emateko ekimenean ere ez dute parte hartu nahi izan. Honen inguruan, Oihaneder Indakoetxea alkateak adierazi du nahiago zukeen han egon izan balira “parte hartze prozesuari babesa” ematea litzatekeelakoan.
Udaletik bide honetatik jarraitzeko apustua adierazi dute eta datozen hilabeteetan garatuko diren hirigintza eta auzo gaien inguruko kontsulta berriak aurreikusten dituzte.
Oihaneder Indakoetxea alkatearen (EHBildu) ondoan izan dira ekimen hau sustatu duten beste udal taldeko ordezkariak ere. Geroa Bai taldeko Ioseba Úrizek «kontsultak gelditzeko etorri dira» adierazi du, ekimena zinez positibotzat joz. Barañainen Parte hartzen taldeko Jaione Lópezen arabera, herritarren ahotsari «ateak irekitzea» ahalbidetu duen galdeketa honetan parte hartze nabaria izan da eta herritarrei eskerrak eman dizkie. Battitte Martiarena IE-Equo taldeko ordezkariak, ekimen honek harrera oso ona jaso duela eta bide honetan lanean jarraituko dutela aipatu du.
Albiste hau Euskalerria Irratitik ekarria da ARGIAra CC-by-sa lizentzia libreei esker.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
AnimalNaturalis eta PETAk manifestazioa egin dute Iruñeko Udaletxearen aurrean, tauromakia bekatua da lelopean.
Eguzki elkarte ekologistak salatu du Donostiako parkean gertatutakoa. Parkean bizi diren hainbat paumari lumak erauzi dizkiote, odoletan utzita. Beraz, erasoa izan dela ondorioztatu dute eta ez dela hegaztien lumaberritze prozesu naturala izan. Eguzki
Animalia-etikaz mintzatuko dira EHUko ikastaroetako batean. Leire Morras Aranoak, ikastaroaren zuzendariak, hezkuntzan antiespezismoa lantzeko dauden hutsuneak eta aukerak nabarmendu ditu.
Herriko gazteek eta jai batzordeak bultzaturiko galdeketaren bidez hartu da erabakia. Herritarren %22ak gutxi gora behera hartu du parte kontsultan, eta orain “jaien antolaketa birplanteatzea” dagokio udalari.
Gipuzkoako Plataforma Antitaurinoak deitu zuen mobilizazioa, “Ez da kultura tortura da” lelopean. Donostiako Aste Nagusian zezenketak egongo dira aurten ere, jaietako egitarautik kanpo bada ere, hiru ikuskizun eskainiko dituzte abuztuaren 15,16 eta 17an Illunbeko... [+]
Zezenketez gain, burtzikatzeak, zekorketak eta haztegiak debekatuko dituzte 2027. urtetik aurrera. “Erabaki historikoa” izan dela adierazi du Kolonbiako presidente Gustavo Petrok.
Zezenketarik gabeko besten inguruan mintzatu dira zenbait eragile, Zaunk! Iruñerria antiespezista eragileak Iruñeko Laban antolaturiko 'Zezenketen bidegurutzeak' solasaldian. Alternatibak indartzearen garrantziaz, peñen erantzukizunaz eta legeak... [+]
Zezenak torturatu eta hilko dituzte aurten ere Donostiako Aste Nagusian, hiru egunez. Arte y Cultura BMF enpresak iragarri ditu Illunben aurten egingo dituzten zezenketak, eta Aste Nagusiko bigarren asteburuan izango dira, abuztuaren 15ean, 16an eta 17an (18:00etan).
"Zezenketarik gabeko sanferminetarako trantsizioa errazteko" eskatu die Iruñea Antitaurina kolektiboak Peñen Federazioari. "Festa giroan zezenen presentzia egon behar den edo ez aztertzeko" garaia iritsi dela uste du kolektibo horrek eta ... [+]
Antiespezismoa akademiara hurbiltzeko asmoz zenbait ikertzaile eta ikasleren artean ‘Animalia ikasketa kritikoen EHU/UPVko I. kongresua’ antolatu dute martxoaren 20tik 22ra Leioan.
