Balea bat hil dute gizakiak itsasora botatako plastiko zatiek

  • Aspaldi ohartarazi zuten talde ekologistek eta hainbat ikerketek gizakiak itsasora botatako hondakin plastikoak eragiten ari diren triskantzaz. Horren froga gordina Norvegiatik etorri zaigu: balea baten sabelean 30 poltsa, litxarreria zorro eta bestelako plastikozko hondakinak aurkitu dituzte.

Axier Lopez @axierL
2017ko otsailak 14

Suhiltzaileek aurkitu dute Cuvier moko-balea Sortra irlako kostaldean. Bi tonako balearen gorpua museora eroan aurretik, Blomsterdalengo unibertsitateko estazio biologikora eraman dute beharrezko azterketak egitera. Han deskubritu dituzte urdailean pilatutako 30 poltsa, litxarreria, ogia edo txokolatea biltzeko erabiltzen diren zorro eta bestelako plastikozko hondakin baino gehiago. Baleak oso koipe gutxi zuenez eta urdailean janari hondakinik ez dutenez aurkitu, zoologoek ondorioztatu dute goseak hil dela. Baleak luzez sufritu duela adierazi du Terje Lislevand zoologoak: “Oso tristea da bere heriotza, plastiko hondakinak sabelean gutxika-gutxika pilatu dira, harik eta bere urdaila guztiz blokeatu duten arte. Gosez hil da”.

Urtero 8 milioi tona zabor itsasora

Itsasoetako kutsadura urtetik urtera handitzen ari da, eta Ellen MacArthur Fundazioaren azken txostenaren arabera plastikoz beteko dira ozeanoak 2050erako. Davoseko Forum Ekonomikoan aurkeztutakoaren arabera, plastikozko botilen %5 soilik birziklatzen da, eta %40k zabortegi eta ozeanoetan bukatzen dute. Txostenaren arabera, gutxienez 8 milioi tona plastikok itsasoan bukatzen dute: “Minuturo kostaldean zabor kamioi bat hustearen pareko”. 2025erako aurreikusi dute hiru tona arraineko tona bat plastiko izango dela, eta 2050ean plastiko gehiago egongo dela itsasoan bizidunak baino.

Argazkia: Terje Lislevand
Argazkia: Terje Lislevand

 

Argazkia: Terje Lislevand
Balearen urdailean aurkitu dituzte plastikozko hondakinak. Argazkia: Terje Lislevand
Argazkia: Christoph Noever (Universitetet i Bergen)

 

Kanal hauetan artxibatua: Kutsadura  |  Norvegia  |  Animalien eskubideak  |  Itsasoa

Kutsadura kanaletik interesatuko zaizu...
2017-06-19 | Xalba Ramirez
H&M eta Inditexek fabrika kutsatzaileei biskosa erosten diotela salatu du Ekologistak Martxanek

Changing Markets Foundationek argitaratu duen informe batek Inditex eta H&M multinazionalek erosten duten biskosa Asiako fabrika kutsakorretatik datorrela erakusten du. Ekologistak Martxanek hori salatu eta neurriak eskatu dizkie instituzioei.


2017-06-16 | Xalba Ramirez
Ondarroako araztegiak ur zikinak isuri zituen itsasora maiatzean

Maiatzaren 24an Ondarroako araztegiak itsasora ur zikinak bota zituela baieztatu dio Bizkaiko Ur Partzuergoak Eguzki kolektibo ekologistari.


2017-06-15 | Axier Lopez
Kontrolatu gabeko lindano isuri bat topatu dute Jatako zabortegiaren alboan

Bizkaiko Armintza eta Bakio lotzen dituen errepidearen inguruan, Jata zabortegitik gertu, topatu dute kontrolatu gabeko isuria, Ekologistak Martxan-eko kideek zabaldu dutenez. Agintariei helarazi diete informazioa konponbidea eman diezaioten. Ertzaintza zonaldera hurbildu da.


2017-06-07 | Xalba Ramirez
Lindanoa, osasunerako eta ingurumenerako mehatxua hamarkadak igaro ostean ere

Lindanoak Espainiako Estatuan eragindako kutsadurari buruzko txostena argitaratu du Ekologistak Martxanek, Pozoitze iraunkor eta isil baten kronika izenburupean. Taldeko bozeramaile Javier Vázquez Velascok Barakaldon aurkeztu duen txostenean azken mendean fabrikatutako eta modu okerrean kudeatutako lindanoaren gaineko ikerketa jasotzen da. Mugimenduaren helburua lindanoa oraindik kutsadura iturri dela salatzea da; era berean, neurriak eskatu dizkiete instituzioei.


2017-05-28 | Garazi Zabaleta
Itsasoan animaliak adina plastiko

Gure ozeanoak kutsatzen dituzten hondakin plastikoen gaia orrialde dezente ari da hartzen azkenaldian komunikabideetan. Nazio Batuen Erakundeak berak neurriak hartuko dituela adierazi du, 2020. urterako mikroplastikoak eta erabilpen bakarreko plastikoak ezabatu nahi ditu eta. Zenbaterainoko kaltea eragiten dugu hondakinokin, ordea?


Ibilgailuen gas kutsatzaileek 107.000 heriotza goiztiar eragiten dituzte urtean

Diesel autoen erdiak eta autobus eta kamioien heren batek gasen isurketen muga legalak gainditzen dituzte. Gehiegizko emisioek 28.000 heriotza goiztiar eragin zituen 2015ean, ingurugiro agentzia estatubatuarrek egindako ikerketa baten arabera.


Oria paper-fabrikak isurketa bat izan zuen Oria ibaira joan den astelehenean

Zizurkil eta Villabona-Amasa artean izan zen isurketa astelehenean, Eguzkik jakinarazi duenez. Isurketa ez da oso kaltegarria izan, talde ekologistaren arabera.


Erraustegiaren aurkako protestak egin dituzte, obrak hasi behar ziren egunean

Zubietako Erraustegiaren aurkako protestak dituzte Gipuzkoako hogei herri baino gehiagotan. Ernaiko kideek zaborra jaurti dute EAJren Gipuzkoa Buru Batzarraren egoitzaren sarreran eta margoketak egin dituzte. Astelehenean hastekoak ziren erraustegiaren lanak, baina oraindik geldirik daude.


El Salvador, munduan metalen meatzaritza debekatu duen lehena

Meatzaritza irentsarazteko, salvadortarrei era guztietako ametsak eskaini zizkieten, industriak bezala garapenerako laguntzak, lanpostuak, administrazioaren diru iturri berriei esker eskola eta ospitale berriak. Baina amesgaiztoak laster erakutsi zuen belarria, uraren kutsadura eta korporazioen bortizkeria tarteko. Azkenean martxoan, herri mugimenduen mobilizazio luzeen ondoren, El Salvador bilakatu da munduan metalen meatzaritza debekatu duen lehenbiziko herrialdea.


2017-04-20 | Unai Brea
Plastiko hondakinak Europako itsasoetan, gero eta arazo handiagoa

Greenpeacek nazioarteko kanpaina bat ipini du abian, Europako itsasoetara iristen diren plastikozko hondakinen kutsaduraz ohartarazteko. Elkarte ekologistaren asmoa da Europar Batasunean eztabaidatzen ari diren eta uda baino lehen onartu behar diren ontzi-hondakinei buruzko zuzentarauetan arazo horri aurre egiteko neurri eraginkorrak har daitezela. Besteak beste, erabilera bakarreko plastikozko ontziak murriztu daitezen eskatu diete europar ingurumen ministroei.


Azkenak
EGILEA
Eguneraketa berriak daude