Baieztapen eliptiko batekin jolasean ari da fiskala
Fiskala baieztapen eliptiko batekin jokatzen ari da epaiketa osoan: Udalbiltza ETAk sortutako tresna zela. Baieztapen hori mugiezina da, poliziak hori dio eta polizia-atestatuari froga perizial izaera ematen badiote, kito. Aurreiritzi horretatik abiatuta, fiskala saiatzen ari da Udalbiltzaren jarduera ekonomikoak irregularrak izan zirela irudikatzen, nolabaiteko desbideraketa egon zela eman nahi du aditzera bere galderetan. Atzoko saioan garbi geratu zen hori.
ETArekin zerikusirik zuen galderarik ez zuen egin Juan Moral fiskalak, bai ordea Udalbiltza Partzuergoa eta Euskal Kohesio Fondoari buruz. Baina defentsaren lekukoek –udaletako alkate, zinegotzi eta idazkari ohiak– garbi utzi zuten irregulartasunik ez zela izan inon, Partzuergo bat sortzea muga administratiboak gainditu eta fiskalitate hobea edukitzeko, gauza ohikoa eta legala dela hemen eta Txinan. Ez zen diru desbideraketarik izan, erabaki guztiak Gipuzkoako Aldizkari Ofizialean agertu ziren eta EAE eta Espainiako diru Kontu Publikoen auzitegiek gainbegiratu zituzten.
Harrigarria da nola ari diren epaitzen Auzitegi Nazionalean tokiko epaitegietan epaitu beharreko ustezko delitu ekonomikoak. Horretarako, baieztapen eliptiko horretaz baliatzen ari da fiskala –jakintzat ematen du Udalbiltza ETAk sortu zuela dirua desbideratzeko–.
Bestalde, Udalbiltza ilegalizatutako ezker abertzaleko berezko organismoa zela demostratu nahian ere badabil Juan Moral. Atzoko saioan baina, beste alderdietako kargu publiko ohiek ezeztatu egin zuten hori. Udalbiltzak estatutu berak izan ditu 1999an jaio zenetik eta ofizialki erakunde bakarra izan da. Baliteke, praktikoki eta politikoki, bi korronte edo Udalbiltza sortu izana Lizarra-Garaziko porrotaren ondoren; baina Batasunako zinegotziek gidatutako Udalbiltzan ere izan zen beste alderdietako zinegotzirik, eta deialdiak eta erabakiak hasierako Udalbiltzako kide guztiei igortzen zitzaizkien. Ezker abertzaleak ez zuen Udalbiltza alderdi-helburuetarako instrumentalizatu, bere estatutuek markatutako hasierako helburuak jarraitu zituzten, Kursaaleko 2001eko biltzarrean berretsi zuten hori.
Udalbiltzaren kontrako epaiketak irailaren 29an jarraituko du –Espainian deituta dagoen greba egunak atzeratzen ez badu– eta froga perizialak aztertuko dituzte. Saio horretan ikusiko da polizia “adituek” perituen lanak egiten dituzten edo, besterik gabe, datuak interpretatzen dituzten –epailearen lana da hori– euren tesiari eusteko.
Gehiago jakiteko:
- Udalbiltza auziari buruzko erreportaje zabala ARGIA astekarian
- Maribi Ugarteburu auzipetuari elkarrizketa ARGIA astekarian
Urduritasunaren alarmak mugikorrekoak baino ordubete lehenago jota hasi da niretzat Donostiako 72. Zinemaldia, edo halabeharrak edo oparitu didan rol honetan. Goiz gosaldu eta akreditazioaren bila joan ostean, Victoria Eugenia antzokira hurbildu naiz 9:00etarako saiora, Emilia... [+]
Ekialde Erdia dantzan jarri dute pertsona-bilagailuak eta walkie-talkieak lehergailu bihurtu dituzten erasoek. Israel isilik da, baina inork gutxik jartzen du zalantzan erasoen atzean hura dela. Besteak beste, iraganean aritu delako jada jolas hilgarri horietan, eta akusazio... [+]
Aurtengo Euskarabildua topaketa teknologikoa (iAmetzak antolatzen duena urtero) urriaren 17an izango da Donostian, San Telmo Museoan. "Artifiziala ez den teknologia" jarri diote goiburu gisa, adimen artifizialaren oldarraldi garai honetan "inoiz baino... [+]
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
(Baina Kievek Errusiari eraso egiten uzteak gerrara eraman gaitzake zuzenean).
George Beebe CIAko Errusiako analisi zuzendari ohia da eta bere artikulu hau Rafael Poch kazetariaren blogean argitaratu dute gaztelaniaz eta Brave New Europe webgunean ingelesez.
Europako Alderdi Popularrak ultrakontserbadoreekin eta eskuin muturrarekin landuriko ebazpenak aldeko 309 boto, kontrako 201 eta hamabi abstentzio jaso ditu. Ekaineko Europako hauteskundeez geroztik, lehen aldia da eskuina eta eskuin muturra baturik agertzen direla Estrasburgon.
Foru Legebiltzarraren arabera, “oinarrizko eskubideak eta askatasunak murrizten dituen legea da, eta zigor-atal neurrigabea du, demokrazia aurreratu bati ez dagokiona”.
Azken aukera asteburu honetan 'Inexa de Gaxen' pastorala ikusteko.
Internet hasieran askatasunaren espazio izan zen, baina gaur egun enpresa handien esku dagoen lurralde kontrolatu bihurtu da. Testuinguru honetan, teknologia burujabetza eta ongizate komuna lortzeko Internet berreskuratzeko beharra gero eta premiazkoagoa da. Egile eta aktibista... [+]