Aurreikuspenen kontra, Euskal Herria Zuzenean izanen da aurten ere
2017an etenaldia egitea erabaki ondotik eta 2019an eraberrituta itzultzeko helburuarekin, ez zen Euskal Herria Zuzenean Festibalaren ediziorik espero aurten. Azken momentuan, baina, EHZ Nomada antolatzea erabaki dute.
Lekorneko Garroa gaztelutik Ipar Euskal Herriko hiru herrietara lekualdatuko dute EHZ Festibala aurten. Ekainaren 29, 30 eta uztailaren 1ean zehar Baigorri, Baiona eta Itsasun egingo da jaialdia. Antolatzaileek aurtengo edizioaren izaera nomada azpimarratu dute, trantsizio urte bat dela nabarmendu asmoz.
22 urteko ibilbidea duen jaialdiaren gaineko gogoetan murgilduta ibili dira antolatzaileak duela hiruzpalau urtetik, eta iazko eguraldi txarrak eta honek eragindako arazo ekonomikoek aurten festibalik ez ospatzeko erabakia hartzera bideratu zituen. Ordutik proiektuaren gaineko gogoetarekin jarraitu izan dute, eta jendearen gogoetak jasotzen ere hartu dituzte lanak.
Hitzordua mantentzearen garrantzia azpimarratu dute gogoetan parte hartu duten askok, eta horregatik erabaki dute EHZ Nomada antolatzea, formatu berriarekin eskemak apurtzeko saiakera eta guzti. Denboran irauteko perspektiba berriak sortu nahirik dabiltzala adierazi dute antolatzaileek.
Azken urteetan bezala, belaunaldi eta gustu guztiei zuzendutako kalitatezko eskaintza oparoa proposatzeko xedea adierazi du EHZko antolakuntzak.
ARGIA festibalaren babesle eta laguntzaile da eta han izango gara: BTN bideopodcastaren atal berezia grabatuko dugu larunbat goizean,... [+]
Nola ezar euskara, gal-bidean, ahal-bidean eta zabal-bidean? Galdera horri ihardukitzen entseatuko da Mattin Irigoien Zabalik elkarteko kidea, ostegun honetan eskainiko duen mintzaldian.
Hitzaldi eta mahai inguruen aurrerapena ere egin dute: Palestinaren egoera, Europako paktua eta immigrazio legea, laborarien mobilizazioa edota festibal eta musikagintza ereduaren eztabaida, besteren artean. Ekainaren 28an, 29an eta 30ean izanen da festibala, lehen aldiz... [+]
Auhen, Janus Lester eta Old School Funky Family taldeak ere izango dira festibalean. Ekainaren 28an, 29an eta 30ean egingo dute jaialdia, Arberatzen. Hiru egunetarako bonu berriak jarri dituzte salgai.
Lehen aldiz festibala Amikuzeko Arberatze herrian ospatuko da. Ekainaren 28, 29 eta 30an izango da.
12.000 pertsona bildu ditu festibalak Irisarriko plazan eta belardian. Publikoaz gain, 500 laguntzaileen lana azpimarratu dute antolatzaileek.
27. edizioa ostiraletik igandera iraganen da Irisarrin. 2019az geroztik ziren bertan, baina garaia etorri zaie mugitzeko: "Ez dakigu oraino zein izanen den gure hurrengo geltokia. Baina segur gira EHZak segituko duela".