Atzerritarrentzako Internamendu Zentroaren aurkako mobilizazioa egin dute Bartzelonan
Bi mila pertsona baino gehiago hurbildu dira larunbatean Bartzelonako Zona Franca Atzerritarrentzako Internamendu Zentroaren (AIZ) itxiera eskatzeko mobilizaziora.
AIZ itxiko dugu zioen pankarta baten atzean abiatu zen manifestazioa, zentroaren ateraino iritsiz. “Inor ez da ilegala” oihuen artean, manifestazioak berrehun bat metro egin zituen ondorengo ekitaldia burutuko zen eszenatokira iritsi arte.
Mugimendu askotako elkarteek hartu zuten parte manifestazioan, bai etorkinen eskubideen inguruko eragileek, baita bestelako gaien ingurukoek ere, Hipotekak Kaltetutakoen Plataforma (HKP) kasu.
Polizia-lerro batek inguratuta, indarrezko deportazioetan eta etorkinen internamentu zentroetean hildako pertsonen argazkiak erakutsi zituzten manifestariek. Amaiera ekitaldian musika, dantza eta bestelako ikuskizunez gain, herri mugimenduetako eragileek hitza hartu zuten zentroaren itxiera eskatzeko.
Sandra Queraltó “Tancarem el CIE” (AIZ itxi) plataformako kideak Directa egunkariari adierazi dionez, internamendu zentroa izebergaren punta da: “Migrazio politika arrazista, zapaltzaile eta baztertzailearen erakusle argia da".
Erabakia Kataluniako Parlamentuan
Azken asteetan AIZ itxiko dugu izenpean kanpaina zabala egin dute Bartzelonan hainbat elkartek bultzatuta (AIZ itxiko dugu, SOS arrazakeria eta Migrastudium). Kanpaina honen bidez Zona Francaren gaia Kataluniako agenda politiko eta mediatikoan presente egotea lortu dute bultzatzaileek.
Kataluniako Parlamentuari zentroa isteko eskaria egin diote. Bi aste barru eginen dituzte AIZren modeloaren inguruko bozketak Parlamentuan, eta plataformaren eskariekin bat egiten dutela adierazi dute hainbat taldek, hala nola, ERC, ICV-EUiA eta CUP-AEk. PSC eta CDCren bozkak izanen dira erabakiorrak bozketan.
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]
Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]
Arrazakeria, diskriminazioa eta islamofobia salatu ditu langileak, eta Iruñeko Lan Ikuskaritzaren aurrean elkarretaratzea egin dute, SOS Arrazakeriak eta LAB sindikatuak deituta. Ikuskaritzak salaketa itxi du, eta onartu egin du Misericordia enpresaren argudiaketa, dioena... [+]
Donostiako Egia auzoan, azken hilabeteetan, bizilagunen artean segurtasunaren inguruko kezka handitu da, eta “beldur eta urduritasunak duen garrantzia aitortu eta sentimendu horiei lekua” egin behar zaiela aldarrikatu dute.