Askapenak 2017rako brigadak aurkeztu ditu 'Borrokak uztartzen' lelopean
Askapena erakunde internazionalistak 30 urte bete ditu aurten, “borrokak uztartzen” jarraitzeko asmo garbia adierazi du. Beste behin ere brigadak antolatu ditu “munduko prozesu emantzipatzaile ezberdinak ezagutu eta gerora Euskal Herrian ezagutzera emateko”. Apirilaren 16ra bitarte egongo da epea izena emateko.
Europan,azken urteetako dinamikarekin jarraitzeaz gain, hainbat leku berri iragarri dituzte. Herrialde Katalanetakoari Bretainiako ZAD herrixka autogestionatura eta Italiara antolatutako brigada berriak gehitu dizkiete aurten.
Aurten ere ez da faltako Palestina helmuga bezala, “palestinar erresistentzia ezagutu eta Euskal Herrian BDZ kanpaina zabaltzeko”. Bestalde, Abya Yala, Latinoamerikako hainbat herrialdetako prozesuen jarraipena egin, eta horiek bizi dituzten egoera ezegonkorrak ezagutzeko aukera emango du Askapenak; Argentina eta Uruguai, Bolivia, Brasil, Mexiko eta Venezuela izango dira herrialde horiek. Horiei, Kubarako brigada gehituko zaie aurten.
Aurkezpenak herriz herri
Iruñean emango diote hasiera aurkezpen kanpainari otsailaren 4an egun osoko egitarauarekin. Brigadista ohiek aurkeztuko dute kanpaina Zabaldin goizeko 11:30ean; 14:30ean bazkaria antolatu dute Arranon, eta amaitzeko, kontzertuak egingo dituzte 20:00etan. Kanpaina hori apirilaren erdi alde arte luzatuko da, eta Euskal Herri luze eta zabalean antolatuko dituzte aurkezpen lokalak.
Horrela, Euskal Herriko internazionalista guztiei dei egin diete haiekin batera brigadetan parte hartu, eta Euskal Herriko borrokak gainontzeko herrietako borrokekin uztartzeko.
Hiru militante euskaldun itsasoratuko dira Gazara bidean apirilaren 21ean, Turkiatik irtengo den Askatasunaren Ontzidian: Pili Revilla, Agur Gorbea eta Mikel Zuloaga ‘Mikelon’. Ostegunean hartu dute Bilbotik Istanbulera eraman dituen hegaldia, eta bi egun lehenago... [+]
Munduko dozenaka erakundek osatzen dute Askatasunaren Ontzidia eta bere helburua da 2007az geroztik Israelek Gazari jarritako blokeoa haustea. Iragan urriaren ondoren blokeo hori erabat areagotu da, eta flota horrek Gazara iristeko saioa egingo du datozen egunetan.
Herritarrok kalera irten gara behin eta berriro Palestinarekin elkartasuna adierazteko. Herriaren nahia argi utzi dugu. Hala ere, instituzioek gor eta tinko jarraitzen dute sionismoari arnasa ematen. Palestinar herriak sufritzen duen genozidioaren inguruko berriak (zaharregiak... [+]
Abenduaren 22an Azpeitiko herriko plazan egingo dute Gazako sarraskia salatzeko ekimena. Herritarrek bata bestearen atzetik irakurriko dituzte ahoz goran Israelek hil dituen dozenaka milaka palestinarren izenak.
Abya Yala historia zapalkuntzaz beteriko bizitza dela esan daiteke. Bertako aberastasun naturalek paper garrantzitsua betetzen dute munduko burgesiaren metatze prozesurako.