Arxuria mendian errepide bat eraikitzeko egitasmoak kexua piztu du Saran eta Zugarramurdin
Delta hegal eta parapente hegaladiak proposatzen dituen Bidasoa Arxuria Group enpresa pribatuaren onurarako eraiki nahi dute errepidea. Zugarramurdiko eta Sarako herritarrak eta hautetsiak aurka badira ere, errepidea egitearen alde bozkatu berri du Baztango Udalak.
Kilometro bateko errepide bat Arxuria mendian eraikitzearen alde bozkatu zuen Baztango Udalak irailaren 28an (EH Bildu izan zen aurka bozkatu zuen bakarra). Bozketak harridura eta haserrea eragin die Baztango Udalaren parte ez diren Sarako eta Zugarramurdiko herritar zein hautetsiei: "Baztango Herriko Etxeak ez gaitu ordezkatzen, baina proiektu honekin Zugarramurdiko eta Sarako herriak kaltetuak izanen dira, ez haiek". Beren iritzia kontuan hartu ez izana "errespetu faltatzat" eta "onartezintzat" jo dute Arxuria inguruko biztanleek.
Beren haserrea eta kezkak entzunarazteko prentsaurrekoa egin dute ostegun goiz honetan Zugarramurdin: errepidearen eraikitzeak, auto trafikoak eta mendi tontorreko delta hegal eta parapente joan-jinek kalteak eraginen lituzkete ingurumenean, Sarako eta Zugarramurdiko bizi kalitatean eta bertako nekazaritzan.
Enpresa pribatu baten onurarako
Delta hegal eta parapente hegaldiak proposatzen dituen Bidasoa Arxuria Group enpresa pribatuaren onurarako eraikitzeko erabakia ez dute onartzen. Gainera, harridura ere eragin die bozketak, Bidasoa Arxuria Groupeko buru Jorge Ibargoienek gibelera eginen zuela segurtatu zielako abuztuan: "Herritarrak ados ez bazaizte, ez dugu eginen". Egitasmoa aitzina doanez, mobilizatuko dira herritarrak. Lehen manifestazioa eginen dute Elizondon urriaren 21ean.
Sarako zein Zugarramurdiko Herriko Etxeek ere proiektua geldiarazteko bideak garatuko dituzte. Hala nola, Natura 2000 sailkatua izanik babestua da Arxuria mendiaren Sara aldeko mazela. Hori horrela, ingurumenaren eta bertako nekazarien lan baldintzen izenean, bertan lurreratzea debekatuko die Sarako herriko etxeak parapentistei eta delta hegalariei.
Turismoa masiboa
Zugarramurdik pairatu behar izaten duen turismo masiboa ere izan dute aipagai goizeko prentsaurrekoan. Errepide berri horrek egoera okertuko duela ohartarazi dute: "Turismo fluxu handi horiek gure mendietara hedatuko dira, Arxuriako kaskorat aise ailegatzea posible izanen baita. Gure herriak bizi duen inbasioa gure mendi, bidexka eta zerurat hedatuko da".
Duela hilabete inguru, unibertsitateko kide gizonezko baten liburu aurkezpenean ginela, egoera bitxi samarra gertatu zitzaigun. Ekologiari buruzko liburua zen eta erreferentzien artean hainbat pentsalari ekofeminista zeuden. Egileak, baina, inongo momentuan ez zuen aipatu... [+]
Oiartzunen nekazaritza bultzatzeko eta elikadura burujabetzarako bidean pausoak emateko sortu zen Lurbizi egitasmoa, 2016 urte inguruan. “Herritar talde batek denbora zeraman herrian nekazaritzaren eta lehen sektorearen egoera kaxkarraz hausnartzen”, adierazi du Ibon... [+]
Udako solstizioa gerturatzen ari den honetan, euskal kostaldean itsas dortokak ikusteko aukerak ugaritu dira. Gure uretan ezagunena Egiazko kareta (Caretta caretta) da. Ale helduen oskolaren batezbesteko tamaina, 120 cm-ko luzera zuzenera eta 200 kg-ko pisura irits daiteke... [+]
Arabako Errioxako udaberriak ez dauzkat ahazteko. Urte dezentetan harrapatu ditut sasoi horretako loraldi betean hango mahastiak eta harrigarria da; laburra da paisaia berria, baina iraupen motz horretan begien sabaia erretzen du eta ordura artekoak ahantzarazten.
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]