Ekofeminismoaz, motozerra eskutan

  • Duela hilabete inguru, unibertsitateko kide gizonezko baten liburu aurkezpenean ginela, egoera bitxi samarra gertatu zitzaigun. Ekologiari buruzko liburua zen eta erreferentzien artean hainbat pentsalari ekofeminista zeuden. Egileak, baina, inongo momentuan ez zuen aipatu pentsalari horiek feministak zirenik, eta, beraz, ez zion erreferentziarik egin pentsamendu-korronte ekofeministari. Aitortza falta horri buruz galdetu nionean, halako batean, "pentsalari femeninoak" aipatu zituen. Lanak izan nituen aurpegi neutroari eusteko. Noski, ulertarazi genion kontua ez zela pentsaera femeninoa zutenik (norbaitek ba al daki hori zer den?), baizik eta ikuspegi feminista zutela eta ez ziola horri aitortzarik egin.


2024ko ekainaren 17an - 05:00
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Oker horren atzean arrazoi asko egon daitezkeen arren, askotan kezka sortu didan kontu batera eraman ninduen ni. Ekofeminismoa, maiz, emakumeekin lotua izan da, eta emakumeak feminitatearekin. Beraz, ondorio logiko-ziztrin bati jarraika, ekofeminismoa eta feminitatea eskutik azaldu zaizkigu askotan. Ekofeminismoarekin lotu diren emakumeen balizko-berezko enpatia, naturarekiko gertutasuna, bizitzarekiko konexioa eta abarren zerrenda luzea datorkit burura. Edo amatasunak, ugalketa sexualak eta heterosexualak, eta familia nuklearrak ekofeminismoan hainbatetan izan duten zentraltasuna.

Horrek guztiak, besteak beste,  ekofeminismotik urrun mantendu nau urtetan. Nire egunerokoak zenbait ekofeminismoren ikuspegietatik oso gertu kokatu arren, ez dut sentitu feminitate horrekin identifikatzen ez garen pertsonentzat tokia zegoenik. Azken urteotan, baina, pixkanaka hainbat ekofeminismotara gerturatzen joan naiz, inspiratzaile izan ditudan irakurketen bidez, zein han-hemenka sortu diren ekimen eta ekintzen bidez. Bide horretan ulertu dut ekofeminismoa ez dela halabeharrez feminitatea eta berezko-balizko emakumetasun batekin lotu behar. Ekofeminismo batzuek ikuspegi esentzialista izan badute ere, denek ez dute izan, eta beste batzuen begirada interesatuak izan dira ekofeminismoa, orokorrean, ikuspegi partzial bakar horrekin lotu dutenak. Tamalez, horren ondorioz ekofeminismoaren eragin-esparrua mugatu da eta horrekiko mesfidantzak elikatu dira.

Baina ekofeminismoan edo horren bueltan bestelako praktika, diskurtso eta esperientziak ere aurkitu ditut eta aurki ditzakegu, inguruari parez pare eta arduraz begiratzeaz gain, feminitate heteronormatiboa hausten eta hortik askatzen lagungarri izan ahal zaizkigunak. Gure iruditegian azken horien falta dugulakoan nago. Duela hilabete batzuk kide nekazari batek galdegiten zuen zergatik ekofeminismoari lotutako ekimenetan ez zeuden motozerra-mekanika edo traktore-mekanika tailerrak. Non daude makinak erabiltzen dituzten emakume edo genero-disidenteak ekofeminismoaren iruditegian? Eta, non daude elkarbizitza eta zaintzak familiatik kanpo, era komunitarioan, eta bestelako animaliekin batera antolatzen dituztenak? Edo, Itoitzeko kableen mozketa ekimenaz harago, zenbatek entzun du zerbait borroka berean bi emakumeen artean egindako sabotaiei buruz?

Nire iritziz, ekofeminismoak biozida eta ekozida den sistema kapitalista, kolonialista, arrazista eta matxistari aurre egingo badio, sistema horren oinarri diren heteroarautik eta genero normatiboetatik at izango da. Badugu nondik edan horretarako, bai pentsamenduaren arloan, bai ekintzaren eta herri mugimenduen arloan; baina, nago, batzuetan, gure erreferentzia propioak identifikatzea eta aitortzea falta zaigula. Eta hori elikatzen ez dugun bitartean, pentsalari ekofeministak pentsamendu femeninoarekin nahasten jarraituko du askok eta askok.


Kanal honetatik interesatuko zaizu: Ekofeminismo
2024-07-15 | Amanda Verrone
Deserriratu egin gaituzte eta badakite

Gure bizitzan zehar, jaberik gabeko zenbat ibaitan bainatu gara? Senarrik gabeko zenbat baratzetatik elikatu gara? Zenbat hazi kreole lorarazi ditugu aitarengandik, osabarengandik edo anaia ezkongabearengandik heredatu ez ditugun lurretan? Azken batean, zenbat emakume ezagutzen... [+]


Traktoreen protestak hasi zirela bost hilabete
Zerekin egiten dugu amets? Elikagaien merkatu globalizatuan bira egiteaz harago

Bost hilabete bete dira otsailaren 6an traktoreen mobilizazioak hasi zirenetik. Mirene Begiristainek eta Isabel Alvarezek ekofeminismoaren betaurrekoak jantzita aztertu dituzte mobilizazio hauek eta fokutik kanpo geratu diren laborariak eta aldarrikapenak ekarri dituzte lehen... [+]


Zahartzaroak

Zahartzearekin aldaketa fisiologiko, emozional eta psikologikoak gertatzea unibertsala bada ere, horiek lurreratzeko modu materialak, sozialak eta pertsonalak ez. Maiz zahartzaroa singularrean deklinatzen da baina elikadura, energia, ura, hezkuntza edo osasun zerbitzuetara... [+]


Zein bizitza erdigunean?

Ekofeminismoak ekologismoa eta feminismoa artikulatzen dituen begirada eta borroka proposatzen ditu. Horrek irekiera interesgarria dakar, ekofeminismoaren garapenaren zati handi bat ardatz izan duena. Hala ere, irekitasun horrek erronkak eta konplexutasunak ere zabaltzen ditu,... [+]


Zaintza Sistema eta Continuum-a

Gaur egun, zaintza sistemen etenari buruz hitz egin dezakegu; izan ere, kontuan hartzen al dugu gaur egungo zaintza sistemako fluxu guztien Continuuma? Hau da, kontuan hartzen al da baliabide naturalen erabilera gobernatzen duten legeak, horiek sostengatzen dituzten... [+]


2023-10-30 | Amanda Verrone
Sorginen borroka lurraren alde

Zutabe hau esku askoren arteko ereitea da. Idatzi agroekologiko bat, ekofeminismoa sentipentsamendu feminista elikatzeko beste aukera bat bezala proposatzen duena. Uhin horrek lurren desjabetzea, naturaren suntsipena eta sexuen arteko harreman desberdintzailea lotu nahi ditu,... [+]


UEUko jardunaldiak
Ekofeminismoak konpos(t)atzen Euskal Herrian

Sumendi gune okupatua. Gasteiz. 2023ko ekainaren 29an. 9:00ak dira eta lehenengo partaideak ailegatzen hasiak dira. UEUko kideak, antolatzaileak, eta gertuko laguntzaileak dagoeneko espazioa txukuntzen gabiltza. Berehala egiten dugu espazioa gure, edo espazioak gu bere; erraza... [+]


Eguneraketa berriak daude