Macriren "eraso neoliberala" salatu eta argentinarrei elkartasuna adierazi diete sindikatu ugarik

  • Argentinan gertatzen ari denak “biziki larritzen” dituelako, ohar bateratua atera dute LAB, ESK, STEILAS eta Espainiako Estatuko hainbat sindikatuk. Macriren gobernua “eraso neoliberala” egiten ari dela uste dute, eta ondorengoa bilatzen duela: lan baldintzen prekarizazioa, gastu publikoaren murrizketa, sektore publikoaren pribatizazioa, eta honekin batera, askatasunen eta oinarrizko eskubide zibilen deuseztapena. Argentinako herriaren erantzuna azpimarratu nahi dute.

ARGIA @argia
2018ko urtarrilaren 10a
Protesta handiak izan dira neurriaren aurka.

17 orduko debatearen ondoren eta 8 botoko aldearekin, Argentinako Diputatuen Ganberak pentsio erreforma onartu du: alegia, pentsioak %13 murriztuko dituzte gutxienez, eta ezgaitasunengatiko laguntzak ere txikituko dituzte. Eskuinaren enbatari indartsu erantzun diote kalean: protesta handiak, lapiko-jotzeak eta  greba orokorra. Herrialdeko demokraziaren 34 urteetan izan den gatazkarik biolentoenak bizi izan omen dituzte, gas negar-eragileak, gomazko balak eta harriak tarteko.

Ondorengo sindikatu hauek dira ohar bateratua atera duenak: LAB, ESK, STEILAS, CUT Galiza, Intersindical Valenciana, Intersindical Alternativa de Catalunya (IAC), FSOC Canarias, CUT Aragon, Sindicat COS Països Catalans, Intersindical CSC de Catalunya, SAT Andalucia, Confederación Intersindical Galega (CIG), CSI Asturies eta Intersindical Canaria.

Jarraian oharra osorik irakurgai:

Estatuko nazio ezberdinetako sindikatuek iritzi publikoari Argentinan azken hilabetetan gertatzen ari denaren inguruko gure iritzia plazaratu nahi diogu, gertatzen ari den guztiak biziki larritzen gaitu eta.

Argentinako langile klasea, borrokaren bitartez lorturiko eskubide sozial eta laboralen aurkako eraso bortitza jasaten ari da. Egia bada ere, oraingo honetan, Macrik ordezkatzen duen eskuina boterera hauteskunde batzuk irabazi ondoren iritsi dela, gobernu honen politika ekonomiko eta sozialak eta hauek babesteko herriaren kontra erabilitako errepresio politiko eta militarrak, dikatadura batenekin antz handiagoa daukate.

Macri eta bere gobernua korporazio ekonomiko handien oligarkia finantzieroaren eta Estatu Batuak buru dituen potentzia handien inperialismoaren interesen menpe dago, eta ez du inolako zalantzarik izanen langile klase eta herri sektoreen eskubide sozial eta laboralen aurka jotzerako orduan. Berdin dio, kolpe militarren, Brasilen kasuan bezala kolpe judizialen bitartez edota Hondurasen kasuan bezala hauteskunde iruzurren  bitartez, beraien helburuak lortu arte ez dira geldituko.

Aipatzen ditugun adibide guztiak gehiegi dira hain denbora gutxirako. Alde batetik Maputxe herriaren kontrako errepresioa dago Patagonian, eta orokorrean jatorrizko herri guztien aurkako errepresioa. Errepresio honen ondorioz, azken hilabeteetan Santiago Maldonado eta Rafael Nahuel hil dira, eta erailketa hauen inguruko kudeaketa ikusirik, eta ikusita nola kudeaketa hau familiari eta iritzi publikoari informazioa izkutatuz egin den, gure buruetara iraganeko erregimenetako errepresio bortitza etortzen da, non botere politikoak etsai politikoak desagertarazi egiten baitzituen. Bertze alde batetik, Macriren gobernua egiten ari den erreforma ekonomiko eta sozial guztiak daude, aipatu bezala, langile klasearen eta herri sektoreen eskubide guztiak desagertarazi nahi dituztenak.

Ez dira errezeta berriak Macriren gobernuak aplikatu nahi dituenak. Egia erran neoliberalismo klasikoaren errezeta berdin-berdinak dira; Estatu Batuetan eta Ingalaterran 80ko hamarkadan, Argentinan 90eko hamarkadan, Europan 2008ko krisiaren ondotik eta orain, berriz ere Argentinan aplikatzen dituztenak, hain zuzen ere. Azken finean neoliberalismoak beti bilatu izan duenaren atzetik doaz: lan baldintzen prekarizazioa, gastu publikoaren murrizketa, sektore publikoaren pribatizazioa, eta honekin batera, askatasunen eta oinarrizko eskubide zibilen deuseztapena.

Eraso neoliberal honen aurrean Argentinako herriaren erantzuna azpimarratu nahi dugu eta noski, erantzun honen gidaritza eraman duten antolakundeen egindako lana ere. Eremu sindikal ezberdinetan antolaturiko herri eta langile klaseaz ari gara solasean, Argentinan gaur egun jokoan dagoenaren oso kontziente dena gainera.

Geldialdiak, manifestazioak, borroka egunak… guzti hauek errepresio bortitzarekin erantzuna direnak, eguneroko ogia dira azken hilabeteetan, bertan bizitzen ari den egoeraren adirazle garbiak hain zuzen ere.

Horregatik guztiagatik dokumentu hau sinatzen dugun sindikatuok gure elkartasuna helarazten diogu Argentinako herriari, herrialde horretako langile klaseari, eta erantzun herritar hau antolatzeko borrokan dauden sindikatuei. Nazioetako sindikatu borrokalariak zuen ondoan gaude, eta behar duzuen guztirako zuen ondoan egonen gara. Zoritxarrez Argentinan pairatzen ari zareten politikakn aurretik Espainiako estatuan ere aplikatuak izan dira, beraz ongi dakigu zer ari zareten jasaten. Beharrezkoa den toki guztietan gure elkartasuna adierazteko eta zuen ahotsa ahal dugun toki guztietara eramateko konpromisoa hartzen dugu.

Munduko langileriak pauso bat aurrera egitea beharrezkoa dela uste dugu. Elkartasuna ekintza militante bilakatu behar dugu; militantzia borrokatu antolatu batean eta antolakuntza herrien garaipenean. Gaur Argentinako langileen eta herriaren ondoan gaude gure betebeharra delako, baina baita ere jakitun garelako biharko egunean Argentinako herria gure ondoan egonen dela.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Globalizazio neoliberala  |  LAB  |  ESK  |  STEE-EILAS  |  Argentina

Globalizazio neoliberala kanaletik interesatuko zaizu...
Josu Jon Imazen (Repsol) ongi etorria Espainiako Gobernu berriari: ez igo zergak

Pedro Sánchezek Espainiako Gobernua hartzearekin, batek baino gehiagok gogorarazi dio duela hilabete eta erdi eskas aurrekontu “alternatiboak” plazaratu zituenean hitz emandakoak. Tartean, enpresei eta bankuei zergak igotzeko neurria dago, modu horretan gastu soziala ordaintzeko.


Vandana Shiva asteazkenean klima aldaketaren erronkez mintzatuko da Donostian

Fisikan Doktore eta gizarte eta ingurumen gaietan ekintzaile, gizateriak aurre egin behar dion egoeraren aurrean bere ikuspegia emango du, batik bat krisi klimatikoaren ondorio ekologiko, politiko eta sozioekonomikoen esparruetatik. Klima-aldaketa "planetaren gaixotasun metaboliko" gisa definitzen du klima-aldaketa , eta ekofeminismoa berriz, "biozibilizazio planetarioaren bidea" bezala.


Oaxakatarrei ekonomia berdeak bortizkeria iraunkorra eraman die

Mexikoko Oaxakan Tehuantepec istmoa bilakatu da munduko haize-errota parke handienetakoa, erregai fosilak kiskaltzea gutxitu gabe energia berriztagarrietan txapeldun agertu nahi duten korporazio handien erakusleiho. Ekonomia ustez berdeak hor erakusten du, ordea, itzalpeko aurpegi itsusia: natur baliabideen lapurretaz kexu diren herritarrei konpainiek, gobernuak eta militarrek intentsitate apaleko gerraz erantzuten die. Kontrainsurgentzia zaharraren aplikazio berriak.


'Negozioen sekretuak' babesteko aitzakiaz, alerta jotzaileak mututu

Herritarren oharkabean dator lege berria. 2016an Europako Parlamentuak gehiengo handiz onartu ostean, Frantziak bere legedira egokitu du martxoaren 28an eta laster eginen du gauza bera Espainiak. Enpresen sekretuak konkurrentziaren espioitzaren begiradatik babesteko idatzi dutela diote legegileek, baina herritarrak ohartarazten dituzten alerta jotzaileen lana isilaraztea du helburu kazetari eta ekintzaile askoren ustez. Lobbyek isilpean egin dute azioa orain ere.


Eta nola bizi behar dugu KFCren oilasko hego kurruskaririk gabe?

Behi zoroen krisia aspaldi ahazturik, oilasko jale zoroen larrialdia zabaldu da otsailean Britainia Handia eta Irlandako jendeen artean. KFC multinazionalak uharteotan dauzkan ia 1.000 jatetxe frankiziatuen bi herenek ateak itxi behar izan dituzte logistika arazo konponezin batengatik. Bertan jaten bezala etxerako otordua haietatik eramaten ohitutako milaka jende aste luzez ibili omen da noraezean. Elikadura industrial globalizatuak horrelakoak eragiten ditu tarteka.


Pekinek Mendebaldeari esan dio: "Ito zaitezkete zeuen plastiko zikinetan"

Urtarrilaren 1ean Txinak bete du 24 motatako hondakinen inportazioa debekatzeko erabakia. Biharamunetik Europan eta Ipar Ameriketan gainezka daude teorian birziklagarriak diren hondakinen biltegiak eta ez agintariek eta ez enpresek ez dute asmatzen epe laburrean zer egin, batik bat plastiko hondarrekin, mundu osoko zabor esportazioen erdia Txinak hartu baitu orain arte. Txinak ohartarazia zuen ez duela munduaren zabortegi izaten jarraitu nahi.


"L'Empire contre ATTAC" Parisen: Applek auzitegietan estali nahi ditu bere iruzurrak

Astelehenean zen, otsailaren 12an, epaiketaren eguna Parisko auzitegian: planetako multinazionalik erraldoienetakoa den Apple mugimendu altermundialisten ikurretakoa den ATTAC elkartea auzitegietan itotzen ahalegintzeko auzi saioa. Parisko goi epaitegiaren atarian militanteek “L’Empire contre ATTAC” antzeztu dute Stars War saileko film berri bat bailitzan, filmaren bigarren atalaren frantsesezko tituluaren hitzekin jolas eginez. Inperioa kontraerasoan datorrela, alegia…... [+]


Elitea %1 aberatsena? Mintza gaitezen ondoen bizi den beste %20az ere

2008an krisi handia lehertu zenetik, eta bidenabar Occupy Wall Street mugimenduak metropoli aberatsenetako plazak inarrosi zituenetik, asko zabaldu zen “geu gara %99” ideia, alegia piramide sozialaren gailurreko populazioaren %1 aberatsenak zanpatzen gaituela azpiko gainerako %99ak. Egia osoa pittin bat konplexuagoa da. Gizartearen piramidean garrantzia berezia daukate goiko %20 aberatsenek ere, azken hamarkadotako garapenari etekin gehien atera diotenek.


21 urte nahikoa dira! MME nekazaritzatik kanpora!

Merkataritzaren Munduko Erakundea eta Elikadura Burujabetza kontzeptu antagonikoak dira. Lehenbizikoaren helburua da urratsez urrats mundu osoan merkatu “libre” bat eraikitzea, baita nekazaritzan ere, ekoizpena oztoporik gabe eramateko munduko leku batetik bestera, produkzio-kostu txikienak dituen tokian kokatuz. Horren ondorioz, munduko eskualde bakoitza espezializatu egiten da bere testuinguruan merkeena den ekoizpena egiten. Lehiaketa horretan, ikuspegi sozialak, lokalak,... [+]


Eguneraketa berriak daude