Amiantoren biktimentzat konpentsazio-funtsa: oraingoan Madrilek baietz esango du?
Amiantoaren biktimen kalteak konpentsatzeko funts bat sortzea eskatu dute Eusko Legebiltzarreko ordezkariek Espainiako Kongresuan. Iaz antzeko lege proposamena onartu zuten erkidegoko ganberan, baina Madrilen atzera bota zuten. Oraingoan Kongresuko talde guztien babesa jaso dute.
Eusko Legebiltzarrak aho batez onartu zuen lege proposamena otsailaren 9an, eta Madrilen ere baiezkoa jasoko dutela uste dute. “Oraingoan bai”, adierazi du Jon Aiartza EAJko legebiltzarkideak, ostegunean “Kongresuko talde guztien babesa” jaso zutelako. Mariano Rajoy Espainiako presidenteak “eztabaidatzeko eta eraikitzeko” prest dagoela esan zuen, baldintza bakarrarekin: “seriotasuna”.
Iazko maiatzean antzeko proposamena egin zuten, baina Kongresuak atzera bota zuen, aurrekontuak handitzea zekarrelako. Oraingoan aldaketak egin dituzte testuan, gauza bera gerta ez dadin.
“Milaka langilek egin dute lan amiantoarekin, nahiz eta debekatuta egon”, gogorarazi du Jon Aiartzak, eta substantziaren kalteez ohartarazi du: “Larriki toxikoa da eta sintomak 50 urteren ostean ager daitezke”. Biktimek “zigor bikoitza” pairatzen dutela adierazi du, osasun kalteez gain tribunaletan “kalbarioa” bizitzen dutelako. “Kaltetuei zorra ordaintzeko eta injustizia hau zuzentzeko unea heldu da”, gaineratu du.
EH Bilduk “une historikoa” dela adierazi du, ganbera osoak bat egin duelako “hiltzaile isil” horren aurka. Oraingoan “itxaropenerako bide bat” zabaldu zaiela aitortu du Jon García Asiviameko bozeramaileak, eta gaineratu du: “bada ordua dagokiguna geureganatzeko”.
Enpresa batzordeak salatu du otsailaren 26tik martxoaren 3ra bitartean amiantoa agertu zela labe kalibratzailean egindako obretan eta egun horietan lanak ez zirela eten. Enpresak azaldu du ohartu bezain pronto hartu zituela neurriak.
Jose Mari Esparza idazle, editore eta ekintzaile menderaezinak bere lanerako txokoan hartu gaitu, Altaffaylla Kultur Elkartea eta Txalaparta argitaletxearen sorlekuan, liburuz inguraturik. Gaztetan 20 urtez aritu zen Luzuriagaren Tafallako fabrikan lanean eta orain berriki... [+]
Beasaingo tren lantokiko hiru nabe amiantoz kutsatuta zeudela jakin eta berrogei egunetara agerraldia egin dute Eusko Legebiltzarrean langileen eta erakundeen ordezkariek. Enpresa Batzordeko kideek salatu dute zuzendaritzak informazio "erabat eskasa" eman diela. Eusko... [+]
Laugarren dibisioko zortzigarren nabean egin diren desmuntaia lanen ondoren gertatu da amianto kutsatzea eta legez onartuta dagoena baino altuagoa izan da neurketaren emaitza. Langileei hartutako sei laginetatik lauk positibo eman dute.
Europar Batasuneko erakundeek adostuta, amiantoaren inguruko zuzentaraua aldatu eta minbizia sortzen duen mineralarekiko gehienezko esposizio-maila murriztu dute ekainean. Horretarako, funtsezkoa izan da Nantesen Tripode izeneko eraikinean frantziar administrazioko langileek... [+]