Hamaika egun ez, urte osoa hartu dute hernaniarrek euskaraz egiteko

  • Hernaniarrek errodajea dute, eta 2018ari begira pentsatu dute ez direla udazkeneko hotzen zain egongo. Urte osoan saiatuko dira 24 orduz euskaraz egiten. Euskara Ari Du elkartea sortu berri dute horretarako.

Urumeako Kronika
2017ko abenduaren 06a
2018ko erronkaren aurkezpen ekitaldia. Argazkia: Euskara Ari Du elkartea.

Urumeako kronikak, abenduaren 2an, hernaniarren egitasmoaren berri eman zuen, proiektua aurkeztu zuten egunean. Ondoko lerroetan egitasmoa azaltzen duen erreportaje haren zati bat duzue.

Ekimen iraunkorreko proposamena

Pasa den urteko ekimenean 6 astez euskeraz bizitzeko deia egin zuten. Hel­burua zen "euskaldunek euskeraz bizi­tzeko aukerak badituztela eta euskeraz bizitzeko aukera uste baino haun­diagoa dela ikusarazi edo sen­tiaraz­tea", adierazi dute ekime­naren hiru kideek, Juanmari Larrartek, Axun Larburuk eta Joxe Artolak. Ekimenak harrera ona izan zuen, eta baita arrakasta ere. Baina nola gainditu ekimen edo kanpaina puntualak egin eta euskera erabiltzera eta ikastera bideratuko duen ekimen soziala? Bada, iraun­kortasuna bilatu nahi duen egitasmo bat planteatuz. 

"Erronka luze honekin, etena hautsi nahi da; aurreko urteko sei astetako jarraipena izan nahi du", dio Euskara Ari Duk.  Eta hortik aurrera, "bidea luzatzea da helburua; herritarren bizitzan egonkortzea nahiko genuke, euskeraz egitea ohitura bat bihurtuz eta kan­paina baten baitan gaudela ahaztuz".

Hernani, aitzindari

Ideia berritzailea da, beraz, Euskara Ari Du elkarte sortu-berriak herritarrei gaur (abenduaren 2an) eskainiko diena: "Hernani izan­go da aitzindaria Euskal Herrian". Beraz, aurreneko aldiz proposatuko da horrelako erronka bat. Aurreikusitakoaren arabera, urta­rrila bukaera, otsaila hasiera aldera aurkeztuko dituzte euskerari eutsiko dioten aurreneko 100 hernaniarrak. Eta ordutik aurrera, hilero-hilero lekukoa aldatzen joango dira: "hasieran, 100 lagun izango dira, eta hilero beste 100 batuko dira; hortaz, abenduan 1.200 hernaniar arituko dira desafio pertsonal honetan".

"Apustu" gisa deskribatu dute Euskara Ari Du egitasmoa osatzen du­te­nek, eta "dibertigarria" izatea espero dute. Erronkari nolabaiteko ikusgarri­tasuna eta bizitasuna emateko, aurre­ko urtean bezalaxe, lekuko­tasuna esku batetik bestera pasatzeko ekitaldiak egingo dira, baita ere.

Norbanakoen desafioa

2018rako aurkeztu duten erronka, "norbanakoen desafioa" izango da; iaz taldeek, familiek, koadrilek... parte hartu zuten, baina oraingoan, espe­rien­tzia pertsonaltzat hartuko da. "Ohitura batzuk aldatzea da kontua; bakoitzak erabakiko du noiz eta zer egin dezakeen horretarako", azpima­rratu zuten. Eta dei berezia egin nahi diete hitz egin ez, baina euskera ulertzen du­te­nei; izan ere, "ulertzea ere bada hizkuntza erabiltzeko modu bat".

Horren bueltan, nabarmendu zuten pentsatzen dugula "erderaz egiten duenak, ez duela eus­keraz ulertzen". Hain zuzen, iner­tzia horiek hausteko deia egiten dute.

Ikastaroak, ekintzak... denetarik urtean zehar

Bestalde, "herrian mugimendua»" sor­tzea nahi du ekimenak, hori dela eta, otsa­ile­tik aurrera, beste hainbat ekin­tza burutzeko asmoa ere azaldu dute: ikastaroak, ekintza desberdinak...

Euskaraldiarekin, bukaera urteko erronkari

Honekin guztiarekin Hernanik beste pausu bat eman nahi du euskeraren erabileran, urte osoko erronka hone­kin. Eta buka­tzear denean, hain zuzen, Euskal Herri osoan hedatuko den Euskaraldiarekin egingo du bat.

Abenduaren 2an, aurkezpen ekitaldian irakurritako testua helbide honetan aurkituko duzu.

Albiste hau Urumeako kronikak argitaratu du eta CC-by-sa lizentziari esker ekarri dugu ARGIAra.

Kanal hauetan artxibatua: Egia eredua  |  Euskararen erabilera

Egia eredua kanaletik interesatuko zaizu...
"Lapurdi kostaldean hirigintza ereduak hizkuntza politikak baino askoz eragin handiagoa du"

Eneko Gorri (Angelu, 1983) euskaltzale militante izateaz gain Biarrizko Herriko Etxeko euskara teknikaria da. Lapurdi kostaldeko hirigintza ereduak euskal hiztunen bilakabidean duen eragin handiaz ohartarazi nahi izan gaitu: “Biarritzek hamarrez biderkatuko balu ere euskarari ematen dion aurrekontua ez luke eragin handia izango hemendik 50 edo 100 urtera”. Jendarte ereduak eredu, euskaltzale-izokinak ur xaloagoetara iritsiko direla sinesten du.


Aurten badakigu zer egin Euskararen Nazioarteko Egunean

Aurten gehiegi pentsatu beharrik ez dago, zer egingo dugu bertso saioa, ginkana, txokolate jana, mosaikoa, lipduba? Horiek ere egingo dira, baina herri dezentetako herritarrek eta euskalgintzak motorrak berotuta dituzte. Kalera aterako dira egun osoz euskaraz egiteko asmoz.


2017-11-23 | ARGIA
Euskal Herrian hamaika egunez euskaraz aritzeko egitasmoa abiatu da

Sustatzaile nagusi Euskaltzaleen Topagunea eta Eusko Jaurlaritza ditu. Xedea 2018ko udazkenean Euskal Herriko txoko guztietan herritarren hizkuntza ohiturak aldatzeko praktikak egitea da.


Derioztarrek 70 establezimenduren atxikimendua lortu dute euskaraz egiteko

Establezimenduen zerrenda egin dute euskaraz aritzeko duten gaitasunaren arabera. Udazkenean, beste herri askotan bezala, derioztarrak “ahobizi” eta “belarriprest” bilakatuko dira.


Oarsoarrak Komunitatea giroa berotzen ari da 2018ko "Euskarak 365 egun" ekimenerako

Errenteria, Oiartzun, Pasaia eta Lezon 110 lagunek konpromisoak hartu dituzte euskara erabiltzeko.


2017-10-16 | Miren Osa Galdona
Zazpi egunez euskaraz bizitzeko ekimena jarriko dute martxan Baionan, Angelun eta Miarritzen

Baiona, Angelu eta Miarritze artean egingo dute ekimena, azaroaren 27tik abenduaren 3ra bitartean. 450 hiztun mobilizatu nahi ditu BAM ekimenak. Antolatzaileek euskaraz “naturaltasunez eta alaitasunez” aritzeko deia egin dute.


2017-10-13 | Aiaraldea.eus
6.000 aiaraldearren aho eta belarriak aktibatu nahi dituzte euskararen alde

Ekimen berria du Aiaraldeko Euskalgintza Kontseiluak esku artean: 1.000 ahobizi eta 5.000 belarriprest “armairutik" ateratzea. Euskaraz hitz egiten dakitenen eta hizkuntza ulertzen dutenen arteko zubiak eraikitzea da egitasmoaren xedea. Astebeteko lau txanda egingo dituzte horretarako, herriz herri.


"Egitasmo honek gizartean ez ezik erakunde publiko guztietan izango du isla"

Eusko Jaurlaritzako Hizkuntza Politikarako Sailburuordetzak eta Topaguneak hitzarmena sinatu dute. 2018an, Euskararen Egunaren bueltan, egitasmo bat egin nahi dute Euskal Herriko ahalik eta herri gehienetan. Egitasmoaren izenak zehazten du helburua: Euskarak 365 egun: hizkuntza ohiturak eta gizarte aktibazioa Euskal Herrian eta elkarrekin lantzeko proposamen berria. Estibaliz Alkorta HPSko Euskara Sustatzeko zuzendariari eskatu diogu egitasmoa azaltzeko.


2017-09-19 | Uriola.eus
Deustualdeko euskaldunek 11 egunez euskaraz bizitzeko konpromisoa hartuko dute

Hamaika egunez euskaraz ekimena aurkeztuko dute gaur Berbaizu euskara elkarteko kideek. Azaroaren 23tik abenduaren 3ra, "Deustualdeko euskaldunak aktibatuz hizkuntza-ohiturak iraultzea" helburu du ekimenak.


Euskaldunak aktibatzeko ekimena antolatzen ari bazarete gida hau irakurtzea komeni zaizue

Donostiako Bagera elkarteak informazio bilketa lana egin du. Batetik, hizkuntza ohituretan eragiteko hamar esperientzien berri jaso du, eta bestetik, halako zerbait egiteko gogoz direnentzat gida prestatu du.


Azkenak
EGILEA
Eguneraketa berriak daude