25.000 galiziarrek salatu dute Xuntaren hizkuntz politika
Azken urteotako manifestazio jendetsuena izan da igandean Queremos Galego plataformak deituta Konpostelan egindakoa. 25.000 lagunek Xuntaren hizkuntza-politika salatu eta galegoz normaltasunez bizitzeko eskubidea aldarrikatu dute. Galiza Contrainfo proiektuak sareratu du bideoa.
2009an Alberto Núñez Feijoó PPko hautagaiak Xuntako agintea hartu zuenetik, gobernuak bultzatutako hizkuntza-politikaren aurka makina bat mobilizazio izan da Galizian.
Datu soziolingustikoek erakusten dute galegoaren panorama geroz eta ilunagoa dela, eta hainbat gizarte eragile eta alderdi politiko joera hori aldatzeko lanean ari dira buru-belarri.
Gazteak ez dira galegoz mintzo
Galiziako Estatistika Institutuak (IGE) iazko abenduan plazaratutako datuek erakusten dutenez, 2013an 15 urtez azpiko lau galiziarretik batek besterik ez zuen normalean galegoz hitz egiten. Are gehiago, 5 eta 14 urte arteko haur eta gazteen %22k aitortu zuen deus ere ez zekiela galegoz, Xosé Manuel Pereiro El País egunkariko kazetariak nabarmendu duenez.
IGEren datuak grafiko argigarri hauetan bildu ditu El Paísek:
O Festigal jaialdian elkartu dira Euskalgintzaren Kontseilua eta katalanaren eta galizieraren aldeko hainbat erakunde eta elkarte. Bertan egin dute eskaera, eta hizkuntza gutxituen normalizazioaren aurkako “oldarraldia” gertatzen ari dela salatu dute.
Galizieraren defentsarako eta erabilera bultzatzeko mobilizazioak arrakastatsuak izan direla adierazi du Queremos Galego plataformak, eta Galiziako Xuntari hizkuntzarekiko konpromiso gehiago izatea eskatu dio.
Galizierazko Letren Egunean sortu da Mastodon.gal, galiziar hizkuntza eta kulturaren komunitatearentzako Mastodon instantzia. 1963ko maiatzaren 17an ospatu zuten lehen aldiz, Rosalia de Castrok Cantares gallegos liburua argitaratu zuela 100 urte betetzen zirelako. Gaurtik... [+]
Lagunarekin galizieraz ari zelako gizon batek besoetatik heldu eta demanda egin ziola salatu du emakume batek Lugon. Poliziak erasotzailea identifikatu du dagoeneko. “Gure herrian gure hizkuntza hitz egiteagatik beldur izatea nahi dute, baina ez gara geldituko”,... [+]
Urriaren 21ean, Bilboko Euskararen Etxean antolatu da mahaingurua, Ondarearen Europako Jardunaldien barruan: “Bizkaiko hizkuntza aniztasuna eta euskararen balio integratzailea”. Urriaren 21ean da hitzordua, 19:00etatik aurrera.