Dagoeneko 68 lagunen gorpuzkiak atera dituzte lurpetik legealdi honetan.
Artazuk 2016. urtean ezarri zuen monolitoaren aldamenean zeuden hobiratuta bi gorpuak, eta Nafarroako Gobernuak azaldu duenez ez dakite nongoak ziren bi pertsona horiek. Jaso dituzten lekukotasunen arabera, 1936ko irailaren bukaeran erail zituztela uste dute.
Gorpuzkiak lurpetik ateratzeko lanak igandean egin zituzten Aranzadi Zientzia Elkarteko teknikariek, Nafarroako Gobernuko Bakearen, Bizikidetzaren eta Giza Eskubideen Zuzendaritza Nagusiarekin sinatuta duten hitzarmenaren baitan.
Bi hauekin, dagoeneko 68 dira legealdi honetan lurpetik atera dituzten gorpuzkiak. Hamasei deshobiratze egin dituzte eta hogei prospekzio, Nafarroako Gobernuak bere oharrean jakinarazi duenez.
Joan zen maiatzaren 6an 1936ko kolpe militarraren beste bi biktimaren gorpuak atera zituzten, kasu horretan Iberon.
Andatza mendia memoria leku bihurtu zuen Usurbil 1936 elkarteak apirilaren 13ko birsortze historikoan. Herritarren lan boluntarioarekin berreskuraturiko lubakiak antzezleku bihurtu ziren egun batez. Gerraren eraginez Usurbilen jazotakoak elkarbanatzeko enegarren ekimena izan da.
87 urte bete dira ostiral honetan, 1937ko apirilaren 26an abiazio faxistak Gernika bonbardatu eta sarraskitu zuenetik. Urtero legez ekitaldi andana antolatu dute erakunde eta eragile sozialek. Tartean, pasealekuan eta Astra fabrikan dauden sirenak martxan jartzea.
Joseba Asiron alkatearen aurkako irainak margotu dituzte EH Bilduren egoitza batean.