Hertzetan musika emankizunaren hirugarren saioan Aguxtin Alkhat armendariztarra izan da gonbidatua, Xan Bidegain, Julien Labat eta Pierre Sangla musikari lagun. 2013an argitaratu zuten sei kantuz osatutako “Ihes Egin” EP-a Usopop kolektiboarekin. Berriki “Haizeen Meneko” disko luzea aurkeztu dute. Folk eta rock estiloak aipatzen dituzte haien musika definitzeko, kantagintza tradizionalaren eragin argi batekin.