O comité de empresa de Produtos Tubulares de Trapagaran, en folga indefinida desde o 8 de marzo, reuniuse este mércores coa dirección da empresa. Na empresa, que ten un persoal de 430 traballadores, queren despedir a 157. A dirección expuxo unha rebaixa do 25% no soldo aos traballadores que queden e un aumento anual das horas de traballo de 1.680 a 1.704.

Os traballadores de Produtos Tubulares mostraron o seu malestar polas decisións da dirección e concentráronse este xoves pola mañá fronte á sede de Tubos Reuinidos en Bilbao. Algúns manifestantes conseguiron entrar no edificio e achegáronse ás portas das oficinas da dirección da empresa. Tubos Reunidos denunciou que se escoitaron berros de "ameazas e insultos" e unha actitude "agresiva".

O sábado os traballadores manifestaranse en Sestao, á altura dunha empresa dedicada á fabricación de material para Produtos Tubulares.