Etxegabetzeen aurrean, irabazteko antolatu
Azken egunak garrantzi handikoak izan dira Bartzelonan, etxebizitzaren aldeko mugimenduarentzat eta espekulatzaileen aurkako borrokarentzat. Urtarrilaren 28an, polizia-armada batek Raval auzoko Massana Zaharrari [zentro sozial okupatua] eraso egin zion goizaldean, aurrez abisatu gabe, Bartzelonako Udalak antolatutako tranpa juridiko baten bidez. Tranpa horri esker, “herri-kontrolpeko espazio” hori osatzen duten erakundeei jakinarazteko legezko betebeharra saihestu zuten. Albert Batlle udaleko errejidoreak, Jaume Collboni alkatearen taldeko hegal gogorrena denak, 40 urte baino gehiago daramatza kargu publikoan, eta aurreikusi zuen horrela ez zela gatazka agerian jarriko. Ziurtatu zuen “espedientea itxi” besterik ez zela egingo. Battleren ilusioa apurtzeaz arduratu ziren, ordea, ehunka manifestari goizean, gorputzekin eta beldurrik gabe aurre eginez Guardia Urbanoaren eta Mossos d'Esquadraren lerroei –80 urteko batek lesioak jasan zituen borra kolpeen ondorioz–, eta milaka arratsaldean, ordu batzuez Rambletako bake turistikoa hautsiz. Hurrengo egunean errejidoreak eraikinaren fatxada koloretsuaren gainean pintura grisa jarri zuen, errealitatea ukatu nahian. Gazte Antolakunde Sozialistako –espazioko entitateetako bat– bozeramaile batek ohartarazi zuen beren borroka iraupen luzeko lasterketa dela, eraikin bat galdu dutela baina helburua kapitalismo espekulatzailearen aurkako iraultza dela. Energia eta denbora asko dute aurretik Massana Zaharreko gazteek; Batlle jauna naftalina usaintzen hasi da.
Auzotarren determinazioak, Maizterren Sindikatuaren laguntzak eta ehunka pertsona eta eragilek borrokan bat egiteak historiaren bilakaera aldatu dute
Bi egunera, egutegia letra potoloz markatuta zegoen: Bartzelonako Eixample barrutiko Casa Orsola eraikineko bizilagun Josep Torrent etxegabetzeko saiakera. Maizterren Sindikatuak erronkatzat hartu zuen: hiriko etxebizitzarako sarbidearen etorkizuna Calabria kaleko eraikin hartan erabakiko zen. Eta hala izan zen. Lioness Inversiones higiezinen sozietatearekin ez ezik, Kataluniako patronalarekin ere ari ziren eztabaidan. Foment del Treball-ek [Kataluniako patronal nagusia], errentarien eta espekulatzaileen ordezkari gisa, Via Laietana kaleko egoitza handitik, komunikatu batean ohartarazi zuen ekintzaileek borroka irabaziz gero jabetza pribatuaren eskubidea arriskuan egongo zela Bartzelonan.
Duela hiru urtetik jasan dute Torrentek eta eraikineko beste hainbat bizilagunek kanporatze saiakera. Egun dituzten 700 edo 800 euroko alokairu kontratuak 2.500 edo 3.000 eurora pasako lirateke, sasoiko alokairu formatuan, turistei eta enpresa handietako exekutiboei zuzenduta. Irabazi-negozioa, topera. Auzotarren determinazioak, Maizterren Sindikatuaren laguntzak eta ehunka pertsona eta eragilek borrokan bat egiteak historiaren bilakaera aldatu dute. Urtarrilaren 31n epaitegiko segizio batek exekutatu behar zuen etxegabetzea, baina ez ziren atera ere iritsi. 2.000 pertsona baino gehiago zituzten zain espaloietan, eta dozenaka ari ziren oso zail jartzeko prestatzen teilatuan. Bitartean, La Llogatera TVko sei telebista kamerak zuzenean eman zuten erresistentzia, sare sozialen bidez. Goizeko lehen orduan 30.000 pertsona ari ziren jarraitzen pantailen bidez. Etxegabetzea bertan behera geratu zen bideraezina zelako, eta hiru egun geroagoko goizaldeko bostetara atzeratu zuten, baina elur bola martxan zegoen. Argi zegoen hitzordu berrira milaka pertsona joango zirela. PSCk ahal zituen fitxa guztiak mugitu zituen saihesteko beste #EfecteCanVies bat edo Urquinaonako borroka bat. Casa Orsolaren jabeak orain iradoki du eraikina salduko duela, eta dagoeneko garaipenaren usaina sumatzen da aktibismoaren artean. Irabazteko, antolatzeko borondatea erdigunean jarri den egun batzuetako lezioak.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Duela gutxi, asteburu berean, Ertzaintzak bi salaketa jaso ditu: lehenengoa, emakume kolonbiar batena; lekukoen arabera, ertzainak kolpeka jarraitu zuen lurrera bota ondoren eta konorterik gabe zegoela; ospitalean garuneko edema eta paralisi partziala diagnostikatu zizkioten... [+]
Frantziskok "Franciscomanía" zeinuarekin hasi zuen bere Aitasantutza. Fenomeno soziologiko horri esker, Vatikanoko boterearen zirrikituak aldez aurretik ezagutzen ez zituen gaztetasunaren ikono eta Elizako aldaketa-haizeen intsuflatzaile bihurtu zen.
Era berean,... [+]
Euskal Herriko Mugimendu Feministak aurtengo Martxoak 8ko mobilizazioak "faxismoaren, erreakzionarismoaren eta zapalkuntzaren aurkako aliantzak" ehuntzean ardaztu ditu.
Kepa Kortak Naiz-en idatzitako “Musikariaren jakituria” artikuluan faxismoa definitzeko... [+]
Harea-erloju baten bidez irudikatu ohi da denboraren joana. Ospatu berri dugu Saharako Errepublika Arabiar Demokratikoak 49 urte bete dituela iragan den otsailaren 27an. Urte hauetan guztietan, harearen pisuak ez du oraino estali Saharako populuaren askatasun-nahia eta... [+]
Datorren udaberrian, Stop AHT Zundaketak ekimenak bi urte beteko ditu. 2023ko maiatzean, ADIFek Itza, Sakana eta Goierriko udalei jakinarazi zien zundaketa geoteknikoak eta beste jarduketa batzuk egingo zituela AHTaren Nafarroako korridorea Euskal Y-arekin lotzeko alternatibak... [+]
UEMAk Telegram bidez banatzen duen “Euskararen Hemeroteka” kanalean honoko titularrak irakurri ditut bata bestearen atzetik: “Gipuzkoak euskararen aldeko bide-urratzaile izateko ardura hartu du”, eta jarraian “Udaltzainen hizkuntza eskakizunen... [+]
Azken asteetan zenbait unibertsitatetako ate irekien jardunaldietara joateko aukera izan dut. Semea aztertzen ari da zer ikasiko duen datozen urteotan eta, erabakia hartu aurretik, komeni da aukera guztiak begiratzea. Unibertsitate bakoitzak badu bere misioa, bere izaera, bere... [+]
Ez dira gutxi azken boladan euskara bere onenean ez dagoela eta bere transmisioa bermatuta ez dagoela ohartarazten ari diren ahotsak. Bestetik, inork ez du ukatzen hezkuntzak ezinbesteko betebeharra duenik euskara eta euskal kulturaren biziraupenerako. Erronka estrategikoa... [+]
Ongi etorria eman digu Unai Mendizabalek A eredutik D eredura aldaketa egitea erabaki dugulako Judimendi auzo eskolan. Bidea malkartsua izango dela ere ohartarazi digu Armentia Ikastolako guraso eta Arabako Ikastoletako lehendakariak. Gure esker ona adierazi nahi diogu eman... [+]
Iazko udan ere Alacant aldera hurbildu ginen eguraldi hobea aurkitu nahian eta, urtero bezala, egun batez, Benidorm erraldoian sartu ginen hango giroan murgildu, zerbait hartu eta seme-alabekin izozki edo gofre bat dastatzeko asmoz.
Hiri bitxia da, denetarik aurki dezakezu... [+]
Bost urte igaro dira pandemiaren hasieratik. Pandemia horrek ekarri zuen denok zaintza eredua ezagutzea, inondik inora ere behar bezala ez zebilena. Egoitzetako kutsatzeen eta hildakoen datuak, batez ere pribatuetan, zifra hutsak baino askoz gehiago izan ziren.
2020ko... [+]
Duela aste batzuk, gurean egon ziren El Salvadorko eta Kanarietako emakumeen eskubideen aldeko hainbat aktibista. Sexu- eta ugalketa-eskubideez eta eskubide horiek urratzeak emakumeengan dituen ondorioez aritu gara; hala nola El Salvadorren berezko abortuak izanda homizidio... [+]
Tasa edo zerga turistikoaren eztabaida urtetan luzatzen ari da, erakunde publikoetan ordezkaritza duten indar politikoen artean zabala den arren ezarri beharraren gaineko adostasuna. Eztabaidetako bat da zerga hori zein erakundek kobratuko duen: zenbait udalek (tartean... [+]
Ba al dakizue frantses batzuk harritu egiten direla mugaren alde honetan ere euskaldunak bagaudela jakitean? Ba bai, harrigarria bada ere, behin, Donostian, frantses batzuei entzun nien sinetsi ezinik beren buruari galdetzen: “Saint-Sébastien est au Pays... [+]