Koherentziaren ordaina
Debagoienan izan den hardcore talde bakarrenetarikoa da Fly Shit. Asmo handirik gabe eta egiten dutenean erabat sinistuta; presak estutu gabeko, eta era berean, etenik gabeko ibilbide sendoa daukate bizkarrean. Are gehiago, ez dute inoiz kontzertu txarrik eman, ezta soberako pausorik ere.
Gaztetxeen, etxe okupatuen eta autogestioaren bidean eta testuinguruan beti, hardcorea sasoiko mantentzeaz gain, berau dotoretu eta aberastu dute 30 urteotan egin duten lan bakoitzean.
Abesten dutena bizi dute erabat, eta bizitzak uzten dizkien zirrikituak baliatzen dituzte gustukoen dutena egiteko: grabatzeko eta zuzenekoak emateko.
Lanak eta koherentziak ordaina dute –edo beharko lukete!– eta, nolabait, horren opari gisa hartu dute Brot Bord talde katalanarekin erdibana osatutako diskoa kaleratzea Kataluniako Kasba Musik zigiluak. Biak ala biak lan berria aurkezten dabiltza gustura Euskal Herrian, Katalunian eta bizitzako agendek aukera ematen dieten beste hainbat tokitan.
Pausoz pauso hazten ari da Bergarako laukotea; hardcorean gero eta esparru gehiago arakatzen eta gozatzen ditu. Lan honetan sei kantu berri batu dituzte. Elkarrekin egin dezagun pieza aberatsarekin hasi dute diskoa, zeinak erakusten duen taldeak aurreiritziak aspaldi uxatu zituela, abestiak lau minutu eta erdi pasako iraupena baitu. Post-hardcorearen onena daraman intro berezia dauka, tempo erdiak, eta malenkonia eta ezinaren arteko garraztasuna puri-purian. Jarraian dator Hitzak, eskola zaharreko hardcore-punk azkarra, pasarte melodikoak ere uztartzen dituena. Esnatu lozorrotik-ek badu ia metaleroa duen pisua –neurtua–, eta pieza indartsu bezain jostari egiten duten riff eta erritmo bereziak. Sumina tempo erdiak, ia rapeatuak, eta erritmo askeagoak batzen dituen hardcore pieza da. Eta bukatzeko Fugazi musika talde handiaren Merchandise euskarara irmo ekarrita.
Brot Bord taldea ezin aipatu gabe utzi. Kataluniako beterano batzuek osatutako taldeak melodia nabarmentzen den hardcore-punk-rocka egiten du, malenkoniatsua.
.jpg)
Dirudienez
Karma
Autoekoizpena, 2025
--------------------------------------------------------
Mugatzat ez badugu ere, muga da askotan Bidasoa; kulturala, informazioarena… Eta beste aldekoa urrun gelditzen zaigu. Bada, gogoa eta laguntasuna dira muga apurtzaile... [+]
XAK
Xak
Mukuru, 2025
---------------------------------------------------------------
Entzun baduzu eta ez bazaizu sobera sartu, esango nizuke: entzun berriro. Nire urteko disko kutunena izango dena egin berri du Paxkal Irigoyen baxenabartarrak, oraingo honetan, XAK... [+]
It's on
JOHN DEALER & COCONUTS
Ghost Highway, 2025
------------------------------------------------------
Adin batetik aurrera kontzertuak, diskoak eta kantuak bizkarrean eta burmuinean pilatuta, eta musika entzuteko denbora murritzagoa bilakatuta, taldeak bilatu... [+]
Esperoan
Hiuzz
Autoekoizpena (egun motelak kolektiboa), 2024
Ohartu gabe igarotzen diren taldeen multzoa gero eta handiagoa da, edo inoiz baino handiagoa, behintzat. Hiuzz taldearen Esperoan lanak hilabete batzuk... [+]
Obducción de la Amenaza / Zirt Zart (Split-ep)
2024
---------------------------------------------------
Musika panorama erraldoia da, helduezina. Horien artean badira foku guztiak bereganatzen dituzten talde handi gutxi batzuk; horren nahian diharduten beste asko,... [+]
Poliorkêtês
Kerobia
Autoekoiztua, 2025
--------------------------------------------------------
Azken aldian, lerrootan asko nabil hausnartzen musikak izan beharko lukeen “misio historikoaz” eta abarrez. Eta, nolabait, zer egin beharko lukeen... [+]
Antifa hardcore
Lee-Kore + Hoben
Autoekoizpena
---------------------------------------------------------
Tamalez ez da ohikoa Arrasaten hardcore kontzertuak egitea, bestelako musika eszenak nagusitzen direlako. Hala bada, joan den larunbatean herriko gazte batzuen... [+]
Bizitza eztia
Verde Prato
Plan B Records, 2024
--------------------------------------------------------------
Ousmane Sembène zinemagile senegaldar ospetsuari galdetu zioten ea bere pelikulak Europan ulertzen ote ziren. Erantzuna, epikoa: “Izan gaitezen... [+]
Bidea da helmuga
Kokein
Balaunka, 2024
--------------------------------------------------
Eibarko rock talde beterano hau familia oso desberdinetako lagunek osatu zuten aspaldi eta ia fisurarik gabe hamarkadatan eutsi dio. Izan ditu atsedenak, gorputzak hala eskatu... [+]
Zuloa
Merina gris
Sonido Muchacho, 2025
-------------------------------------------------------
Euskal Herrian ez da orain arte horrelako musika elektronikorik egin. Esango nuke Merina Grisek historian euskaraz egin den elektronika eta hyperpop diskorik landuena egin... [+]
Bidai on bat
Braulio
Autoekoizpena, 2024
-----------------------------------------------------
Nik ez nioke talde bati Braulio izena jarriko; eta seguruenik inork gutxik hasiko luke lan bat sei minutuko iraupena duen kanta batekin. Baina hauei parra die eta horri esker... [+]
Ultra
La Furia
Baga Biga, 2024
---------------------------------------------------------
Cascanteko La Furia-k bosgarren diskoa plazara atera du. Mimoz eta erraietatik, berarentzat funtsezkoak diren osagai horiekin, prestatu du honako pozima, pozoitsua eta aldi berean... [+]
Zerrautsa
Olaia Inziarte
Panda, 2024
-------------------------------------------
Depresio garaian idatzitako hamalau kanta. Halaxe aurkeztu zuen Olaia Inziartek orain aipatu ezin den euskarazko lehenengo late night-ean. Diskoa irekitzen du Zerrautsa pieza bru-ta-lak... [+]
Alosia
Perlata
Autoekoizpena, 2024
----------------------------------------------------
Arrasateko Perlata taldeak lan berria kaleratu du. Hainbat disko ditu bizkarrean, eta azkeneko lana bere jaioterriko punk, Oi! eta rockaren zubi-lana egindako Jesusi Etxeberria... [+]
Xabier Badiola
Xabier Badiola
Gaztelupeko Hotsak, 2023
-------------------------------------------------
Ea, ba. “Gaur egungo musika” musika deitzen zaio erritmo kutxa elektroniko bat duen edozeri, eta, klaro, horrela ezin da. Lerro hauetan saiatu izan gara... [+]