Errekak ez du planeatzen
Garai batean, buruz genekizkien The Dark Knight filmeko Jokerren esaldi guztiak, “kaosaren agentea” zenez gero. Horrelakorik zuen, esaterako, bere jokabidea azaltzeko: “Plan bat duen tipo bat al dirudit? Badakizu zer naizen? Autoen atzetik korrika doan txakur bat. Ez nuke jakingo zer egin bat harrapatuko banu. Asmorik gabe ari naiz. Mafiak planak ditu. Poliziak planak ditu. Gordonek planak ditu. Haiek makinatzen dute. Beren mundu txikiak kontrolatzeko makineria erabiltzen dute. Nik ez dut makinatzen. Saiatzen naiz irakasten egiten dutenei zein patetikoa den gauzak kontrolatzen saiatzea”.
Ez nago planen kontra, planak onak badira. Ordea, planeatzaile gehienak ez dira fin ibiltzen; haien iparrorratzekin ondokoaren bidea segi asmoz, zenbat eta zenbat diren arrakastaren bila galdu direnak. Berdin bizitzan, musikan, zein politikan –azken atal hori beste baterako utziko dugu, badaezpada–.
Bananas taldearena da adibide. Planeatutakoaren oso kontra atera da, euskal screamo-ren onerako –euskreamo ere entzun dut hor nonbait–. Touche Amore taldearen estiloko bost kanta grabatzeko geratu ziren lagun batzuk, eta EP bat argitaratu: Azal bat urdiña (Autoekoizpena, 2018). Asmoa zuzeneko bakar bat ere ez ematea zen, baina zaleak txanpiñoiak nola ugaritu eta, kontzertua ez ezik, disko berri bat ere eskaini zieten, 2021ean, Garun eta eztarri.
Horrela bada, apur bat haien planen kontra, eta gogoaren kontra, beste zazpi pieza berri bildu ditu Donostiako boskoteak. Lehendik Madeleine, Adrenalized, Yaw eta Hyedra gisako taldeetan aritutako bost mutilek –bai, taldearen izena hobetu zezaketen–, eremu berri batera eraman dute oraingoan haien lana, poparen eta post-hardcorearen arteko eremu arrotzean nabigatuz.
Akaso ez da hain arraroa: eztarri urratuak, ukabilak eta auhenak, melodia basatiekin. Taldean abesteko eta maitatzeko musika da hardcorea, eta puristaren bati lar popero iruditu liezaiokeen arren, pogo eta izerdi egiteko musika aproposa eskaini dute Errekak Nola lanean.
Ohar txiki bat: Hardcoreak denetik duen arren, otoi, pogoa egiterakoan begiratu nor duzun ondoan. Bananaz beteta dago eszena, eta ez dadila egon ere publikoa. Zaindu dantzak, gune parte hartzaileak izan daitezen.
Disko labur eta hunkigarria da. Espero ez zutelako iritsi da. Planik gabe dagoelako da zintzoa, eta gertukoa. Bere esaldiak ahaztu arren, Jokerrekin jarraitzen dut nik. Eta Txemak taldearekin: “Batman zer? Batman sutara!”.
Dirudienez
Karma
Autoekoizpena, 2025
--------------------------------------------------------
Mugatzat ez badugu ere, muga da askotan Bidasoa; kulturala, informazioarena… Eta beste aldekoa urrun gelditzen zaigu. Bada, gogoa eta laguntasuna dira muga apurtzaile... [+]
XAK
Xak
Mukuru, 2025
---------------------------------------------------------------
Entzun baduzu eta ez bazaizu sobera sartu, esango nizuke: entzun berriro. Nire urteko disko kutunena izango dena egin berri du Paxkal Irigoyen baxenabartarrak, oraingo honetan, XAK... [+]
It's on
JOHN DEALER & COCONUTS
Ghost Highway, 2025
------------------------------------------------------
Adin batetik aurrera kontzertuak, diskoak eta kantuak bizkarrean eta burmuinean pilatuta, eta musika entzuteko denbora murritzagoa bilakatuta, taldeak bilatu... [+]
Esperoan
Hiuzz
Autoekoizpena (egun motelak kolektiboa), 2024
Ohartu gabe igarotzen diren taldeen multzoa gero eta handiagoa da, edo inoiz baino handiagoa, behintzat. Hiuzz taldearen Esperoan lanak hilabete batzuk... [+]
Obducción de la Amenaza / Zirt Zart (Split-ep)
2024
---------------------------------------------------
Musika panorama erraldoia da, helduezina. Horien artean badira foku guztiak bereganatzen dituzten talde handi gutxi batzuk; horren nahian diharduten beste asko,... [+]
Poliorkêtês
Kerobia
Autoekoiztua, 2025
--------------------------------------------------------
Azken aldian, lerrootan asko nabil hausnartzen musikak izan beharko lukeen “misio historikoaz” eta abarrez. Eta, nolabait, zer egin beharko lukeen... [+]
Antifa hardcore
Lee-Kore + Hoben
Autoekoizpena
---------------------------------------------------------
Tamalez ez da ohikoa Arrasaten hardcore kontzertuak egitea, bestelako musika eszenak nagusitzen direlako. Hala bada, joan den larunbatean herriko gazte batzuen... [+]
Bizitza eztia
Verde Prato
Plan B Records, 2024
--------------------------------------------------------------
Ousmane Sembène zinemagile senegaldar ospetsuari galdetu zioten ea bere pelikulak Europan ulertzen ote ziren. Erantzuna, epikoa: “Izan gaitezen... [+]
Bidea da helmuga
Kokein
Balaunka, 2024
--------------------------------------------------
Eibarko rock talde beterano hau familia oso desberdinetako lagunek osatu zuten aspaldi eta ia fisurarik gabe hamarkadatan eutsi dio. Izan ditu atsedenak, gorputzak hala eskatu... [+]
Zuloa
Merina gris
Sonido Muchacho, 2025
-------------------------------------------------------
Euskal Herrian ez da orain arte horrelako musika elektronikorik egin. Esango nuke Merina Grisek historian euskaraz egin den elektronika eta hyperpop diskorik landuena egin... [+]
Bidai on bat
Braulio
Autoekoizpena, 2024
-----------------------------------------------------
Nik ez nioke talde bati Braulio izena jarriko; eta seguruenik inork gutxik hasiko luke lan bat sei minutuko iraupena duen kanta batekin. Baina hauei parra die eta horri esker... [+]
Ultra
La Furia
Baga Biga, 2024
---------------------------------------------------------
Cascanteko La Furia-k bosgarren diskoa plazara atera du. Mimoz eta erraietatik, berarentzat funtsezkoak diren osagai horiekin, prestatu du honako pozima, pozoitsua eta aldi berean... [+]
Zerrautsa
Olaia Inziarte
Panda, 2024
-------------------------------------------
Depresio garaian idatzitako hamalau kanta. Halaxe aurkeztu zuen Olaia Inziartek orain aipatu ezin den euskarazko lehenengo late night-ean. Diskoa irekitzen du Zerrautsa pieza bru-ta-lak... [+]
Alosia
Perlata
Autoekoizpena, 2024
----------------------------------------------------
Arrasateko Perlata taldeak lan berria kaleratu du. Hainbat disko ditu bizkarrean, eta azkeneko lana bere jaioterriko punk, Oi! eta rockaren zubi-lana egindako Jesusi Etxeberria... [+]
Xabier Badiola
Xabier Badiola
Gaztelupeko Hotsak, 2023
-------------------------------------------------
Ea, ba. “Gaur egungo musika” musika deitzen zaio erritmo kutxa elektroniko bat duen edozeri, eta, klaro, horrela ezin da. Lerro hauetan saiatu izan gara... [+]