Esan gabe doa: entzun Pelax
Entzun gabe doa
Pelax
Balio dute, 2024
-----------------------------------------------------
Testu hau irakurtzeko denbora soberan ez baduzu, laburtuko dizut: entzun Pelax. Aitzakiarik ez duzu orain, haien diskografia osoa Spotifyra igo dute lehen aldiz –lehendik Bandcampen zeuden arren–. Eszenako rara avis-a izateari utzi, eta peaje komertzial txikia ordainduta, Pelaxtarrak, itxuraz behintzat, kolpe bat emateko prest datoz oraingoan.
2019an eman zuten azken kolpea, orain arte guren inork errepikatu ez duen balentriarekin: lau kantaz osatutako disko bikoitza, ABDE. Euskal rock progresiboaren gailurra izan zen, inguruko lurretan ere, konparaziorik gabea.
Esan gabe doa-n itzuli dira Talka da didaktika-ren estiloko kantuetara. Taldekideen urte gorabeheratsu eta gogorraren ostean, azeleradorea sakatu eta “hit-en diskoa” hilabete gutxian prestatu eta bi egunetan grabatu zuten. Ohiko moduan, analogikoan grabatu, eta inongo edizio digitalik gabe.
Gitarra eta bateria erritmo konplexuak nahasten dira, melodia errazekin eta letra gordinekin. Jarrera da disko honen abizena, esan gabe doa. Hitzetan Unai Pelayok jarraitu du bere erretorika enigmatiko, sarkastiko eta zorrotza. Kritika guztiak norberari buruz izan daitezkeenaren susmoa ezin gainetik kendu: “Zure zama ez al da arinegia? Egindakoak eginda... inpostore dena duzu alde”.
Iker Vazquez bateria joleak errezitatuko duen hitz esan ilunean jartzen dira diskoaren zutabeak: “Egun on, izaki moderno berria. Jaikitzea lortu dezun arren, denbora igaro da esna somatzen ez zaitudala. Ikusten zaitut telebistaren atzean ezkutatu nahian, sintoniaren berotasunean. Bizitza ameskizun hutsa dela edo ez dela, fabulazio induzitu bat, blablabla, eta egia lanera joateko urratsak ematea”.
Descartesen jokoa ez dugu zertan onartu, eta harrigarria zait Matrixi buruz hitz egiten duten ehunka influencer, gymbro, ultraliberal eta anarkokapitalisten diskurtsoa. Amets neoliberala da ameskizunetik ateratzea. Baina ahaztu egiten zaie: gutxi batzuen irtetea. Lehia delako kapitalismoaren oinarria.
Lehiarik gabe, horizontaletik abiatuz, pelaxtarrak eredu ditugu Donostian, eta euskal zera honetan. Testua irakurtzeko denbora eman badizu, beste gomendio bat: ikusi Pelax. Euskal Herriko zuzeneko talde onenetarikoa da lerro hauek irakurtzen ari zaren unean behintzat.
Dirudienez
Karma
Autoekoizpena, 2025
--------------------------------------------------------
Mugatzat ez badugu ere, muga da askotan Bidasoa; kulturala, informazioarena… Eta beste aldekoa urrun gelditzen zaigu. Bada, gogoa eta laguntasuna dira muga apurtzaile... [+]
XAK
Xak
Mukuru, 2025
---------------------------------------------------------------
Entzun baduzu eta ez bazaizu sobera sartu, esango nizuke: entzun berriro. Nire urteko disko kutunena izango dena egin berri du Paxkal Irigoyen baxenabartarrak, oraingo honetan, XAK... [+]
It's on
JOHN DEALER & COCONUTS
Ghost Highway, 2025
------------------------------------------------------
Adin batetik aurrera kontzertuak, diskoak eta kantuak bizkarrean eta burmuinean pilatuta, eta musika entzuteko denbora murritzagoa bilakatuta, taldeak bilatu... [+]
Esperoan
Hiuzz
Autoekoizpena (egun motelak kolektiboa), 2024
Ohartu gabe igarotzen diren taldeen multzoa gero eta handiagoa da, edo inoiz baino handiagoa, behintzat. Hiuzz taldearen Esperoan lanak hilabete batzuk... [+]
Obducción de la Amenaza / Zirt Zart (Split-ep)
2024
---------------------------------------------------
Musika panorama erraldoia da, helduezina. Horien artean badira foku guztiak bereganatzen dituzten talde handi gutxi batzuk; horren nahian diharduten beste asko,... [+]
Poliorkêtês
Kerobia
Autoekoiztua, 2025
--------------------------------------------------------
Azken aldian, lerrootan asko nabil hausnartzen musikak izan beharko lukeen “misio historikoaz” eta abarrez. Eta, nolabait, zer egin beharko lukeen... [+]
Antifa hardcore
Lee-Kore + Hoben
Autoekoizpena
---------------------------------------------------------
Tamalez ez da ohikoa Arrasaten hardcore kontzertuak egitea, bestelako musika eszenak nagusitzen direlako. Hala bada, joan den larunbatean herriko gazte batzuen... [+]
Bizitza eztia
Verde Prato
Plan B Records, 2024
--------------------------------------------------------------
Ousmane Sembène zinemagile senegaldar ospetsuari galdetu zioten ea bere pelikulak Europan ulertzen ote ziren. Erantzuna, epikoa: “Izan gaitezen... [+]
Bidea da helmuga
Kokein
Balaunka, 2024
--------------------------------------------------
Eibarko rock talde beterano hau familia oso desberdinetako lagunek osatu zuten aspaldi eta ia fisurarik gabe hamarkadatan eutsi dio. Izan ditu atsedenak, gorputzak hala eskatu... [+]
Zuloa
Merina gris
Sonido Muchacho, 2025
-------------------------------------------------------
Euskal Herrian ez da orain arte horrelako musika elektronikorik egin. Esango nuke Merina Grisek historian euskaraz egin den elektronika eta hyperpop diskorik landuena egin... [+]
Bidai on bat
Braulio
Autoekoizpena, 2024
-----------------------------------------------------
Nik ez nioke talde bati Braulio izena jarriko; eta seguruenik inork gutxik hasiko luke lan bat sei minutuko iraupena duen kanta batekin. Baina hauei parra die eta horri esker... [+]
Ultra
La Furia
Baga Biga, 2024
---------------------------------------------------------
Cascanteko La Furia-k bosgarren diskoa plazara atera du. Mimoz eta erraietatik, berarentzat funtsezkoak diren osagai horiekin, prestatu du honako pozima, pozoitsua eta aldi berean... [+]
Zerrautsa
Olaia Inziarte
Panda, 2024
-------------------------------------------
Depresio garaian idatzitako hamalau kanta. Halaxe aurkeztu zuen Olaia Inziartek orain aipatu ezin den euskarazko lehenengo late night-ean. Diskoa irekitzen du Zerrautsa pieza bru-ta-lak... [+]
Alosia
Perlata
Autoekoizpena, 2024
----------------------------------------------------
Arrasateko Perlata taldeak lan berria kaleratu du. Hainbat disko ditu bizkarrean, eta azkeneko lana bere jaioterriko punk, Oi! eta rockaren zubi-lana egindako Jesusi Etxeberria... [+]
Xabier Badiola
Xabier Badiola
Gaztelupeko Hotsak, 2023
-------------------------------------------------
Ea, ba. “Gaur egungo musika” musika deitzen zaio erritmo kutxa elektroniko bat duen edozeri, eta, klaro, horrela ezin da. Lerro hauetan saiatu izan gara... [+]