Mahaiaren bueltan familia bat
Eugenio Agirre Alvarezen hilotzak Atarrabiako Udaletxe plazatik kultur etxerako bidea egin du alaba eta biloben sorbalden gainean, bandera gorria hilkutxan zabalik, hamarnaka jende bere gorpuaren atzetik. Hortik aurrerakoa, lau paretaren artean pasa da.
'Agirretarren bandera'
NOIZ: ekainak 16
NON: Atarrabiako Kultur Etxea
Agirretarren bandera Oskorriren kantu batez harago, antzezlana da ere orain, Ekida arte ekimenaren eskutik aurkeztua. Bi ahizpa, haien hiru seme-alabak eta hauen aitatxiren heriotzak utziriko ondare materialaren kudeaketa esku artean, mila faktore medio.
Ekidak eta, orokorrean, Mugimendu Sozialistaren edozein adarrek diseinaturikoaren estetika txukuna ezin da aipatu gabe utzi. Oraingo honetan ere asmatu dute: soil eta dotore. Argi gehiegirik ez, kolore gutxi batzuk oholtzan eta musika zuzenean: Eñaut Zubizarreta Trigger celloa eskutan eta looper-a oinetan, hor ere gutxiago askotan gehiago dela erakutsiz.
Antzezlanak panfletotik badu berea, baina ez dut uste Ekidako kideek hori ezkutatzeko asmorik dutenik batere. Zentzu horretan, piezak ez du deus berririk kontatzen, edukian ez dago sorpresarik. Bai, aldiz, formetan. Lehen aldiz egin du Mugimendu Sozialistak publikoki zerbait umoretik eta horrek sinesgarritasun puntu gehigarria ematen dio haien jardunari. Tonuaz aparte, bestelako errekurtsoek aberastu dute antzezlana: koro hautsi baten presentziak eta bandera/mantelaren tratuak. Edo, hobe esanda, amen eta seme-alaben arteko bandera/mantelarekiko tratu diferenteak. Nork izan du, bi belaunaldien artean, dena errazago? Nor borrokatu behar izan da gehiago bere etorkizunaren alde? Zer da orain hautatu dezakeguna? Horren guztiaren gainetik argi dute gazteek: sinistea ez da berme, baina bai baldintza. Eta geldirik dagoenari hautsa ateratzen zaio.
Eszena eta eszena arteko trantsizio gisa agertu zaigu batzuetan koroa, koro hautsia. Badu Oier Zuñigaren Eresia antzezlanetik pixka bat honen kokapenak. Koro hautsia koro oso bihurtuko da mila gorputz ahots bakarrez mintzatuko direlarik, baina dena zailtzen du hori nola egin jakinen zuena hil berria izateak. Keinu egin diote imaginario kolektibo zehatz bateko zenbait erreferentziari: entzun ditugu Eusko Gudariak eta C Tangana eta ikusi dugu Cristiano Ronaldoren mugimendu ospetsua. Azken biak umorearen bueltan. Horiek bakarrik harrapatzera heldu naiz ni.
Ezagutu gabe ezin daiteke aurrera egin eta oroitzapenek ez dute gorputzik. Ez nuke trama gehiegi biluztu nahi, baina familia honetan ere beste askotan bezala bukatu dute: isildutakoak errepikatzen. Noiz arte? Etxe guztietako mantelak bandera izan arte.
Pantzo Hirigaraik idatzi eta zuzendutako antzezlana da 'Uda leku'. Opor garaiko kanpaldi baten istorioa kontatzen du eta 2024ko martxoan Itsasun egindako emanaldia da honakoa, Kanaldudek bideoz grabatua.
Urriaren 4tik 19ra iraganen da Nafarroako arte eszeniko komunitarioen jaialdia Iruñean, nazioartekotza eta kritika soziala ardatz harturik.
Ganbaran arrak bizi dira, arrek arrentzat sortutako munduan. Sotoan berriz emea, zoritxarreko egun batean sortutako “akatsa”. Goian jaun eta jabe. Behean kateak eta iraultza. Gela biak inkomunikatuta daude, ez dago nahasterik. Nola etorriko da orduan, aldaketa... [+]
Zer egingo zenuke lagun baten bizia salbatzeko? Zer emango eta zer gordeko zenuke? Komedia honetako hiru lagunek auzi honi eman behar diote erantzuna. Gau zoro batean, ezusteko gertaerak bata bestearen atzetik etorriko dira, fisika modernoaren axioma bati men eginez: gerta... [+]
Usaiako "süjetik" gabea, esku andana batek idatzia, errejent multzo batek zuzendua, gertakizun askoren kontari, gisa guzietara kolektiboa da.
Marmarra
Dramaturgia: Jon Gerediaga/Atx Teatroa
Zuzendaritza: Atx Teatroa
Noiz: Uztailaren 4an ... [+]
Kolpe bat jaso eta memoria galdu berri duzu. Dakizun bakarra, poliziak esan dizulako, zera da: bere ohean zetzan elbarritu babesgabe bat tiroz akatu duzula; duela gutxirarte maitekiro zaintzen zenuen gizona, hain zuzen. Zeure burua duin eta zintzotzat duzu, eta hala ere,... [+]
Ekain amaieran iragan da Banka eta Urepeleko eskola publiko uztartuetako urte hondarreko ikusgarria. Eskola gehienetan bezala, Bankako ama-eskolako irakasleak eta Urepeleko lehen mailako bi irakasleek, hirurek elkarrekin, urtero antolatzen dute haurren emanaldi nagusia:... [+]
Gosea, txizalarria, maitasuna, gorrotoa, egarria, sexua, beldurra... eta zelan ez... biolentzia. Besteak beste, gure instintoetako batzuk dira hauek. Haiei esker bizi gara historiaurretik gaur egun arte. Oinarrizko tresnak izan dira, badira eta izango dira bizitzan aurrera... [+]
Bigarrenez Aresti etorkizunaren aurrean
Nork: Ekida Arte Ekimena.
Noiz: ekainaren 20an.
Non: Azkoitiko Baztartxo antzokian.
------------------------------------------------------------------
50 urte dira Gabriel Aresti euskal idazle marxista hil zela, eta Ekida arte... [+]
Euskal musikaren imajinario kolektiboan murgilduko gaituen ikuskizuna da “Ez dok Hiru”. Euskal Herriko kantutegian oinarritutako ikuskizun teatrala.
Eoa, deskonzertantea eta irrigarria azalez, baina azal horren poro bakoitzari geure musikarekiko maitasuna dario... [+]
Maiatzean Korsikan egon nintzen topaketa batean, hezkuntza artistikoa eta hizkuntzen irakaskuntza aipagai, gure antzerki taldean hezkuntza eta antzerkia anai-arreba bikiak baitira ekinean. Ikastaroan, luzaz mintzatu ginen linguista batekin, etorkinei frantsesa eta ingelesa... [+]
Miss Karaoke-k abesti bat kantatzeko enkargua jaso du, eta urduritzen hasia da. Zer kantatuko du Ebento Handian, Antolatzaile Handiaren enkarguz, Jende Guztiaren aurrean? Are gehiago, zein hizkuntza aukeratuko du? Gutxiengo gutxitu, gehiengo gutxitu, gutxiengo... [+]
Artxibo biluzia
Nor: Intza Alkain eta Javi Barandiaran (Metrokoadroka).
Non: Lemoako Kotxepin aretoan.
Noiz: ekainaren 2an.
-------------------------------------------------------
Lemoan independentzia eguna ospatzen ari dira. Kotxepin kultur etxearen alboan,... [+]
Liluragarria da zinez aulkien disdira. Orok merezi du lanaren osteko atsedena. Kasu, ostera, sakona da loaren eztena. Esertzen bazara aginduetara makurturik, heriok ohartu orduko, jango dizu barrena
- Zuzendaria: Ander Lipus
- Testua: Gotzon Barandiaran
- Musika: Mikel... [+]