Buztan-kolpe sakon eta ederra
Gutako edozein, gutako bakoitza isla bat gara ezinbestez, mehatxuz, aukeraz eta bestelako bizidun ugariz inguratutako itsaso erraldoian igeri egiten. Lan ederra daukagu gure flotazio-marra propioa kudeatzen, alboetatik etortzen zaizkigun olatu, uhin eta bestelakoen artean zer jaso eta zer alboratu ondo aukeratzeaz gain.
Elgoibarren bizi den Asier Olabarrieta bizipen, pentsamendu edo sentsazioetan urperatu da, oso sakon, eta pandemiaren azken buztankadetan tarteka burua azalera atera du mimo handiz honako lana findu eta erditzeko. Olabarrietak berak idatzi du musika guztia eta grabatu ditu instrumentuetako asko. Baina, horrez gain, pandemiaren eta bestelakoen ajeak arrantzatzeko ariketa izan daitekeen honetan itsasadar berean botatako sareak gogoz erakarrita lagun oso finez inguratu da diskoa borobiltzeko: Silvia Hernandez piano eta koroetan eta Josu Erviti bateria eta sinteetan batez ere; baina baita beste hainbat islagun ere, hitzak idatzi dituztenak edo zenbait piezen emaitza musikala aberastu dutenak.
Gaietan lan abisala hauxe eta, era berean, entzulea barneratzeko kanten giroak oso zainduta daude: (K)ito xuxurlatuz eta xume hasten da, baina erritmo tribal eta koru zerutiarrak batuz pieza folky progresibo eta sasi-epikoa bilakatzen da. Gainezkak bestelako taupada dauka eta azkar gorpuzten da, sinte eta guzti, hard-rock oinarri pisutsua eta melodia borobila duen kantan. Eten etengabek badu soinu bandatik asko, post-rocka, iluntasuna eta Jess and the Ancient Ones taldearen antzeko tempoa bereganatuta. Isilune borobila da eta jantzi orkestralarekin batzen ditu pop-rocka, hard-rocka eta post-rocka; XXI. mendeko Errobi espaziala? Bakarrik gaur kantak gogora ekarri dit ezinbestean Haritz Harreguyk eta Aitor Uriartek erditu zuten Sen, pop eta hard-rockaren arteko oreka perfektua, hita izan daitekeena. Azkenik, ur ertzera gogoz eta gogor bueltatu da egilea: abesteko eran Iparraldeko maisutasunetik edaten duen Norbera kanta rockero bizi-bizi eta indartsuarekin.
Goizegi Hiltzeko
Ødei
Autoekoizpena, 2025
53 min.
Ulertzen nauten herrian ez da musika hau entzuten. Rap musikak akaso urte okerragoak izan ditu Euskal Herrian, baina oraindik ez da beste batzuen altuerara heldua. Denentzat ditu koplak Odei Barroso urruñarrak:... [+]
Zatitxu 7
Zikin
Mendeku diskak, 2025
-------------------------------------------------------------
Aurten ere, udarekin batera dator Zikinen lan berria, esanez bezala: berdin zait oporrek hartzen bazaituzte Elantxoben, Belaguan edo Copacabanan. Eguraldi onak ez du egoera... [+]
Alegoría del mal
Rat-zinger
Kasba Music, 2025
--------------------------------------------------------------
Apokalipsiaren aurreko garai ustel hauetan, non eskuin atzerakoienak lortu duen bere diskurtsoa erdian jartzea, erabat ezabatuta dagoen gizarte batean,... [+]
C.R.I.N.G.E
Azuleja
Le Royale, 2024
--------------------------------------------------------------------
Bai, ia beti euskal taldeak dira lerro hauetan intereseko. Guretzat, eta zuentzat. Baina pixka bat epifania moduan, Amabirjina ikusi duenak nola, hala daukat... [+]
Norabide bakarrean
721-Gogor Gabiltza
Autoekoizpena, 2025
---------------------------------------------------------
Askotan, guraso garenon kezka bat da ea seme-alabek gure aholku edo "txapak" aintzat hartuko dituzten, jakitun izanda, era berean, guri kontra... [+]
Miruenea
Mirua
Oso polita, 2025
--------------------------------------------------------------
Bi urtez egon dira lanean Miruakoak “inoiz egin duten proiektu garrantzitsuena” aurkezteko: Miruenea. Eta, egia da, gaur egun artista guztiek dioten arren... [+]
Dirudienez
Karma
Autoekoizpena, 2025
--------------------------------------------------------
Mugatzat ez badugu ere, muga da askotan Bidasoa; kulturala, informazioarena… Eta beste aldekoa urrun gelditzen zaigu. Bada, gogoa eta laguntasuna dira muga apurtzaile... [+]
XAK
Xak
Mukuru, 2025
---------------------------------------------------------------
Entzun baduzu eta ez bazaizu sobera sartu, esango nizuke: entzun berriro. Nire urteko disko kutunena izango dena egin berri du Paxkal Irigoyen baxenabartarrak, oraingo honetan, XAK... [+]
It's on
JOHN DEALER & COCONUTS
Ghost Highway, 2025
------------------------------------------------------
Adin batetik aurrera kontzertuak, diskoak eta kantuak bizkarrean eta burmuinean pilatuta, eta musika entzuteko denbora murritzagoa bilakatuta, taldeak bilatu... [+]
Esperoan
Hiuzz
Autoekoizpena (egun motelak kolektiboa), 2024
Ohartu gabe igarotzen diren taldeen multzoa gero eta handiagoa da, edo inoiz baino handiagoa, behintzat. Hiuzz taldearen Esperoan lanak hilabete batzuk... [+]
Obducción de la Amenaza / Zirt Zart (Split-ep)
2024
---------------------------------------------------
Musika panorama erraldoia da, helduezina. Horien artean badira foku guztiak bereganatzen dituzten talde handi gutxi batzuk; horren nahian diharduten beste asko,... [+]
Poliorkêtês
Kerobia
Autoekoiztua, 2025
--------------------------------------------------------
Azken aldian, lerrootan asko nabil hausnartzen musikak izan beharko lukeen “misio historikoaz” eta abarrez. Eta, nolabait, zer egin beharko lukeen... [+]
Antifa hardcore
Lee-Kore + Hoben
Autoekoizpena
---------------------------------------------------------
Tamalez ez da ohikoa Arrasaten hardcore kontzertuak egitea, bestelako musika eszenak nagusitzen direlako. Hala bada, joan den larunbatean herriko gazte batzuen... [+]
Bizitza eztia
Verde Prato
Plan B Records, 2024
--------------------------------------------------------------
Ousmane Sembène zinemagile senegaldar ospetsuari galdetu zioten ea bere pelikulak Europan ulertzen ote ziren. Erantzuna, epikoa: “Izan gaitezen... [+]
Bidea da helmuga
Kokein
Balaunka, 2024
--------------------------------------------------
Eibarko rock talde beterano hau familia oso desberdinetako lagunek osatu zuten aspaldi eta ia fisurarik gabe hamarkadatan eutsi dio. Izan ditu atsedenak, gorputzak hala eskatu... [+]