E, peña: animo, e
aurre egingo dieten hedabide independenteak
Zer gara gu, nor gara gu, euskaldunak gara gu? Euskal gazteriaren identitate eta krisien korapiloak oholtza gainean okaztatu ditu Formol laborategiak, euskal teatroan, itxuraz, azkura eraginez. Ez delako teatro obra dramatiko eta poetiko bat. Zintzotasun eta biluzte ariketa bat delako. Eta Mikel Ibarguren eta Intza Alkain jenialen barrenak ikustean, elkarrekin topo egiten dugulako. Guk bai, behintzat.
'Album' antzezlana
NOIZ: Apirilak 28
NON: Biteri aretoa (Hernani)
Umore absurdoaren belaunaldia izan gara. Baina gure manifestuetan hizkuntza poetiko jasoa entseatu nahi izan dugu: alta, arestian aipatu bezala, eta bla eta bla. Akkuratuak esan bezala: Fuck hunkigarrismoa. Noiz utziko diogu gure buruei nahi duguna egiten?
Zeren subjektu neoliberalaren zama dugu bizkarrean: “Izan zaitez zu zeu”. Baina zertarako gu geu? Gugandik espero duguna izateko? Gu geu izan zuk zeuk ni neu onartzeko? Eta zuk ni onartzeko maitatu behar dut nire burua? Zer espero duzue niregandik? Subjektu neoliberalak erantzun ezin dituen galderak, depresioaren, antsietatearen eta buru gaixotasunaren zamarekin, etengabeko jakinarazpen, zarata eta disoziazioen etenarekin. [Eta gizonaren inteligentzia emozional ezak ez du laguntzen: “Intza, orduan zein da problema?”].
Motxila da berdintzen gaituena: “DBH, 18 urterekin aske izango zarenaren ideia hain fuerte sentitzea. Motxila da gizon kuadrilletan besarkadak ematea bakarrik zerbait larria gertatu denean –motxila dira gizonak–, motxila da inoiz norbait bortxatu duzun ala ez ez jakitea”.
Motxila da, azken finean, gauza partekatu bat. Gure haurtzaroa, nerabezaroa, gaztetasuna eta heldutasuna lotzen dituzten bizipenen hari singlean koherentziarik ez topatzea. Gurasoei parrandan ateratzeko baimena eskatzen genien bitartean beste norbaitekin lehen esperientzia sexual trakets eta traumatikoak izatea, drogak probatzea eta kale borrokan aritzea. Edo, hain zuzen, ez aritzea.
Motxila delako, nolabait, Euskal Herrian identitate politiko eta kulturala sortzeko, aurretik datozen borroka eta irakaspenen ondarea hartu eta bere hondarretan ito izana. Gure boomer alaienean bakarrik topatzen dugu zintzotasuna: “Hemen okerreko belaunaldikook, ezertan asmatu ez dugunok, norbera bere lotsaz ardura dadila, gu geureaz arduratzen garen bezala”.
Gure belaunaldiak asma ditzala munduan egoteko manera berriak, askatasunak praktikan jartzeko. Aurreko belaunaldietakoak euren akatsak onartu eta umiltasunez hurbiltzen badira, askoz hobe. Eta jarraitzen badu “gure garaian” kantinelak, egin dezagun haietaz barre. A, noski, eta gure buruaz barre. Zeren hau guztia bagenekien, baina elkarrekin onartzea besterik ez zitzaigun falta.
Urriaren 4tik 19ra iraganen da Nafarroako arte eszeniko komunitarioen jaialdia Iruñean, nazioartekotza eta kritika soziala ardatz harturik.
Ganbaran arrak bizi dira, arrek arrentzat sortutako munduan. Sotoan berriz emea, zoritxarreko egun batean sortutako “akatsa”. Goian jaun eta jabe. Behean kateak eta iraultza. Gela biak inkomunikatuta daude, ez dago nahasterik. Nola etorriko da orduan, aldaketa... [+]
Zer egingo zenuke lagun baten bizia salbatzeko? Zer emango eta zer gordeko zenuke? Komedia honetako hiru lagunek auzi honi eman behar diote erantzuna. Gau zoro batean, ezusteko gertaerak bata bestearen atzetik etorriko dira, fisika modernoaren axioma bati men eginez: gerta... [+]
Usaiako "süjetik" gabea, esku andana batek idatzia, errejent multzo batek zuzendua, gertakizun askoren kontari, gisa guzietara kolektiboa da.
Marmarra
Dramaturgia: Jon Gerediaga/Atx Teatroa
Zuzendaritza: Atx Teatroa
Noiz: Uztailaren 4an ... [+]
Kolpe bat jaso eta memoria galdu berri duzu. Dakizun bakarra, poliziak esan dizulako, zera da: bere ohean zetzan elbarritu babesgabe bat tiroz akatu duzula; duela gutxirarte maitekiro zaintzen zenuen gizona, hain zuzen. Zeure burua duin eta zintzotzat duzu, eta hala ere,... [+]
Ekain amaieran iragan da Banka eta Urepeleko eskola publiko uztartuetako urte hondarreko ikusgarria. Eskola gehienetan bezala, Bankako ama-eskolako irakasleak eta Urepeleko lehen mailako bi irakasleek, hirurek elkarrekin, urtero antolatzen dute haurren emanaldi nagusia:... [+]
Gosea, txizalarria, maitasuna, gorrotoa, egarria, sexua, beldurra... eta zelan ez... biolentzia. Besteak beste, gure instintoetako batzuk dira hauek. Haiei esker bizi gara historiaurretik gaur egun arte. Oinarrizko tresnak izan dira, badira eta izango dira bizitzan aurrera... [+]
Bigarrenez Aresti etorkizunaren aurrean
Nork: Ekida Arte Ekimena.
Noiz: ekainaren 20an.
Non: Azkoitiko Baztartxo antzokian.
------------------------------------------------------------------
50 urte dira Gabriel Aresti euskal idazle marxista hil zela, eta Ekida arte... [+]
Euskal musikaren imajinario kolektiboan murgilduko gaituen ikuskizuna da “Ez dok Hiru”. Euskal Herriko kantutegian oinarritutako ikuskizun teatrala.
Eoa, deskonzertantea eta irrigarria azalez, baina azal horren poro bakoitzari geure musikarekiko maitasuna dario... [+]
Maiatzean Korsikan egon nintzen topaketa batean, hezkuntza artistikoa eta hizkuntzen irakaskuntza aipagai, gure antzerki taldean hezkuntza eta antzerkia anai-arreba bikiak baitira ekinean. Ikastaroan, luzaz mintzatu ginen linguista batekin, etorkinei frantsesa eta ingelesa... [+]
Miss Karaoke-k abesti bat kantatzeko enkargua jaso du, eta urduritzen hasia da. Zer kantatuko du Ebento Handian, Antolatzaile Handiaren enkarguz, Jende Guztiaren aurrean? Are gehiago, zein hizkuntza aukeratuko du? Gutxiengo gutxitu, gehiengo gutxitu, gutxiengo... [+]
Artxibo biluzia
Nor: Intza Alkain eta Javi Barandiaran (Metrokoadroka).
Non: Lemoako Kotxepin aretoan.
Noiz: ekainaren 2an.
-------------------------------------------------------
Lemoan independentzia eguna ospatzen ari dira. Kotxepin kultur etxearen alboan,... [+]
Liluragarria da zinez aulkien disdira. Orok merezi du lanaren osteko atsedena. Kasu, ostera, sakona da loaren eztena. Esertzen bazara aginduetara makurturik, heriok ohartu orduko, jango dizu barrena
- Zuzendaria: Ander Lipus
- Testua: Gotzon Barandiaran
- Musika: Mikel... [+]
Takoidun Zapata Gorria hogei minutuko iraupena duen antzezlan labur bat da, Piszifaktoria Ideien Laborategiaren bigarren proiektua da. Ezohiko gunetan erakusteko obra bat da, ez baitu eszenatoki baten beharrik. Hartara, antzez-ekintzaren barruan egoteko eta ekintza bertatik... [+]