Negarretik jolasera
aurre egingo dieten hedabide independenteak
.jpg)
Ttarttalo, 2019 | 26 orrialde / haurrentzat
Bitxia benetan Ttarttalo etxeak argitaratutako liburu hau. Nork egiten duen negar, nolakoak izaten diren malkoak, malkoek zer sortarazten diguten… kontu horiek eta beste batzuk azaltzen zaizkigu Sibylle Delacroixen liburu hunkigarri honetan.
“Batzuetan, bihotzean min daukagunean, begiek gainezka egin, eta negarrez hasten gara.” Horrela hasten da malkoen inguruko kontakizun hau. Testu laburrez eta orri osoa betetzen duten irudiez osaturiko liburua. Egileak lapitzez eginiko ilustrazio errealisten bidez, askotan gizakiaren zati bat –begien ingurua, aurpegia…– marraztuz, lortzen du gure arreta guztia puntu zehatz batean zentratzea, sentimendu batekin bat egitea.
“Edonork egin dezake negar. Neskek, mutilek”, diosku, ezkerreko orrian bi malko isurtzen ari den neska eta eskuinekoan gauza bera egiten duen mutikoa erakutsiz. Baina haurrek bakarrik ez, helduek ere egiten dute negar, baita krokodiloek ere… eta “badira negar egiten duten zuhaitzak ere”.
Malkoak hau haurrari kontatzeko moduko liburua da. Ez du istorio bat azaltzen, egoera bat baizik, baina amaieran ikusi ahal izango dugun bezala, kontakizun guztia haur bati zuzenduta dago, negarrez ari den bati. Eta egileak, malkoei eta negarrei buruz azalpen guztiak eman ondoren, alaitasunerako eta jolaserako gonbita egiten dio haurrari. Gainera, gonbit horrek, “Eta orain, arindurik, prest gaude kanpora itzultzeko”, bide ematen dio kolore ugariz ilustraturiko amaiera zoriontsuari.
Liburu sinplea da Malkoak; gauza baten ingurukoa, malkoen eta negarraren ingurukoa, eta haur txiki bati azaltzeko moduko obra. Testu gutxi, ideia bakar batzuk, denak erlazionaturik eta orden batean, amaiera baten bila. Negarrez ari den haurra kanpora irten dadila bere lagunarekin jolastera. Sinplea esan dugu, baina ez horregatik landu gabea. Egileak ederki lortzen du erritmo egokia, ideia batetik bestera salto egitea irakurlea, negarrez ari den haurra bezala, lasaitzeko. Eta helburu horretarako hitza eta irudia erabiltzen ditu, bien arteko mezua plazaratuz.
Haurrari kontatzeko moduko liburua dela esan dut album goxo, hunkigarri hau. Ziur bainaiz altzoan hartu eta etxean lasai, heldua eta haurra liburuko orrietan barneratuz, une goxo eta atsegina igaroko duzuela.
Lautadako mamua
Xabier Montoia
Elkar, 2024
112 orrialde
Eleberri labur honetan egileak XIX. mendeko Euskal Herrira garamatza, sekulako sona hartu zuen Juan Diaz de Garaio hiltzailea duela protagonista. Arabako landa guneko jendarte tradizional eta giro hotzean barneratzen... [+]
Kanbodiako enbaxada
Zadie Smith
Itzulpena: Garazi Ugalde
Igela, 2022
-----------------------------------------------------
Batek baino gehiagok askatu ezin duen ideia faltsua da Europa jende berdinez soilik dagoela eraikita. Eta ez bakarrik faxistek. Egiatan, gutako... [+]
Carmilla
J. T. Sheridan Le Fanu
Itzulpena: maialen berasategi
Erein, 2025
------------------------------------------------------------------------
Literatura unibertsala bilduman argitaratu berri dute J. T. Sheridan Le Fanu irlandarraren 1872ko Carmilla. Maialen... [+]
Agur Karibu
Marian Porcel
Elkar, 2025
SIMULAKRO BAT
Leire Ugadi
Elkar, 2025
---------------------------------------------------------------------
Hitzak hautsi egin dezake, kolpatu, arrakalatu eta apurtu. Simulakro bat (Elkar, 2025) izendatu du Leire Ugadik (Urduña, 1996) simulakro hutsetik harago... [+]
Zoriona, edo antzeko zerbait
Karmele Mitxelena
Elkar, 2024
------------------------------------------------------------------
Helduentzat bigarren liburua du Karmele Mitxelenak. Lehenengoa ipuin liburua izan zen, eta honetan ere nabari zaio ipuingile eskua; izan ere,... [+]
Lur jota Parisen eta Londresen
George Orwell
Igela, 2025
George Orwell Abereen etxaldea (Animal farm, 1945) eta 1984 (1949) eleberriengatik ezagutzen dugu, euskarara itzuliak biak. Baina horien aurretik Down... [+]
Antzinako berri-berriak
Kae Tempest
Igela, 2022
-----------------------------------------------------------------
This poem was written to read aloud / Poema hau ozen irakurtzeko idatzi zen.
Horrela hasten da Kae Tempesten Antzinako berri-berriak liburua, lehen... [+]
Txori Gorri. Andre siux baten idazlanak
Zitkala- Sa
Testu zaharrak, 2022
Zitkala-Sa hegoaldeko Dakoten erreserban (AEB) jaio zen 1876an. Eskolan asimilazioan oinarritutako hezkuntza jaso zuen, eta horren... [+]
TARTARO
Testuak: Xantal Barnetxe
Ilustrazioak: Leire Perret
Ikas, 2025
--------------------------------------------------------------------
Tartaro infernuaren antzeko tokia dugu antzinako Grezian, baita pertsonaia mitologikoa ere, Virgiliok aipatua aspaldian eta... [+]
Amaieratik hasi. Euskal feminismoa, aldaketarako paradigma
Naia Torrealdai Mandaluniz
Txalaparta, 2025
-----------------------------------------------------------
Naia Torrealdai Mandalunizek Amaieratik hasi. Euskal feminismoa, aldaketarako paradigma saiakera argitaratu... [+]
hezur berriak
Ane Labaka Mayoz
Susa, 2025
Tapakia
Maite gurrutxaga
Erein, 2025
-----------------------------------------------------------
Tapakia liburu honen azala ikusten badugu, bertan sagu pipertu bat ikus dezakegu lehortzen ari den tapaki zuri-zuri baten ondoan. Gero, normalean kasu gutxi egiten diegun... [+]
Zuzi iraxegia. euskal emakume idazleak eta literatura klasikoa
Amaia Alvarez Uria
Testu zaharrak, 2024
----------------------------------------------------------------
Liburua esku artean izan aurretik ere arnas luze bat atera zitzaidan barru- barrutik: “ze... [+]
Martin Martina eta urrezko orraziaren misterioa
Amancay Gaztañaga
Elkar, 2024
-----------------------------------------------------
Amancay Gaztañagak Martin Martina eta urrezko orraziaren misterioa kaleratu du Alain Martinezen ilustrazioek lagunduta... [+]