Zenbat duten oraindik barruan!
Bilboko Zea Mays taldea bizia eta iraunkorra da, pausoak –txikiak zein handiak– etengabe emanez bere bide propioa eraiki duena harrokeriarik gabeko harrotasunez. Igaro du desertu luzea, ezagutu ditu distira eta ospea, baina ezerk ez du aldarazi, betikoak dira.
Orain dela gutxi aipatu nuen, niretzat Errekaldeko laukotea dela, marketing trikimailuetatik harago, bere ibilbidean jarraitzaileak batu dituen talde baten adibidea: askotan jo, zuzenekoetan dena eman eta hasierako ilusioari eutsita betiere. Badira gehiago, noski, baina hauena oso adibide argia da.
Aspaldi ez nuela beraietaz idazten eta banuen gogoa. Aitortu behar dut, daukagun musika eskaintza erraldoiak despistatuta, urteetan ez diedala taldearen diskoei behar duten arreta jarri, baina tarteka taldea zuzenean ikusi dudanean zur eta lur utzi naute; are gehiago azken urteotan. Munstroak dira agertoki gainean eta egiten dutena erabat disfrutatzen dute, ez dago inongo zalantzarik.
Bada, Atera etorri ez bada ere, bere bila jo dut jakin-minez azkeneko lanak zer dakarren ikustera: Gaur ni naiz tempo erdiko leloak dituen rock indartsua da, euskal folk introa duena. Ilara hilobi Hawkind eta Monster Magnet ahaide dituen rock pisutsua, garatu ahala ia kiribildu egiten dena. Kea electro-rock, pop eta new wave puska, hit!a agian. Hiri eri-n Cicatrizen trazako introari pop-rock gihartsua eta itsaskorra gailentzen zaio nagusitasunez. Atera pop-a da letra larriekin: gardena, goxoa, malenkonia puntuarekin…
Haizearen jainko beltza-k elektronika, makinatxoak eta post-rocka erritmo dantzagarrien zerbitzura jartzen ditu. Bidegurutzean XXI. mendeko rock indartsua eta ukitu epikoaren arteko ezkontza. Zintzilik elektronika dantzagarria eta melodia purian distortsionatu eta zikintzeko ariketa gogotsua. Edonora da diskoko pieza azkarrena, doinu soil baina aldi berean sarkorra duena. Inurriak minimalista eta geldoagoa, sintetizadoreen laguntzarekin, post-rock eta new wave artean esperoan dagoena. Eta, azkenik, taldea elektronika eta noisea ezkontzen “andereñoa” dela erakusten duen Ur-jauzia.
Dirudienez
Karma
Autoekoizpena, 2025
--------------------------------------------------------
Mugatzat ez badugu ere, muga da askotan Bidasoa; kulturala, informazioarena… Eta beste aldekoa urrun gelditzen zaigu. Bada, gogoa eta laguntasuna dira muga apurtzaile... [+]
XAK
Xak
Mukuru, 2025
---------------------------------------------------------------
Entzun baduzu eta ez bazaizu sobera sartu, esango nizuke: entzun berriro. Nire urteko disko kutunena izango dena egin berri du Paxkal Irigoyen baxenabartarrak, oraingo honetan, XAK... [+]
It's on
JOHN DEALER & COCONUTS
Ghost Highway, 2025
------------------------------------------------------
Adin batetik aurrera kontzertuak, diskoak eta kantuak bizkarrean eta burmuinean pilatuta, eta musika entzuteko denbora murritzagoa bilakatuta, taldeak bilatu... [+]
Esperoan
Hiuzz
Autoekoizpena (egun motelak kolektiboa), 2024
Ohartu gabe igarotzen diren taldeen multzoa gero eta handiagoa da, edo inoiz baino handiagoa, behintzat. Hiuzz taldearen Esperoan lanak hilabete batzuk... [+]
Obducción de la Amenaza / Zirt Zart (Split-ep)
2024
---------------------------------------------------
Musika panorama erraldoia da, helduezina. Horien artean badira foku guztiak bereganatzen dituzten talde handi gutxi batzuk; horren nahian diharduten beste asko,... [+]
Poliorkêtês
Kerobia
Autoekoiztua, 2025
--------------------------------------------------------
Azken aldian, lerrootan asko nabil hausnartzen musikak izan beharko lukeen “misio historikoaz” eta abarrez. Eta, nolabait, zer egin beharko lukeen... [+]
Antifa hardcore
Lee-Kore + Hoben
Autoekoizpena
---------------------------------------------------------
Tamalez ez da ohikoa Arrasaten hardcore kontzertuak egitea, bestelako musika eszenak nagusitzen direlako. Hala bada, joan den larunbatean herriko gazte batzuen... [+]
Bizitza eztia
Verde Prato
Plan B Records, 2024
--------------------------------------------------------------
Ousmane Sembène zinemagile senegaldar ospetsuari galdetu zioten ea bere pelikulak Europan ulertzen ote ziren. Erantzuna, epikoa: “Izan gaitezen... [+]
Bidea da helmuga
Kokein
Balaunka, 2024
--------------------------------------------------
Eibarko rock talde beterano hau familia oso desberdinetako lagunek osatu zuten aspaldi eta ia fisurarik gabe hamarkadatan eutsi dio. Izan ditu atsedenak, gorputzak hala eskatu... [+]
Zuloa
Merina gris
Sonido Muchacho, 2025
-------------------------------------------------------
Euskal Herrian ez da orain arte horrelako musika elektronikorik egin. Esango nuke Merina Grisek historian euskaraz egin den elektronika eta hyperpop diskorik landuena egin... [+]
Bidai on bat
Braulio
Autoekoizpena, 2024
-----------------------------------------------------
Nik ez nioke talde bati Braulio izena jarriko; eta seguruenik inork gutxik hasiko luke lan bat sei minutuko iraupena duen kanta batekin. Baina hauei parra die eta horri esker... [+]
Ultra
La Furia
Baga Biga, 2024
---------------------------------------------------------
Cascanteko La Furia-k bosgarren diskoa plazara atera du. Mimoz eta erraietatik, berarentzat funtsezkoak diren osagai horiekin, prestatu du honako pozima, pozoitsua eta aldi berean... [+]
Zerrautsa
Olaia Inziarte
Panda, 2024
-------------------------------------------
Depresio garaian idatzitako hamalau kanta. Halaxe aurkeztu zuen Olaia Inziartek orain aipatu ezin den euskarazko lehenengo late night-ean. Diskoa irekitzen du Zerrautsa pieza bru-ta-lak... [+]
Alosia
Perlata
Autoekoizpena, 2024
----------------------------------------------------
Arrasateko Perlata taldeak lan berria kaleratu du. Hainbat disko ditu bizkarrean, eta azkeneko lana bere jaioterriko punk, Oi! eta rockaren zubi-lana egindako Jesusi Etxeberria... [+]
Xabier Badiola
Xabier Badiola
Gaztelupeko Hotsak, 2023
-------------------------------------------------
Ea, ba. “Gaur egungo musika” musika deitzen zaio erritmo kutxa elektroniko bat duen edozeri, eta, klaro, horrela ezin da. Lerro hauetan saiatu izan gara... [+]