Badatoz XXI. mendeko sorginak
aurre egingo dieten hedabide independenteak
Suak baditu ezaugarri bereizgarri batzuk oso indartsuak direnak. Suak energia dakar, suntsitu dezake, baita txarrak kendu eta onak ekarri ere. Argitasunarekin ere badu lotura zuzena, baita beroa ematearekin ere, babesarekin. Horiek guztiak ditu laukote honek.
Maruri-Jatabeko (Bizkaia) talde gazte hau indartsua da eta egungoa eraldatzera dator orain arteko eragin askoren errautsen gainetik bere eskaintza birsortuz. Urte eta erdiko epean Gaztea maketa lehiaketa irabazi eta Bilbao BBK Live jaialdian ere parte hartu du eta kontzertu ugari ematen dabil.
Taldea Ane Barrenetxea (ahotsa), Janire Lopez (baxua eta teklatua), Julen G. Wright (gitarra) eta Esteban Gabiriak (bateria) osatzen dute. Lehenengo biak Dekot taldearen hastapenetan arituak, eta Gabiria Educados taldean.
Aurten Sua izeneko lau abestiko EPa kaleratu dute, eta oraintxe Ordu beltzak izeneko lan luzea. Irekita daude estilo askotara eta energia zein samurtasunak, biak, dituzte. Euskara –beraien ama hizkuntza– eta ingelesa –entzuten dutenaren isla– dira aukeratutako hizkuntzak, eta bai batean zein bestean emaitza oso aberatsa da, betea, Anek ingeleserako ere dikzio oso txukuna dauka-eta.
Introan Belako gogora ekarri didate nahiz eta pieza are eta ilunagoa izan. 1021 misteriotsua da, melodikoa, indartsua, itsaskorra eta baita ere Riot Grrrl-en eskolakoa. Ordu beltzak-en nabarmentzen da Anen ahotsa eta rockarekin, indiearekin eta grungearekin dantza egiteko erritmoak jartzen dituzte. Reddish-ek edaten du Pixies jostarienetatik eta oso-oso melodikoa da. Zapatu gaua II hazten doa –gaua bezala– intentsitatez eta melodia borobil-borobilez. Shake it out misteriotsua da, intrigako erritmoekin eta ia-ia orkestrala bilakatzen da. Euri gabe, lorerik ez dantzagarriena eta zirikatzaileena da, new wave gitarra eta guzti. Shame indartsua da, riff rockeroekin, eta punk-rocketik barrena ia dark-technoan amiltzen da. Gau(ero) bizkaieraz xuxurlatutako kantu post-rock minimalista erakargarria da. Eta, bukatzeko, Cliff pieza ederra, pop eta post giroetan blaituta eta barrenak hustutzetik daukana… A ze interpretazioa!
Goizegi Hiltzeko
Ødei
Autoekoizpena, 2025
53 min.
Ulertzen nauten herrian ez da musika hau entzuten. Rap musikak akaso urte okerragoak izan ditu Euskal Herrian, baina oraindik ez da beste batzuen altuerara heldua. Denentzat ditu koplak Odei Barroso... [+]
Zatitxu 7
Zikin
Mendeku diskak, 2025
-------------------------------------------------------------
Aurten ere, udarekin batera dator Zikinen lan berria, esanez bezala: berdin zait oporrek hartzen bazaituzte Elantxoben, Belaguan edo Copacabanan. Eguraldi onak ez du egoera... [+]
Alegoría del mal
Rat-zinger
Kasba Music, 2025
--------------------------------------------------------------
Apokalipsiaren aurreko garai ustel hauetan, non eskuin atzerakoienak lortu duen bere diskurtsoa erdian jartzea, erabat ezabatuta dagoen gizarte batean,... [+]
C.R.I.N.G.E
Azuleja
Le Royale, 2024
--------------------------------------------------------------------
Bai, ia beti euskal taldeak dira lerro hauetan intereseko. Guretzat, eta zuentzat. Baina pixka bat epifania moduan, Amabirjina ikusi duenak nola, hala daukat... [+]
Norabide bakarrean
721-Gogor Gabiltza
Autoekoizpena, 2025
---------------------------------------------------------
Askotan, guraso garenon kezka bat da ea seme-alabek gure aholku edo "txapak" aintzat hartuko dituzten, jakitun izanda, era berean, guri kontra... [+]
Miruenea
Mirua
Oso polita, 2025
--------------------------------------------------------------
Bi urtez egon dira lanean Miruakoak “inoiz egin duten proiektu garrantzitsuena” aurkezteko: Miruenea. Eta, egia da, gaur egun artista guztiek dioten arren... [+]
Dirudienez
Karma
Autoekoizpena, 2025
--------------------------------------------------------
Mugatzat ez badugu ere, muga da askotan Bidasoa; kulturala, informazioarena… Eta beste aldekoa urrun gelditzen zaigu. Bada, gogoa eta laguntasuna dira muga apurtzaile... [+]
XAK
Xak
Mukuru, 2025
---------------------------------------------------------------
Entzun baduzu eta ez bazaizu sobera sartu, esango nizuke: entzun berriro. Nire urteko disko kutunena izango dena egin berri du Paxkal Irigoyen baxenabartarrak, oraingo honetan, XAK... [+]
It's on
JOHN DEALER & COCONUTS
Ghost Highway, 2025
------------------------------------------------------
Adin batetik aurrera kontzertuak, diskoak eta kantuak bizkarrean eta burmuinean pilatuta, eta musika entzuteko denbora murritzagoa bilakatuta, taldeak bilatu... [+]
Esperoan
Hiuzz
Autoekoizpena (egun motelak kolektiboa), 2024
Ohartu gabe igarotzen diren taldeen multzoa gero eta handiagoa da, edo inoiz baino handiagoa, behintzat. Hiuzz taldearen Esperoan lanak hilabete batzuk... [+]
Obducción de la Amenaza / Zirt Zart (Split-ep)
2024
---------------------------------------------------
Musika panorama erraldoia da, helduezina. Horien artean badira foku guztiak bereganatzen dituzten talde handi gutxi batzuk; horren nahian diharduten beste asko,... [+]
Poliorkêtês
Kerobia
Autoekoiztua, 2025
--------------------------------------------------------
Azken aldian, lerrootan asko nabil hausnartzen musikak izan beharko lukeen “misio historikoaz” eta abarrez. Eta, nolabait, zer egin beharko lukeen... [+]
Antifa hardcore
Lee-Kore + Hoben
Autoekoizpena
---------------------------------------------------------
Tamalez ez da ohikoa Arrasaten hardcore kontzertuak egitea, bestelako musika eszenak nagusitzen direlako. Hala bada, joan den larunbatean herriko gazte batzuen... [+]
Bizitza eztia
Verde Prato
Plan B Records, 2024
--------------------------------------------------------------
Ousmane Sembène zinemagile senegaldar ospetsuari galdetu zioten ea bere pelikulak Europan ulertzen ote ziren. Erantzuna, epikoa: “Izan gaitezen... [+]
Bidea da helmuga
Kokein
Balaunka, 2024
--------------------------------------------------
Eibarko rock talde beterano hau familia oso desberdinetako lagunek osatu zuten aspaldi eta ia fisurarik gabe hamarkadatan eutsi dio. Izan ditu atsedenak, gorputzak hala eskatu... [+]