Magnesita harrobiak kalte "larriak eta atzeraezinak" ekarriko dizkio Erdizeko ekosistemari
MAGNA enpresak Artesiagako portu ondoan zabaldu nahi duen aire libreko esplotazioak 100 hektarea baina gehiago hondatuko lituzke, Sustrai Erakuntzak dioenez. Horrez gain, kalte sozio-ekonomikoak ere handiak lirateke.
Magnesitas de Navarra SA enpresak Erdiz ingururako aurreikusita duen proiektuak ekar ditzakeen kalteak aztertu ditu Sustrai Erakuntzak txosten batean. Analisia “hasierakoa” eta “oso mugatua” dela aitortu duen arren, hortik ateratako ondorioak kezkagarriak iruditu zaizkio fundazioari.
Bere esanetan, harrobia joango den tokian 100 hektarea inguru hondaturik gera litezke, horien erdia “aziendarentzako kalitate handiko larreak” eta pagadi sail zabalak ere bai. Hala, inguru hartako ekosistema “larriki” zaurituko luke harrobiak.
Sustraik salatu duenez, proiektuaren txostenak onartzen duena baino askoz handiagoa izango da kaltea, zuzenean eragiten baitie otadiei, elorriei eta gorostiei. Gainera, esplotaziora iristeko Artesiagako errepidea handitzeak ere eragingo luke –egunean 150 kamioi pasako lirateke–. Fundazioak gogorarazi du, bestalde, Alduideko inguru hura “kontserbazio bereziko eremu” izendaturik dagoela, eta bertan behera geratu zen Zilbetiko meategia ere eremu horretan zabaldu nahi zutela.
Kalte sozio-ekonomikoak ere nabarmenak izango dira, txostenean agertzen denez, batez ere lehen sektoreari eragingo lioke: “Ezinezkoa da proposatutako harrobiaren eta artzaintzaren arteko elkarbizitza”.
Hala, proiektua “goitik behera aldatzea” eskatu dute eta babesa eman diete Erdiz Bizirik plataformaren mobilizazioei.
Xorroxin Irratian txostenaz eta proiektuaren kalteen jardun ziren:
Maiatzaren 11n manifestazioak egingo dira Bilbon eta Iruñean bidezko trantsizio ekosoziala aldarrikatzeko, Euskal Herriko Eskubide Sozialen Gutunak, Emakumeen Mundu Martxak eta Gune Ekosozialista erakunde ekologistak deituta. Manifestazioak 12:00etan abiatuko dira Gaztelu... [+]
Capital Energy multinazionalak Urretxu ondoan dagoen Irimo mendian zentral eolikorik egin ez dezan eskatzeko egingo dute elkarretaratzea maiatzaren 7 goizean.
Urte batzuk ditugunok (nire kasuan, mordoska) sarritan entzun izan diegu gure guraso eta senitarteko helduenei garai bateko ikuskizun harrigarri baten berri. Ipuin baten gertatuko balitz bezala, larreak “argi txikiz” apaintzen zirela maiatza inguruko gau garbietan... [+]
Munduko Meteorologia Erakundearen (MME) 2023ko txostenak erakusten du beste behin ere markak hautsi direla klimaren adierazle diren hainbat alorretan: berotegi-efektuko gasak, lurrazaleko tenperatura, ozeanoen berotzea eta azidotzea, itsasoaren mailaren igoera, Antartikako itsas... [+]