ARGIA.eus

2020ko irailaren 29a
GAIZKI ERRANKA

Mintzatuz gero... Norekin, baina?

Santi LeonÚ @ororostorm
2018ko azaroaren 04a

Ez da naski Espainiako ezker guziaren leloa –ez gaitezen gu ere errazkerian eror–; bai, ordea, hedabideetan pisu handiena duen ezker ustez ilustratu baten lelo nagusietarikoa: “Mintzatuz gero, hau guzia konpon dezakegu”. Problema katalana da “hau guzia”, eta solas eginez erdiestekoa den konponbidea Katalunia Espainian gelditzea. Beharbada horixe izan da eta da problema espainola: jarrera toleranteena erakutsi nahi izan dutenek ere ez onartu izana independentzia konponbide bat izaten ahal zela. Ez bakarra; bai balizko konponbideetarik bat.

Horretan lagungarria izan da Guillem Martinezen bereizketa –herriaren prozesua, batetik; murrizketak barkarazteko edota atzenarazteko asmoz alderdiek bulkaturiko prozesu ofiziala, bertzetik– hartu eta sinplifikatzea, gertatutakoa bi indar itsuren talka izan dela adierazteko: Alderdi Popularraren autoritarismoa (zeina ezaugarri politikoa baita) eta independentisten egoskorkeria (zeina haurrei egozten zaien makurra baita). Jordi Évolek inork baino hobeki laburbildu zuen txio olinpiar batean: “Hau desastrea! Zeinen gaizki, dena”.

Évole bera etorri zaigu bertze behin azaltzera mintzatuz gero hau guzia konpon dezakegula. Aldez aurretik, jakina, independentistek egindakoarengatik damua agertu eta onartu behar dute honek guziak ez duela deusetarako balio izan. Horren trukean, nagusi den ezker tolerantea politikari presoak askatzearen alde azalduko da.

Bertze egun baterako geldituko da galdegitea hainbat katalanek –urriaren 1ean zafratuak izan ondotik eta auzo nazioko erregeak eta herriak aho batez “a por ellos” kantatu ondotik–, noizbait lortuko duten ez eroso sentitzea, baizik eta irenstea Estatu horren pean segitu behar dutela bizitzen.

Mintzatuz gero, hau guzia konpon dezakegu. Norekin, baina?

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Katalunia independentziarantz

Katalunia independentziarantz kanaletik interesatuko zaizu...

ASTEKARIA
2018ko azaroaren 04a
Azkenak
EGILEA
Argia buletina
Egunaren laburpena
zure e-postan
Eguneraketa berriak daude