Hegoaldeko trenbide saihesbidea

Zementu gehiago Meatzalde eta Ezkerralderako

  • Azken hilabeteotan hautsak harrotzen ari da –ez lehenbizikoz– mende hasieratik datorren azpiegitura proiektu bat: hegoaldeko trenbide saihesbidea, Santurtziko portura iristen diren merkantziak trenez ateratzeko helburua duena. Momentuz zati bakarra dago eginda, Serantes mendiaren azpiko tunela. Eginda, baina itxita; 2010ean amaitu zenetik ez da trenik ibili bertan. Tunelari behingoz erabilpena emateko Espainiako Gobernuak Ortuella eta Bilbo arteko hamabi kilometroko trenbide berria proposatu du, baina proiektuari dozenaka alegazio aurkeztu dizkiete Ezkerralde eta Meatzaldeko herri elkarte eta erakundeek, eskualdeoi ekarriko lizkiekeen kalteak direla eta.

Unai Brea @unaibrea
2016ko apirilaren 10a
Serantes mendiko tunelaren irteeretako bat –gaur egun itxita–, Ortuellako aldean.
Serantes mendiko tunelaren irteeretako bat –gaur egun itxita–, Ortuellako aldean.Argazkia: Irantzu Pastor

Euskal Herriko “Castelló-ko aireportua” esan izan zaio Seranteseko tunelari. Espainiako Sustapen Ministerioak 2001ean onartu zuen hura eraikitzeko proiektua, baina lanak ez ziren 2005era arte hasi. Amaitu, berriz, 2010ean. Iragarritako helburua zen Santurtziko Portutik trenez ateratzen diren merkantzien zati bat bertatik eramatea, Ezkerraldeko herri populatuak (Santurtzi, Portugalete, Sestao, Barakaldo) garraio horren zamaz libratzeko hein batean.

Batzuk libratzeko beste batzuen bizkar gainean ipini behar, ordea. Seranteseko tunelak jarraibidea izateko portuko merkantziak Ortuella eta Trapagaran herrietatik igaro behar ziren, Meatzaldea bailaran. Proiektuak erantzuna jaso zuen herriotan –haren aurkako Meatza plataforma sortu zen besteak beste–, eta azkenik adostu zen tunelak ez zuela funtzionatuko hegoaldeko trenbide saihesbide osoa egin arte.

2008an onartu zen saihesbide proiektua, hamazortzi kilometrokoa, Arrigorriagaraino iritsiko zena hirigunerik zeharkatu gabe. Kostua, 600 milioi euro. Ordurako hasita zegoen krisi ekonomikoa, eta Madril ez zen proiektuan murgildu. Seranteseko tunela amaitu egin zen, ia 50 milioi euro gastatuta, baina erabiltzeke dago oraindik.

2014an gaia berpiztu

Afera lozorroan egon zen 2014ra arte. Orduan, eskualdeko herritarrek prentsaren bidez ezagutu zuten Espainia eta Euskal Herriko zenbait ordezkari publiko tunela martxan jartzeko asmoa agertzen hasiak zirela. Hamarkada bat lehenagoko erresistentziak berpiztu eta Meatza plataforma berriz hasi zen lanean; 2015eko urtarrilean 2.000 lagun bildu ziren Ortuella eta Trapagaranen egindako manifestazioan.

Azkenik, azaro amaieran, hauteskunde orokorretarako kanpaina hasi baino astebete lehenago jakin zen Sustapen Ministerioaren asmo zehatza. Zehazki, azaroaren 28an argitaratu zuten hegoaldeko trenbide saihesbidearen lehen faserako ikerketa txostena, alegazioak aurkezteko hilabeteko epea irekiz. 2008ko helburuak apaldu egin dira, baina ez dira makalak: txostenak hainbat ibilbide aztertzen baditu ere, Ministerioak lehenesten duenak hamabi kilometroko luzera eta 300 milioi euro inguruko kostua leukake.

Ibilbidearen zati handiena –bederatzi kilometro inguru– hiru tunelen azpitik igaroko litzateke, eta biadukto bi ere izango lituzke. Aukera guztietan garestiena eta ingurumenerako kaltegarriena dela onartzen du txostenak berak, baina “funtzionalitateagatik” lehenesten du. Hau da, Bilbo eta Santander arteko balizko AHT linearekin lotura egiteko egokiena litzatekeelako.

Ingurumenari kalteak

Proiektuak alegazio ugari jaso du, bai herri mugimenduarenak bai erakundeenak, inguruko udalenak batik bat. Azpimarratzekoa da, zentzu horretan, Amaia del Campo Barakaldoko alkate jeltzaleak proposatutako ibilbideaz esandakoa: “Ingurumenerako basakeria da”. Udalerriko azken gune naturalen defentsan diharduen Barakaldo Naturala plataformak, hain zuzen, hainbat alegazio aurkeztu dizkio Espainiako Gobernuaren txostenari. Besteak beste, balio handiko parajeak suntsituko liratekeela azpimarratzen dute.  

Bestalde, Barakaldo Naturalak bere alegazioetan gogorarazten du proiektuaren txostenak ez duela kontuan hartzen Argalarioko biltegia –haren azpian tuneletako bat eraikiko litzateke– beranduenez hamar urte barru hustu behar dela. Ehunka mila tona lindano daude gordeta Argalarion.

Proiektua bera ezbaian

Ingurumenarekin zerikusia duten alegazio zehatzetatik harago, Barakaldo Naturala eta Meatza elkarteek –bigarrenak 72 alegazio aurkeztu ditu orotara– proiektu osoa jartzen dute ezbaian. Portuko merkantzien garraioari irtenbidea emateko modua birpentsatu behar dela diote, inguruko herritarren iritzia benetan kontuan izanik. “Arazoa da”, diosku Meatzako kide batek, “ikerketa txostenaren helburua nagusia Seranteseko tunela irekitzea dela. Gure bizi-kalitatearen aurkako erasoa da, eta ez da lehena, tunela irekitzeari alternatibarik ba ote dagoen pentsatu gabe”.  

Espainiako Gobernuak proposatu duen ibilbidearen aldekoak eta kontrakoak ez datoz bat funtsezko gauza batean. Lehenbiziko multzokoek –Eusko Legebiltzarrean ordezkaritza duten talde politiko gehienak barne– diote premiazkoa dela Santurtziko Portuko merkantzien garraioari bide berriak eskaintzea, handitu egin baita portura iristen diren salgaien kopurua: %10 inguru, 2012tik.  Bestelako iritzia dute egitasmoaren aurka dauden herritar taldeek eta EH Bilduk, besteak beste. Koalizioak eta Eguzki talde ekologistak argudiatzen dute ikuspuntu zabalago batez begiratuta datuak oso bestelakoak direla: zehazki, %25eko jaitsiera 2007 eta 2013 bitartean.

Espainiako Sustapen Ministerioaren hurrengo urratsaren zain daude orain, batzuk bezala besteak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Azpiegitura handiak  |  Garraioa  |  Bizkaia

Azpiegitura handiak kanaletik interesatuko zaizu...
2018-10-12 | Estitxu Eizagirre
Lerro artean: Espainiako Kontu Auzitegiak erraustegiaz emandako epaiaren osteko adierazpen gakoen bilduma

Espainiako Kontu Auzitegiak urriaren 10ean ateratako sententziak arrazoia eman die Ainhoa Intxaurrandieta (GHK-ko lehendakari ohia) eta Iñaki Errazkini (Ingurumen diputatu ohia). PSE eta EAJren aldeko botoekin, egungo Gipuzkoako Hondakinen Kontsortzioak (GHK) jarri zuen haien aurkako salaketa. Epaiaren ostean hainbat eragilek hainbat hedabidetan egin dituzten adierazpenen bilduma osatuko dugu albiste honetan.


2018-10-12 | Usurbilgo Noaua
EHBilduk zoriondu ditu Errazkin eta Intxaurrandieta: "Arazoa berbideratzeko eta soluzioak bilatzeko garaiz gaude"

Txalo artean hartu dituzte EHBilduko Gipuzkoako ordezkari politikoek Ainhoa Intxaurrandieta eta Iñaki Errazkin koalizioaren Donostiako egoitzan, Espainiako Kontu Auzitegiak ezagutzera emandako epaiaren biharamun honetan. Gogoan izan, 2013ko azaroan Zubietan garai hartan eraikitzea aurreikusten zen proiektua bertan behera uztea erabaki zuten orduko EHBilduko agintariek. Erraustegia geratu izanagatik, egungo GHK-ko agintariek auzitara eraman zituzten Intxaurrandieta eta Errazkin... [+]


2018-10-10 | ARGIA
Epaileek arrazoi eman diete Errazkin eta Intxaurrandietari: erraustegia gelditzea ez zen delitua izan

ARGIAk iturri zuzenen bidez jakin ahal izan duenez, epaileek arrazoi eman diete Ainhoa Intxaurrandieta eta Iñaki Errazkini. Apirilean epaitu zituzten Madrilen, aurreko legegintzaldian Gipuzkoako erraustegia gelditzeagatik, gaur egungo GHKk salaketa jarrita. 40 milioi eurotik gorako zigorraren itzala izan dute gainean.


2018-10-08 | Pili Arruiz
Gipuzkoako etorkizuna eraikitzen ari omen dira...

Markel Olanok eta Jose Ignacio Asensiok, hedabide batzuen laguntzarekin (Diario Vasco, Noticias de Gipuzkoa eta EITB) klima aldaketaren kontra lan egingo dutela diote. “Balorizazio energetikoak laguntzen du aldaketa klimatikoa gutxitzen” zioen Foru Aldundiko Ingurumen diputatu den Jose Ignacio Asensiok DVn.


2018-10-08
GuraSOSek Usurbilgo frontoian antolatu duen ekimenean "Etorkizun koloretsua" irudikatu dute haurrek

“Idatzi eta margotu etorkizuna kolore biziz” hortxe GuraSOS-ek igande honetarako (urriak 7) etxeko txikienei luzatua zien gonbita. Kamiseta zahar bat jantzita Dema plazara agertu eta guraso taldeak bertan prestatzekoa  zuen sorkuntza eremuan parte hartzeko deia egina zieten.


2018-10-07 | Iñaki Barcena
Iraultza txikien akanpada

Indarberritua ateratzen zara horrelako esperientzietatik. Guztiz. Zubietan (Gipuzkoa) bildutako 400dik gora lagunek ez dugu erraz ahaztuko asteburu eguzkitsu horren trebakuntza. Lurralde Askearen lagunek prestatutako agendak maisuki bildu ditu herri mugimenduen kolore anitzak, tamaina guztiak eta nortasun politiko osagarriak. Dudarik gabe, gure buruek eta gure bihotzek lurrikaratxo zirraragarri bat sentitu dute  joan den aste-bukaeran eta emaitzak ikusiko dira. Hurrengo hiru kontzeptuen... [+]


AHTaren obrak geldiarazteari ezetz esan dio Nafarroako Parlamentuak

Nafarroako Parlamentuak ez du onartu Abiadura Handiko Trenaren obrak geldiaraztea eskatzeko EH Bilduk aurkeztutako mozioa. Geroa Bai, UPN, PSN eta PPNren ezezko botoa jaso du mozioak; EH Bilduk, Ahal Dugu-k eta Ezkerrak, berriz, babestu egin dute. 


Beste langile bat hil da AHTren obretan: azpikontratatua eta atzerritarra

Abiadura Handiko Treneko obretan ari zela langile bat hil da Zizurkilen asteartean arratsaldeko 18:30ean. Egun gutxiren buruan obra horretan zendutako bigarren langilea da.


2018-10-02 | ARGIA
Erraustegia gelditzeko eskatuz manifestazio bateratua deitu dute urriaren 27rako

Eragile ugari batu dira elkarrekin erraustegia gelditzeko eskatuz, manifestazioa deitzeko. Hauek elkartu dira:  Erraustegiaren Aurkako Mugimendua, Gurasos, Osasuna etaIkerketa Mediku Taldea, ELA, LAB, CCOO, ESK, STEILAS, EHNE, HIRU, Eguzki, Ernai, Gipuzkoa Zutik, Greenpeace eta No + Precariedad.


Erraustu = egurtu, konplexurik gabe

“Egia esan eta / Zigorrez erantzun / Gure bizkar moretan / Diteke irakur…”. Julen Lekuonak berriz kantatuko zuen egon balitz Zubietan irailaren 23ko arratsaldean. Zer nezesidaderekin, Markel Olano, zeren beldur?


ASTEKARIA
Azkenak
EGILEA
Eguneraketa berriak daude