Orain erabakiak
Estadioak bete ez ziren arren, milaka lagunek parte hartu zuten ekainaren 21ean Euskal Herriko hiriburuetan Gure Esku Dagok antolatutako oihal kate eta festa erraldoietan. Erabakitzeko eskubidearen aldeko herri mugimenduak aro berri bati ekingo diola iragarri zuen, “anbizioz eta determinazioz”.
aurre egingo dieten hedabide independenteak
Beste behin, milaka lagun bildu ditu Gure Esku Dago dinamikak erabakitzeko eskubidearen alde. Euskal Herriko bost hiriburutako plaza, kale eta estadioetan jende ugari bildu zen, eta irudi ikusgarriez gozatu ahal izan zuten herritarrek, ekimenaren sinbolo izan diren oihal koloretsuak eskutan hartuta.
Aurtengo ekitaldi nagusiak bazituen osagaiak arrakastatsua izateko. Alde batetik, iazko giza katearen olatuetatik sortutako ilusioak mugimenduari emandako indarra. Gihar hori herri eta auzo ugaritan sumatu da: dagoeneko 230 batzorde baino gehiago ditu ekimenak Euskal Herriko lurralde guztietan. Horren erakusle da Gure Esku Dagok Ipar Euskal Herrian ere egin dituela sustraiak, Baionan ikusi dugun moduan. Lurraldetasunaren ikuspuntutik ere jauzi kualitatiboa bada hori.
Bestetik, alderdi politiko, erakunde eta eragile ugariren babes esplizitua jaso zuen ekitaldiak. Hala, EAJk eta EH Bilduk, norbere aldetik, herritarrak “animatu” zituzten ekitaldietan parte hartzeko. Bi aste lehenago Gure Esku Dagok gizarte, kultura, politika eta kirol munduko 80 pertsona ezagun bildu zituen helburu berarekin. Euskal telebista publikoak ekimena iragartzeko eta jarraitzeko aurten jarritako baliabideak ere nabarmentzeko modukoak izan dira.
Goizeko oihal kate eta kalejiretan giro ederra nagusitu zen, kaleak jendez mukuru zeuden iazko alaitasun berarekin. Arratsaldean estadioak eta zezen plazak betetzea zen helburu, baina ekimenak ez zuen hori lortu. Iruñeko zezen plazan, esaterako, eguzkipeko harmailak nahiko hutsik geratu ziren eta San Mamesen ere hutsune oso handiak ikus zitezkeen. Antolakuntzak berak ohar bidez onartu zuen “aulki hutsak parez pare” jarri zituela arratsaldeak: “Aulki huts horiek oraindik ere batu ez ditugun herritarrei egiten diegun eskaintza dira. Umiltasunez, determinazioz eta borondatez. Sinesten dugulako badagoela oraindik herri honetan aulki horien jaberik”.
Ekimeneko arduradunek datozen egunetan aztertu beharko dute zerk egin duen huts harmailak ez betetzeko, baina bistakoa dirudi ekimenak beste pizgarri bat behar duela erabakitzeko eskubidearen aldarriarekin aurrerapausoak emateko. Hain justu, Gure Esku Dagok mezu nagusian iragarri du hemendik aurrera “erabakiaren aroa” hasiko duela, “fase definitiboa”. Horri lotuta egon litezke, adibidez, datorren urtean hainbat herritan egingo diren herri galdeketak. Lehenik Goierriko 21 udalerriek jakinarazi zuten kontsulta bateratua egingo zutela; joan den astean berriz, Dima, Ispaster eta Hernani gehitu zitzaizkien. Olatu horrek jarraitzen badu, laster ikusiko dugu noraino eragiteko gaitasuna izango duen.
Nolanahi ere, erabaki eskubidea egunero eskala txikian praktikara eramateak jendea aktibatzeko eta arazoei aurre egiteko ere balio lezake, balio izan duen moduan LOMCEri desobeditzeko garaian edo laborantza ganbarak sortzerakoan. Izan ere, zertarako nahi dugu erabaki, herri honetan bizi ditugun gatazka anitzei irtenbidea emateko ez bada?
Norbere gorputzaren gaineko erabakiez, estetika heteropatriarkalaren morrontzaz, kontraesanez eta musikaren industriaz solastatzeko baliatu dugu Arrigorriagako polemika: herri horretako jai batzordeak Vulkano orkestra festa-egitarautik kentzea erabaki du, ikuskizuneko... [+]
Danimarkako Gobernuak argudiatu du, azken urteotako aldaketa geopolitikoen aurrean defentsarako baliabide gehiago behar dituela. Errusiak Ukraina inbaditu izana aipatu dute preseski, baita AEBetako Trump presidenteak Groenlandia uhartea kontrolatzeko asmoa iragarri izana ere... [+]
Hori da Munduko Osasun Erakundeak iragarri berri duen zenbaki ikaragarria. Horregatik, osasun arloko profesionalen CPTS taldeak prebentzio kanpaina berria plazatu berri du, publiko handia asaldatzeko.
Europako Batzordeak, Batasunaren barne-segurtasuna indartzeko promesarekin, aspaldi lantzen ari den bide-orri bat aurkeztu du segurtasun-indarrek herritarron datuetarako sarbide eraginkor eta zilegia izan dezaten. Krimen antolatua, terrorismoa, haurren abusua eta antzeko... [+]
Frantziako Estatutik kanporatu zituzten, asilo-eskaerak Espainiako Estatuan egin behar zituztela esanez. Asteak daramatzate zain Donostiako Amara auzoan.
Erakundeek, beren helburua bete ondoren ere, bizirik irauteko ahalegina egiten dute, Max Weber-ek zioen modura. Baina porrotaren kontzeptuaren eremutik haratago joan eta jakinduria eta ausardia behar dira elkarte bat amaitzeko, Alan Badiou gogoratuz.
Euskal Herrian ere... [+]
Hainbat gauez jarraian, gorrotoa eta arrazakeria hedatu eta "etorkinen aurkako ehiza" egin dute Murtziako herri batean, "Espainia garbitzeko". Kolektibo antiarrazistek ultraeskuinaren inpunitatea salatu dute.
BiziLagunEkin plataformak desazkunde turistikoaren aldeko Euskal Herriko topaketak egingo ditu Donostian, elkar ezagutzea, esperientziak partekatzea eta gogoeta kolektiboa egitea helburu. Egitarauaren xehetasunak datozen asteetan jakinaraziko dituzte.
Eusko Jaurlaritzako Segurtasun Sailaren arabera, hainbat pertsonen arteko borroka bat zela eta bertaratu dira larunbat gauean ertzainak Ordiziara (Gipuzkoa), eta liskarrak izan dira. Bi ertzain ospitaleratu dituzte: bat lepauztaia apurtuta eta masailean ukabilkada bat jasota;... [+]
Euskal Herritik eta Kataluniatik abiatu da aurtengo Mugak Zabalduz karabana. Calaisko itsasartea, Frantziako Estatuan du helmuga, giza eskubideak bermatzea eta berehalako erregularizazioa eskatzen ditu besteak beste.
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Bere buruzagi historiko Abdullah Öcalenek joan den astean Turkiako Imraliko espetxetik eskatutakoari men eginez, PKK Kurdistango Langileen Alderdiak ekin dio armagabetzeari. Ostiralean egin dute ekitaldia, Iraken menpeko Kurdistango Sulaimaniya hirian, eta 30 gerrilari... [+]
153 orrialdeko txosten bat kaleratu du parlamentuak. AEBak ez ditu apenas zuzenean aipatu, baina horretarako "ikuspegi atlantista" terminoa erabili du: "Europak darabilen ikuspegi horrek gerra-komertziala ekarri du Europaren eta Txinaren artean, ageriko kalte eta... [+]
Konfiantzaren erronka izenburua jarri diote Kanakyko indar independentisten eta unionisten arteko akordioari. Ozeano Bareko uhartediak herrialde europarraren parte izaten jarraituko luke, baina estatu izaera lor dezake kaledoniarrek hala bozkatzen badute. Datorren urte hasieran... [+]