Xabier Letona @xletona
2014ko urriaren 05a

BI ATE itxi dira Katalunian eta bat ireki joan den ostiral eta larunbatean. Lehena Jordi Pujolek Kataluniako Legebiltzarrean hilaren 26an egindako agerraldiarekin itxi zen. Bere afera itzal bihurtu zaio eta honek luze jarraituko dio Pujoli; jarraituko dion moduan CDC zaharrari, baina seguruenik esparru murriztu batean, CDC berria jadanik lortzen ari baita zaharraren ingurua babes harresi batekin inguratzea. Pujolek berak eman zion lekukoa Masi CDC berriaren eraikuntzan, baina mugimendu soberanistak finkatu du berau edo, akaso, Enric Julianak La Vanguardian dioen bezala, sortu berri den “Masen Alderdia”.

Itxi den beste atea orain arte mugimendu soberanistak elkarrekin egin duen bidea da, hau da, A-9ko erreferenduma deitu artekoa. Haien Maltzaga txikira heldu dira. Eta orain zer? Orain bi galdera ikur nagusi daude. Espainiari dagokionez, epe laburrari begira ez da ezusteko handirik espero: azalekoan, debekuaren matrakarekin jarraituko du. Begia mamian jarriz, aldiz, bi urteko epe ertainera begira estatu federalaren azenario goxoa ondo prestatzea giltzarri izan daiteke PP-PSOEren bide-orrian. Madrilgo eskaintzen artean, datozen aste eta hilabeteetan oso posible da hizkuntzan, hezkuntzan eta ekonomia gaietan katalanek etorkizunean izan dezaketen blindajearen oihartzunak areagoatzea. Edozein modutan, gaitza dirudi 2016ra arte ezer seriorik gauzatzea. 2015 hauteskunde urtea da bete-betean: maiatzean udal hauteskundeak eta urte bukaera aldera Espainiako orokorrak. PP eta Mariano Rajoy horretan kontzentratuak dira orain eta jakin badakite egungo gehiengo osoa errepikatzea ezinezkoa edo gaitza izango dela. Abortuaren Legearekin atzera egin izana da horren erakusle adierazgarriena. Estatuaren ikuspegitik egoera oso arriskutsua sortzen ari zaio Katalunian, baina alderdiarenetik ez hain txarra: azken finean, egoera ekonomiko-sozialaren makurra estaltzeko ondo baitatorkio Katalunia eta, are hobeto, hauteskundeei begira espainiar nazionalismoa bere inguruan trinkotzeko.

BITARTEAN, Kataluniako soberanismoak nola gurutzatuko du ireki zaion ate berria? Orain arteko bidea egiteko hiru klabe nagusi izan dituzte: lehena, Espainiako ezezkoaren bultzada; bigarrena, gizarte ekimena prozesuaren buruan jarri izana, alderdiak korronte horretara eramanez; eta hirugarrena, alderdi soberanistek erreferendumaren deialdi dekretura arte erakutsi duten batasuna.
Espainiak jadanik jarri du abian erantzunaren makina. Konstituzio Auzitegiaren ebazpenaren zain –honek luze joko du–, Kontsulta Legea eta Kontsulta Dekretua bertan behera geratuko dira behin-behinekoz. Gaurkoz Mas buru duen mugimendu soberanistak, aldiz, aurrera jarraituko al du kontsultaren prestakizunekin? Noiz arte? Kanpaina berarekin jarraitzea Madrilgo aginduen aurka joatea da eta, beraz, desobedientzian sartzea? Edo desobedientzia hautesontziak jartzea litzateke? Datozen egunetan ikusiko ditugu lehen erantzunak.
Aurreikuspen guztien arabera, eta debeku egoeran, lubaki baino hauteskunde aurreratuetarako txirrista litzateke kontsulta independentistentzat. Hortik aurrera abiatzea kinielen munduan murgiltzea da. Independentistek eta Estatuak, biek egingo dute jausi A-9ko suaren gainetik eta sugarrek dagoeneko eragingo dituzte lehen erredurak. Adibidez, zer jarrera erakutsiko du azkenean ICVk debekuaren aurrean? CDC/ERC elkarrekin joango dira balizko hauteskunde aurreratuetara? Prozesu Konstituziogilea, Guanyem eta CUPen artean hautes-eskaintzarik sortuko ote...? Segurtasun bakarra dago oraingoz, ate bat iraganda, bigarrenerako bidea askoz tentsio handiagokoa izango dela.

SEZESIOA lortzeko, berau bilatzen duen eta jatorrizko estatuaren arteko tentsioa mantentzea eta handitzea giltzarri dela esan zuen Asier Blas EHUko irakasleak Argia Egunaren karietara independentziari buruz egindako hitzaldi arras interesgarrian (Argia.com-en da bideoa). Oraingoz behintzat, tentsioren gorakada bermatua dute Katalunian. Hitzaldi berean, Iñaki Antiguedad Amaiurko diputatu ohiak –gehiago Euskal Herriari begira ari zela– independentziaren bidean egunerokoan egin beharrekoei eman zien garrantzia. Katalunian tentsioak eta egunerokoak dagoeneko bat egin dute une honetan.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Katalunia independentziarantz

Katalunia independentziarantz kanaletik interesatuko zaizu...
2018-11-18 | Saioa Baleztena
Tamara Carrasco, CDRetako kidea
"Ziegarik gabeko espetxean bizi naiz"

Kataluniako “CDRetako koordinatzaile izateagatik” Espainiako Fiskaltzak terrorismo, matxinada eta sedizio delituak egotzita, apirilaren 10ean atxilotu zuten Tamara Carrasco (Sant Vicençs dels Horts, Herrialde Katalanak, 1983). Bi egun Madrilgo kalabozoetan igaro ondoren, Diego de Egea epailearen aurrean deklaratu eta aske utzi zuten, kautelazko neurriekin: bere herritik ez ateratzea eta astelehenero Gavàko epailearen aurrean aurkeztea. Espainiako Auzitegi Nazionalak... [+]


2018-11-14 | ARGIA
Espainiako Errege-Etxeari buruzko ikerketa batzordea sortuko du Kataluniako Legebiltzarrak

Kataluniako Parlamentua ikerketa batzordea sortzear da Espainiako Errege-Etxearekin lotutako pertsonen ustezko "jarduera kriminalen" inguruan. JxCat, ERC eta Catalunya En Comun-Podem taldeek gehiengoa lortuko dutela egintzat ematen dute hainbat hedabidek.


2018-11-04 | Santi LeonÚ
GAIZKI ERRANKA
Mintzatuz gero... Norekin, baina?

Ez da naski Espainiako ezker guziaren leloa –ez gaitezen gu ere errazkerian eror–; bai, ordea, hedabideetan pisu handiena duen ezker ustez ilustratu baten lelo nagusietarikoa: “Mintzatuz gero, hau guzia konpon dezakegu”. Problema katalana da “hau guzia”, eta solas eginez erdiestekoa den konponbidea Katalunia Espainian gelditzea. Beharbada horixe izan da eta da problema espainola: jarrera toleranteena erakutsi nahi izan dutenek ere ez onartu izana... [+]


2018-11-04 | Z. Oleaga
Kataluniako prozesutik ikasten, Euskal Herrian zer?

CUP, Gure Esku Dago, Sortu eta Zergatik ez? antolakundeetako ordezkari banarekin mahai ingurua egin zuten Gipuzkoako Zubietan irailaren 23an. Iraultza Txikien Akanpadako solasaldietako bat zen. Helburua, bikoitza. Kataluniako prozesu independentistatik euskal herrigintzarako irakaspenak ateratzea, bata; Euskal Herrirako estrategia independentista eraginkor baterako gakoez eztabaidatzea, bestea. Tarteka bat egin bazuten ere, toki oso ezberdinetik egin zuen hitz bakoitzak.


2018-10-25 | ARGIA
Kataluniako 18 buruzagi independentista epaitzeko erlojua martxan jarri du Auzitegi Gorenak

Gorenak atzera bota ditu auzipetuen defentsek jarritako hirurehun diligentzia baino gehiago atzera bota ditu eta akusazioek euren idatziak aurkeztu ahal izango dituzte.


2018-10-25 | Xabier Letona
Oriol Soler: "Estatuak gerrari ekin zion eta adierazi nahi zigun jarraituz gero hil egingo gintuela"

Urriaren 1etik aurrera Estatuak gerrari ekin ziola eta jakinarazi ziela bide horretatik jarraituz gero odola izango zela. Horixe jakinarazi du Oriol Solerrek, Junts Pel Sí koalizioaren hauteskunde kanpainako koordinatzaileak “El mon a RAC1” irratsaioan egindako elkarrizketan.


2018-10-12 | ARGIA
Kataluniako Parlamentuak Felipe VI gaitzetsi eta Espainiako monarkia abolitzeko eskatu du

JxCat, ERC eta Catalunya En Comun-Podem taldeak ados jarri dira ostegunean eta Espainiako Errege Felipe VI gaitzesteaz gain, monarkiaren abolizioa eskatu du Kataluniako Parlamentuak.


2018-10-10 | ARGIA
Independentistek gehiengoa galdu dute Kataluniako parlamentuan, elkarren arteko desadostasunengatik

Kataluniako parlamentuko mahaiak bertan behera utzi du Carles Puigdemont eta preso dauden gainontzeko diputatuek boto delegatua emateko aukera ERCren eta PSCren aldeko botoekin. Erabaki horren ondorioz, independentistek parlamentuko gehiengoa galdu dute. JxCat eta ERCren arteko desadostasunak geroz eta agerikoagoak dira.


2018-10-08 | Santi LeonÚ
GAIZKI ERRANKA
Ortzirale beltzak

Urriak 1: Kataluniako erreferendumaren urteurrenean, Espainiako telebistak zehaztu digu zenbat enpresak egin duten alde prozesua martxan jarri zenetik (ez digu erran, ordea, denboraldi berean baten bat finkatu ote den). Kontuak, bistan da, gutienez bi irakurketa ditu: zeinen kaltegarria izan den eta den independentismoa ekonomiarako, edo zeinen lotsagabe saiatu den botere ekonomikoa jendearen erabaki politikoak baldintzatzen.


Kolore guztiak faxismoaren kontra

Oso paradigmatikoa izan da Kataluniako urriaren bateko lehen urteurrenaren harira gertatutakoa: herritarren protesta “koloretsuak”, segurtasun indarren biolentzia eta agintarien pasibitatea. Aktoreen rola ordea aldatu egin da. Iaz Espainiako poliziak eta guardia zibilak aritu ziren bozkatzera joan ziren kataluniarren hezurrak apurtzen. Aurten, aldiz, Espainiako polizien defentsan aritu dira Eskuadra Mossoak kalean. Baita erruz jardun ere: 24 lagun jipoitu eta zauritu dituzte,... [+]


ASTEKARIA
Azkenak
EGILEA
Eguneraketa berriak daude