Euskaltzaindiko Gramatika batzordearen eta Ibon Sarasolaren dimisioak

Eskuinetik ezkerrera Pello Salaburu eta Ibon Sarasola, Urkullu eta Goirizelaiarekin.
Eskuinetik ezkerrera Pello Salaburu eta Ibon Sarasola, Urkullu eta Goirizelaiarekin.www.irekia.euskadi.net

Egun esanguratsua aukeratu zuen Euskaltzaindiko Gramatika batzordeak albiste iluna emateko, Euskararen Nazioarteko Eguna alegia, abenduaren 3a. Pello Salaburu zen batzorde horren arduradun eta haren esanetan erakundearen barruan kudeaketa ereduarekin ados jartzen ez diren egituratu gabeko bi talde daude. Hedabideei esan dienez, “batzuek gauzak era batean egin nahi dituzte, eta beste batzuek beste era batean. Dena den guk ez dugu gehiengoaren iritzia onartzeko arazorik. Beti ere errespetutik egiten bada. Ez dugu duintasuna galdu nahi”. Gramatika batzordeak zazpi liburuko gramatika proiektua aurkeztu berri du eta Euskaltzaindiak hiru liburuko lana nahiago zuen. Zurrumurruek diote botere lehia dagoela Euskaltzaindiaren barruan eta Salaburuk adierazi du gatazka akademikoa dela. Pello Salaburu buru zuen lantalde osoak dimititu du. Ondokoak dira: Pello Salaburu, Iñaki Amundarain, Miren Azkarate, Piarres Xarriton, Beatriz Fernandez, Juan Garzia, Patxi Goenaga, Alan King, Itziar Laka, Maria Pilar Lasarte, Céline Mounole, Jose Antonio Mujika, Beñat Oihartzabal eta Paskual Rekalde.

Dimisioaren berri jakinda, Ibon Sarasolak Hiztegi Batuaren ardura utzi du. Haren ustez, Gramatika batzordearen dimisioa berak Hiztegi Batuaren ardura uzteko azken tanta izan da. Berriari esandakoaren arabera, Euskaltzaindian batzuek akademiaren zeregin arau-emailea lehenesten dute eta beste batzuek euskaltzaleen elkarte bihurtu nahi dute.

Euskaltzaindia abenduaren 20an arituko da Gramatika batzordearen eta Sarasolaren dimisioaz.


Kanal honetatik interesatuko zaizu: Euskaltzaindia
Mañeruibarko haur euskaldunak sarituko dituzte Iruñeko Komunikabideak Fundazioak eta Euskaltzaindiak

Euskara galdua zen eremu mistoko eta ez-euskalduneko herrietako familien ahaleginak aitortuko dituzte ekitaldian. Oskar Alegria zinemagilearen bideoak emango dio hasiera ekitaldiari 11:30ean udaletxean.


2023-07-12 | ARGIA
Mikromatxismo, egia berdadero, afariketan… Euskaltzaindiaren Hiztegiak 646 forma berri jaso ditu

Euskaltzaindiak Hiztegia sarean eguneratu du: 646 forma berri jaso ditu azken sei hilabeteotan, eta 1.130 forma moldatu edo findu. Lehendik dagoena txukuntzeari ere garrantzia eman diote. “Adibideak ere berrikusi ditugu, batez ere berdintasunari dagozkionak: emakumeen... [+]


Elena Martínez de Madina. Egiazko izenen bila
“Toponimia aberastasun ikaragarria dugu Araban eta zer gutxi errespetatzen den!”

Bizialdia darama Gasteizko toponimia ikertzen. Bateko eta besteko toki izenak jasotzen, forma zuzena eskaintzen... Eta toponimiaz galdezka hasi, eta bizi-historia kontatu digu, Gasteiz eta Nuarbe (Azpeitia) loturik, Alizia ahizparen eta Anjel Otaegiren ama Maríaren... [+]


2023-06-09 | Eta Kitto
Manu Ertzilla eta Oskar Arantzabal
“Federico Krutwig Mendebaldeko kulturaren pertsona osoa zen”

Nabarralde Fundazioak Federico Krutwig Sagredoren bizitza, pentsaera eta lanak jasotzen dituen liburua argitaratu du. Krutwigen Lagunak elkarte edo kolektiboko 13 lagunek idatzi dute bertan, tartean Manu Ertzillak eta Oskar Arantzabal eibartarrak. Hain zuzen ere, bi hauek egongo... [+]


Eguneraketa berriak daude