Etxetik kanporatzeak gelditu

Irakurleak lerrook ikusten dituen egun berean Hego Euskal Herrian 17 familia euren etxeetatik kanporatuko dituzte, eta 17 familietan sufrimendua agerikoa izango da. 2008tik, krisia hasi zen urtetik, 2012ko ekaina arte, Hego Euskal Herrian 10.997 kanporatze izan dira. Urtarrila eta ekaina artean 3.166 familia atera zituzten, batez beste egunean 17. Espainiako Estatuan 350.000 hipoteka exekutatu dira urteotan. Gutxi dira gertaera publiko egiten duten familiak eta ondorioz zertxobait desitxuratuta geratzen da argazkia: epaileak eta poliziak, bankuen zerbitzura, jendea etxeetatik ateratzen. Familia ugari, bere garaian bankuek oso pozik emandako kredituei ezin aurre eginik daude –krisiak eta langabeziak jota–, horixe da hipoteken exekuzioa.

Etxetik kanporatuek zorra ordaindu nahi dute, baina krisi garaiotan ezin dute. Moratoria eskatzen dute, edo sikiera kreditua kitatu ahal izatea etxebizitza emanda. Eta bankuen tratu bera nahi dute. Finantza erakunde askok hondoa jo eta ateak itxi beharko lituzkete, baina Estatuak ez die erortzen utzi eta milaka milioi euro eman dizkie, zergadunen dirua alegia, baita etxetik kanporatu dituzten horiena ere. Kanporatze horiek geratzeko ordua da, eta egin daiteke, borondate politikoa badago. Hego Euskal Herrian Kutxabank da kasu gehien dituena. Erakunde hori kontrolatzen duten alderdi politikoek, batez ere EAJk, ardura handia dute. Hauteskundeetako promesak bete ditzatela, gehien behar dutenei lagunduz; gaur etxetik kanporatu dituzten horiei, esaterako.


Kanal honetatik interesatuko zaizu: Etxegabetzeak
Etxegabetzeak 48 ordutan burutu ahal izateko lege aldaketa proposatu du EAJk

EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.


Iruñean familia bat etxegabetuko dutela salatu dute Harituk eta Jaki Tokik

Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.


2024-02-13 | ARGIA
Hamabi familia etxetik bota nahi dituzte Pasaian, trenbide zati bat egiteko

Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.


Bilboko etxegabetzearen aurka protestan ari direnen kontra oldartu da Ertzaintza

Ostiral goizerako zegoen ezarrita etxegabetzea eta horren kontrako protestara dei egin du Bilboko Etxebizitza Sindikatuak. Protestan ari direnen aurka oldartu da birritan Ertzaintza, eta dagoeneko pertsona bat atxilotu du, Gedar-ek jaso duenez. Etxegabetzea burutu dute.


Eguneraketa berriak daude