Transmisiorako ariketa nostalgikoa

  • Krem de la krem

    Txapelpunk.

    Autoekoizpena.

    Iraupena: 39’41’’.

    10 euro.
Lehenengo aldiz, Lekeition sortutako Txapelpunk taldeak diskoetxeetatik at autoekoiztu du lana. Sorreratik punka gaztetxoenei ezagutarazi nahi izan dien laukoteak bere helburu irmoa borobiltzeko moduko diskoa plazaratu du oraingoan. Hain zuzen ere, Iñigitoren eta gainontzeko taldekideen musika heroiak, ia-ia guztiak Euskal Herrikoak eta 80ko hamarkadakoak, omendu eta entzuleei ezagutarazi dizkiete. Bertan Ume Gaiztuak, Eskorbuto, Kortatu, MCD, Cicatriz, Bap!, Zer Bizio, Etsaiak, Delirium Tremens eta Orquesta Mondragonen kantuak berreskuratu dituzte, beti ere jatorriko modu ia berean interpretatuta. Baina badira, baita hain ezagunak ez zirenak ere: Zurrapak eta Askaturenak –Iñigitoren lehen taldea–; eta ingelesez abestutako Txapelpunken kantu berri bat punk-pop estiloetan barneratzen dena.
Iñigito: "Gure betiko taldeak omentzeaz batera, gure talde gustukoenak erakutsi nahi izan ditugu"

Nori zuzenduta dago diskoa? Beste hamarkadetako musikaren nostalgikoei edo gazteagoei, azken horiek zuen eraginak ezagutu ditzaten?

Disko honetan gure betiko taldeak omendu nahi izan ditugu, eta aldi berean jendeari gure talde gustukoenak erakutsi. Lehenik eta behin guretzat egin dugu eta gero entzun nahi duen jende guztiarentzat, bai nostalgikoentzat eta baita gazteentzat ere.

Erraza izan da taldeen aukeraketa?

Mahai gainean kanta asko jarri genituen eta denon iritzia kontuan izanda, 14 honek aukeratu ditugu.

Kantu ia guztiak 80ko hamarkadakoak eta RRV-koak dira. Ez da kasualitatea, ezta?

Ba ez, ze hamarkada horrek eragin handia izan du nigan, rock mundua bertan ezagutu nuen. 15 urterekin lehenengo taldea sortu nuen, Askatu. Orduan ez genuen ezer grabatu eta nire hastapenei keinu eginez kantu bat berreskuratu dut.

Zer izan zuen garai hark? Eta orduko kantuek?

Garai guztiz errebeldea zen. Jendea hitzekin identifikatzen zen eta talde haiekin guztia ematen zuten. Nahiz eta talde askotako partaideak gaur egun ez dauden hemen, heroinak berarekin eraman dituelako. Kanta guztiak osti txarrez betetako eresiak ziren eta garaiko errealitatea islatzen zuten. Orduan taldeek eta jendeak ez zuten soinua baloratzen, abestia bera baizik. Kanta bat ona bada, ona da soinu ona edo txarrarekin, edo ondo jota edo txarto, eta garai horretako taldeak kantu onez beterik zeuden.

Abestiak ezer gutxi aldatu dituzue. Nahiago duzue diren moduan errespetatzea?

Bai, kanta orijinalak horrelakoak dira, horregatik gustatzen zaizkigu, eta diren moduan grabatu ditugu.

Ingelesez abesten jarraitzeko asmoa daukazue?

Bai. Kaliforniako diskoetxe batekin harremanetan gaude. Gure kantu batzuk aukeratu ditugu, eta hauek ingelesera itzuli eta grabatzen gabiltza apurka. Aurrerapen gisa, disko honetan kantuetako bat sartu dugu.


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude