ARGIA.eus

2020ko ekainaren 06a

Bertso berriak, uztaileko arratsaldeei jarriak


Aitor Sarriegi @asarriegi
2011ko uztailaren 31

I
Euskalerriko zaletasuna
ez den arren nobedade,
udan sartuak garenez gero
hona zenbait kontu pare.
Bazkaltzean nahiko jan
ondoren, etzan sofan
eta xuabe-xuabe...
Zer da uztaila siestarik eta
Frantziako Tourrik gabe?
 

IV
Pirinioak iristen dira
etapa lauak utzita,
jan ta edana maite duenak
derrigorrezko bisita
portuaren maldetan,
mugaren bi aldetan
euskal zaletuen zita,
koberturarik ez dute baina
denak laranjaz jantzita.    
 

  II
Tourraren arau guztietatik
aipamen txiki bat aurki,
idatzi gabe egonagatik
beti betetzen den bati.
Hasieran bai ernai
sprinta noiz heldu zai,
begiak nola ireki...
bukatu eta bost segundora
esnatuko zara beti.
 

V
Ziklistetatik zein bai ta zein ez
taldeak ere hautatu,
batzuk barkatu, besteak ahaztu
ta nahi dena inputatu.
Azkenaldian Tourra,
ta ez jarri muturra,
ezin delako ukatu,
bulegoetan hasten da eta
bulegoetan bukatu.
 

III
Helikoptero irudietan
noiz ez zaizkigu agertu
lasto fardo ta traktoreekin
zenbait irudi okertu?
Bi besoak zabaldu
(eta karrera galdu
pasatuagatik gertu)
frantsesek duten zaletasun hau
ez dut sekula ulertu
 

VI
Kilometrotan egin ondoren
hiru bat mila inguru
Champs Elyseé-tan azken egunez
elkartzen dira bi mundu;
jende olde itzela
ta bestetik tropela,
azkenak ere lortu du!
Orain zer egin arratsaldetan
pentsatu beharko dugu.


Doinua:  Iparragirre abila dela.


Bidali zure sortak bertsoak@argia.eus helbidera. Aukeratuak orri honetan argitaratuko ditugu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Argiako Bertso jarriak

Argiako Bertso jarriak kanaletik interesatuko zaizu...

ASTEKARIA
2011ko uztailaren 31
Azkenak
EGILEA
Argia buletina
Egunaren laburpena
zure e-postan
Eguneraketa berriak daude