ARGIA.eus

2020ko ekainaren 06a

Bertso berriak, bidegorri berriei jarriak


Aitor Sarriegi @asarriegi
2011ko maiatzaren 29a
    I
Bertsotan aipatzeko
gogoz nator ia
kamino bazterretan
den moda berria.
Bidexka gorriz bete
digute herria,
berez behar zuen arren
ongi etorria
bideaz gain sortu da
istilu gorria.
        IV
Lehengo kaminoetan
pena ematen du
nola ez duten aukera
bat onik mantendu.
Zurezko hesi edo
blokedun zimendu,
kaminoak estutu
ta artzenak kendu...
Lehen alde ederrean
ibiltzen ginen gu!
        II
Betidanik egon naiz
bide hoien alde,
egiteko modua
ez da hau halare.
Bizikletazaleok
babes gabe gaude,
oinezkoen bidea
nahi bada bestalde,
ezin al zaie eman
guri kendu gabe?
    V
Kaminoko arauak
harturik eredu,
abiadura-mugak
zer zentzu ote du?
Oinezkoen aldean
hankamotz gaude gu,
orduko hamar pasa
ez badezakegu
kaskoa zertarako
jantzi behar degu?
        III
ide gorria nahiz ta
eduki aukeran
atsoren bat builaka
beti pasaeran,
ta kaminora joanez
gero lehengo eran,
autoak bozina joz
(eta ez primeran...)
oraindik ez dakit ba
bizikletan hegan!
    VI
Batzuk nazkatu dira
gurpil eta katez,
besteak berriz noiznahi
frenoei ematez.
Gauzak konpontzen dira
denon borondatez,
beraz aukera egin
bedi behingo batez:
batzuk zein besteentzat
baina denentzat ez.


Doinua:  "Sagutxo batzuekin”.

Bidali zure sortak bertsoak@argia.eus helbidera. Aukeratuak orri honetan argitaratuko ditugu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Argiako Bertso jarriak

Argiako Bertso jarriak kanaletik interesatuko zaizu...

ASTEKARIA
2011ko maiatzaren 29a
Azkenak
EGILEA
Argia buletina
Egunaren laburpena
zure e-postan
Eguneraketa berriak daude